Mata 15:16 - Bible Zulgo

¹⁶ Yesuw a gwaɗa a tar: «Kurum tekeɗe, haa kinehe kàa tsarakum tsa mbaŋa ya?

Mata 15:16 ပူးပေါင်းရင်းမြစ်များ

Mata 13:51

I dəba ŋa ya, Yesuw a wiz à gà ɓəzla mazazama ŋgat a, a gwaɗa a tar: «Kàa tsarakum gà bazlam ata i tsik a kurum a tserdze ya ya?» Ta gwaɗar aaka: «Haya, maa tsaraka.»

Mata 15:10

I dəba ŋa ya, Yesuw a zal a gà mburma ata i fataya tserdze, tə daha a təv ŋgar. Tə daha ka, a gwaɗa a tar: «Tsarakum, dzum zləm a dukw ana i tsik a kurum a ya lele.

Mata 15:15

I fataya ka, Piyer a gwaɗar aaka: «Maa tsaraka bazlam yak ata ndeɗiŋa ya tsəna, ɗe a mər dər te.»

Mata 15:17

Kà sərum tsiye, dukw ana mburma ti tikehe a a bazlam tserdze ya ka, a de a ka, ndàra a hitwis, dite ti tèhere a iɗəm a bəɗ a bəra ya ana, kà sərum tsiye?

Mata 16:11

Aɗaba la na kà sərum tsiye? I gwaɗa a kurum ka, kaslum gà gər kurum i təv giɗe gà Farisa ana nda biy gà Saduki a kwasawa à duwa ya, tsəka, agəra ana dukw mezime aà kurum tsiye tsa.»

Mata 16:9

Wànà hiywe metsehe kurum a riŋ tsa pəra ya? Kà dzalum gà gər aka ɗaf ata tapa ə̀zləm, i sasaba a gà mburma ana ti sle dəbuw ə̀zləm a ti tsiye? Dite mezehe ŋana kà yahumar gər ana, tàkwasa ndaw seyiŋ a?»

Markus 6:52

Tə sər ka, Yesuw a sle a aà duwa ka, tserdze tsa. Aɗaba dukw ana ndeɗiŋa a ge nda ɗaf aaha ya ka, aka məts a tar gər, tàa tsaraka bise tsa.

Markus 7:18

Dite a gwaɗa a tar: «Wànà kurum tekeɗe, metsehe kurum a riŋ tsa mbaŋa ya? Kà ze metserekwim a? Kà sərum tsiye, dukw ana mburma a zim a ndàra a hitwis a ka, a sle aà menise a à mburma tsəna, kà sərum tsiye?

Markus 9:32

Ama gà ɓəzla mazazama ŋgat ata, tə tsaraka dzəba bazlam ata kataya ya tsa, magəɗa a ge a tar aà mewize ahər hinne asa.

Luka 18:34

I fataya ka, gà ɓəzla mazazama ŋgat ata tàa tsaraka dukw ana a sasar aà metsike ya tsa. Aɗaba a ge aà tar ka, kamala makàhà ŋa i huɗ ŋa ya, dèrze ikəka.

Luka 24:45

Ama ka, aka handaka a tar gər aà masəra gà guma ana i wakita Mbulum a lele.

Luka 9:45

Ama gà ɓəzla mazazama ŋgat ata tàa tsaraka dukw ana a sasar aà metsike ya tsidze. Tə samata bazlam ata ka, makàhà ŋa i huɗ ŋa. Magəɗa a ge a tar aà metsème ahər bazlam ata asa.

IBƏRANIKWA 5:12

Ana ka, ki slwim aà mene a gà ɓəzla medzeŋge guma Mbulum a mburma, na mege daga piŋŋe ka, kà dzum ba aà mesìnìkè ba à duwa ya. Ama haa kinehe kàa sərum lele zukw tsa. Say ta me a kurum a aka medzeŋge guma ana kà lah metserekwim a nda təv bazlam Mbulum a lele asa dzekwiŋ. Kurum ka, kà slwim mazəma ɗaf zukw tsa. Kurum ka, kamala gà ɓəza ana ti se a awah aà məmər tar a mba ya.