Mata 13:51 - Bible Zulgo

⁵¹ I dəba ŋa ya, Yesuw a wiz à gà ɓəzla mazazama ŋgat a, a gwaɗa a tar: «Kàa tsarakum gà bazlam ata i tsik a kurum a tserdze ya ya?» Ta gwaɗar aaka: «Haya, maa tsaraka.»

Mata 13:51 ပူးပေါင်းရင်းမြစ်များ

Mata 13:11

A gwaɗa a tar aaka: «Aɗaba kurum ka, Mbulum aka ɗif a kurum à dukw ana makàhà ŋa i mekwere ŋgar a, kàa mbər mesirwim. Ama gà mìsle ŋgiɗ ka, tə sər tsa.

Mata 13:19

Ama gà mìsle ŋgiɗ ka, tə tsaraka bazlam Əbay Mbulum ana a ta kwere a ya. Tàa dzar zləm, ama tàa tsaraka tsa. Əbay sitene a dehe a, ndzìkeɗ ndzìkeɗ a ndzehe a bazlam ata tə dzar zləm a. Tar ti ndzikiɗ ba ka, wur daw ata a dza aka vatwa ya.

Mata 13:50

Tì ndzikere a iɗəm gà na gà ŋgwal ŋa tsiye, dùf tì ndè à ter a a akwa ana a mbete a tsa aà biybiy a. I fata ka, ti tiwe a hinne, ndàtsə̀tsə̀tsà ti dzedzer a nda məpapəɗa dər zlir.»

Mata 13:52

A gwaɗa a tar asa: «Aɗaba ku weke na a sər məpala ahəm Mbulum, aka gəs mekwere ŋgar lele ka, a ndzikiɗ ba ka, mala ga ana limana ŋgar a riŋ hinne, à mère a ka, à miviya ŋa, kige tsa, awiya ŋa asa ya.»

Mata 15:17

Kà sərum tsiye, dukw ana mburma ti tikehe a a bazlam tserdze ya ka, a de a ka, ndàra a hitwis, dite ti tèhere a iɗəm a bəɗ a bəra ya ana, kà sərum tsiye?

Mata 16:11

Aɗaba la na kà sərum tsiye? I gwaɗa a kurum ka, kaslum gà gər kurum i təv giɗe gà Farisa ana nda biy gà Saduki a kwasawa à duwa ya, tsəka, agəra ana dukw mezime aà kurum tsiye tsa.»

Mata 24:15

Yesuw a gwaɗa a tar: «Aka miɗ mba ka, ki ŋgetwim a a wele ana ta gwa ahər, swalwa ŋa ŋgwala tsa hinne, dite a ne dukw zlaŋgatsak na i təv Mbulum a. Wele ata a ndze a ka, a ga Mbulum batsah ŋana, kamala ana Daniyel, mala məma à guma Mbulum ana akahər ata a tsik a, a gwa, wele ata a dere a, a ndze a ka, a fata.*fa* Ama wur ana a dzeŋge a dukw aaha ya ka, say mà dzar zləm lele.

Markus 4:34

Aɗaba a tsikewa bazlam ŋgar ze bazlam minew tsa pəra. Ama i təv ana tar nda gà ɓəzla mazazama ŋgat a ka, a ɗe a tar à bazlam minew ata fit dze.

Markus 7:18

Dite a gwaɗa a tar: «Wànà kurum tekeɗe, metsehe kurum a riŋ tsa mbaŋa ya? Kà ze metserekwim a? Kà sərum tsiye, dukw ana mburma a zim a ndàra a hitwis a ka, a sle aà menise a à mburma tsəna, kà sərum tsiye?

1 Yuhana 5:20

Kà sərakwa dər asa ka, Kəla Mbulum a dara aka gər ahəɗ a ka, a vəl a kwa metsehe, na dite ka, kà sərakwa Mbulum ndzer ŋana ya. Kà ndzakwa i təv ilik ŋa nda gà Mbulum ndzer ŋana ka, agəra ana kà ndzakwa i təv ilik ŋa nda gà Yesuw Kəla ŋgar a mbaŋa, kàa gawakwa ba ya. Ŋgat na Mbulum ndzer ŋana ya, dite ŋgat asa na a vəl a kwa mesife ana à ndìv a tsa aà biybiy a asa mbaŋa.