Mata 14:3 - Bible Zulgo

³ Hiridus a tsik kataya ka, aɗaba ŋgat na a gəs Yuhana piŋŋe, a dzaw ŋgat, a tike ŋgat a ga daŋgay a. A tike aɗəm ŋgat ka, agəra ana a palar ahəm aà mazla *Hirudiya məkəs damər ŋgar Filip ana a zlaba ihər a ya.

Mata 14:3 ပူးပေါင်းရင်းမြစ်များ

Mata 11:2

Akahər ata ka, Yuhana metsìlwìɓè à mburma a yam a riŋ i ga daŋgay. Ama a tsaraka meɗè zləm megemir Yesuw ana a gewa ya, ta gwa là, ŋgat ka, *Kiristi, mala məmbə̀là à mburma ana Mbulum a gwa, i slir a kurumehe a ya ka, a slər gà asiŋ gà ɓəzla mazazama ŋgat a təv ŋgar.

Mata 14:6

Aləka i təv ana pat mawà Hiridus a ndze aɗəm a ka, a zal a mburma hinne aà megirive. Gà mburma ata tserdze ya, tə ndəv akabaha ka, dəm Hirudiya aaha ndeɗiŋa ya, a riŋ i liwiŋ gà mburma ata mbaŋa. A daha, a dza ba aà megirive ika miɗ gà bàba gà mburma ata tə zal a tar à megirive ya. Ama megirive dəm ata a tsahən aà Hiridus nda gà asiŋ gà mburma ata a zal a tar a hinne.

Mata 4:12

Akahər ata ka, ta gəs Yuhana, gədzə̀zl ti tike ŋgat a daŋgay. I dəba ŋa ya, Yesuw a tsaraka ta gwa là, tàa gəs Yuhana ka, a hitsera i fataya, a mah ba, a da aka ahəɗ Galile.

Markus 6:14

Akahər ata ka, *Hiridus, ŋgat batsah Əbay ana i fataya, aka tsaraka meɗè zləm Yesuw, aɗaba ku mege a ŋga tekeɗe, zləm ŋgar aka ɗe aà mburma hinne. Gà asiŋ gà mburma ŋgiɗ ta gwa ahər: «Ŋgat ka, Yuhana metsìlwìɓè à mburma a yam, aka mbəlara i biye ya. Ŋgat ŋa na a geye a gà dukw mene aà mburma ata kərga taŋa ya.»

Markus 6:17

Hiridus a tsik kataya ka, aɗaba ana ŋgat na a gəs Yuhana, a kəɗ ŋgat i ga daŋgay a. A tike aɗəm ŋgat ka, agəra ana a palar ahəm aà mazla *Hirudiya, məkəs damər ŋgar Filip ana a zlaba ihər a ya.

Markus 6:19

Ama məkəs aaha ka, a sasar medzeye à mesife Yuhana fit a biye. A sle aà medzeye dər tsəka, agəra Hiridus ana a ge magəɗa a makə̀ɗà Yuhana ya.

Markus 6:22

Tə dza ba aà megirive hinne. Aləka i dəba ŋa ya, dəm Hirudiya məkəs aaha a daha a təv gà bàba gà mburma ata a ga. A daha ka, a dza ba aà megirive. Megirive dəm ata ka, a tsahən aà Hiridus nda gà bàba gà mburma aaha a zal a tar à dukw mezime ya hinne. A gwaɗa a dəm ata: «Wiz aà iye dukw ana a sàsak a, i vilekiŋa.»

Markus 8:15

Aləka i dəba ŋa ya, Yesuw a be a tar à ɗaf. A gwaɗa a tar: «Gwim metsehe agəra giɗe gà Farisa nda biy Hiridus ana a kwasawa à duwa ya, lele.»

Luka 13:1

Akahər ata ka, gà mburma duwa tə daha a təv Yesuw, tə daha ka, ta gwaɗar: «Pilatus aka bats gà Galile duwa i təv ana ta riŋ i təv batsah ga Mbulum, ta vile a dukw masakəŋana a Mbulum a. Məmbəz gà dukw ata ta bats a, a gaw ba akaba nda biy tar a təv ilik ŋa.»

Luka 13:31

I təv ana Yesuw a fàfəl aba ya tsara ka, gà *Farisa duwa tə daha a təv ŋgar. Tə daha, ta gwaɗar: «Da i faha ya, daba a təv ŋa, aɗaba Əbay *Hiridus a ta kiɗ a kər.»

Luka 23:11

Gà Hiridus nda gà sliwdze ŋgar tə tsaraka gà dukw ata ka, tə sawla aà Yesuw hinne. Ta ger matawak. Ti tike aka ŋgat petek ana ŋgwal ŋa ya, aà masàwlà dər ahər. dite ta màha à ŋgat a Pilatus.

Luka 23:7

Ta gwaɗar aaka: «Haya.» A tsaraka, Yesuw a dara i fataya, ika mekwere Hiridus a ka, a zal a mburma, tə da à Yesuw a təv Hiridus. A pat ata ka, Hiridus a riŋ i Yeruzalem mbaŋa.

Luka 3:1

Akahər ata Yuhana a pàt à ba ŋgar ka, Tiberiyus ŋgat batsah Əbay ana a kwere a ahəɗ gà Ruma ya. Aka ve iɗəm kurwa gəra ə̀zləm. Ŋgat na a tike aɗəm Puntiyus Pilatus ana a kwere a ahəɗ gà Yuda ya. *Hiridus i ŋgar ka, ŋgat a riŋ a kwere a ahəɗ Galile. Damər ŋgar Filip ibam, a riŋ a kwere a gà ahəɗ gà Ituriya nda Tərakunitis. Lisaniyas i ŋgar, Əbay gà mburma ana ika ahəɗ Abilen a.

Luka 8:3

nda gà Yuwana məkəs Huza, mala megemir gà *Hiridus iɗəm mbaŋa, dite nda gà Suzana, nda gà asiŋ gà məkəs ŋgiɗ pampam hinne iɗəm asa mbaŋa. Gà məkəs ata tə zazam ŋgat a ka, tə zlàkawa gà Yesuw nda limana tar hinne.

Gà Ɓəzla Meslire 12:1

Akahər ata ka, Əbay *Hiridus a dza ba aà mesewere are a gà asiŋ gà mburma Mbulum.

Gà Ɓəzla Meslire 4:27

I huɗ meheme tar ata ya hiywe, ta gwa asa: «Kaɗəŋ, ar ka, kamala Mezite Mesife yak ana ka tsik ahər akahər ata ya. Aɗaba gà *Hiridus nda Puntiyus Pilatus ta gaw ba i kwite aaha nda gà slele, dite nda gà Yahuda, aà magàwà aà Kəla yak Yesuw ana kà slərra kamala mala məmbàlà à mər a.