Mata 13:30 - Bible Zulgo

³⁰ Ŋgulum mandza tə̀ma, tə̀ nah akaba dzekwiŋ. A təv ana masàsà daw ide ya ka, i gweɗe a a gà ɓəzla masàsà ŋa: Haɓumara iɗəm tìzèmiŋ a dzekwiŋ, dite ka yahumar gər, ka tikwim ahər akwa. I dəba ŋa ya, ki seswimiŋ a daw gà, dite ki gìzlwimiŋ a, ki ndzekwimere a a awura gà ya kuɗa.> «

Mata 13:30 ပူးပေါင်းရင်းမြစ်များ

Mata 13:25

Aləka hawa a ge ka, a da a ma. I dəba ŋa ya ka, həvəɗ a ge, aləka, gà mburma tserdze ika mendze are ka, mala swalwa ŋgar a daha, a sliger aɗəm tìzèmiŋ. Ama a slige aba ya ka, a daba.

Mata 13:29

A gwaɗa a tar aaka:

Mata 25:32

Gà mburma ana ika gər ahəɗ tserdze ya, ti yehebere a gər aka miɗ gà ya. Dite i ndzeke a iba mburma ya, kamala mala makəva gà dukw ana a ndzakawa ikaba gà təmaŋ nda gà awak a.

Mata 25:41

Dite i dəba ŋa ya asa ka, i gweɗe a a gà na ika tsèke ahər gùla gà ya:

Mata 3:12

Aɗaba ŋgat ka, a riŋ nda gà kəzləm məvàvàyà duwa i ahər ŋgar. A tsire a ikaba gà daw nda dzəndzar a. Daw ŋana ka, à dze a a awura ŋgar. Ama dzəndzar ka, a wene a iɗəm a nda akwa ana a mbete a tsa aà biybiy a.»

Luka 3:17

Ŋgat a riŋ nda gà dukw məvàvàyà ikaba gà daw nda dzəndzar a. A vèveyè a dər ikaba ya. A dze a daw a awura. Dite a ndè a à dzəndzar ŋana a akwa ana a mbete a tsa aà biybiy a.»

Yuhana 15:6

Wele ana ŋgat i təv ga tsiye ka, Mbulum a niw a ŋgat. A ne a kamala ahər dizl ɗaf ana tə sàs ihər a, tì yè a a dala, dite a kwile a ya. Na aka kula ka, ti yeher a gər, dite tì dzer a akwa, a weniŋa.

1 Kurintiya 4:5

Aɗaba taŋa, ka ta geywim aba seriye ika magər kurum ŋgaŋ ŋgaŋ kataya tsara tsa. Vavum pat ana Batsah kwa a tike məpàslà ahər ŋa ya ivaɗ. A pat ana aka màra ya ka, ŋgat na à pèt a à gà dukw ana makàhà ŋa i luvuŋ kinehe ya parzakkà lele ya. Dite gà dukw ana gà mburma ti dzele a i gà gəzləŋ tar a tekeɗe ka, a ta pèt a aba parakkà lele mbaŋa. A pat ata ka, Mbulum a ti zlibe a à ku mege weke kalkal kamala megemir ŋgar ana a ge ya.

1 TIMUTE 5:24

Gà asiŋ gà mìsle ŋgiɗ riŋ ka, ti ndze a aka miɗ seriye dzekwiŋ tsa, na bakal tar à pèt a a bəra ndərzayya ya. Ama biy gà mìsle ŋgiɗ à pèt a ka, say na tàa ndze aka miɗ seriye ya dzekwiŋ.