Mata 13:3 - Bible Zulgo

³ Dite a ɗe a tarra iɗəm à guma ŋgar a hinne ndaka bazlam minew a. I huɗ guma ŋgar ata ya ka, a gwaɗa a tar: «Wele duwa a riŋ, a ndzək hwife daw, a da dər a dala aà meslige.

Mata 13:3 ပူးပေါင်းရင်းမြစ်များ

Mata 13:4

I təv ana a riŋ a slige a ya ka, wur daw ata a dza aka vatwa, gà ɗiyeŋ tə daha, ta pala.

Mata 13:53

I dəba ŋa ya, Yesuw a tsik a tar aba gà bazlam minew ata ya fit ka, a hitsera i fataya.

Mata 22:1

I dəba ŋa ya, Yesuw a tsik a tar aaka bazlam minew ŋgiɗ pam asa. A gwaɗa a tar:

Mata 24:32

Yesuw a gwaɗa a tar asa mbaŋa: «Tsarakum bazlam minew gùrùv aaha kwaŋ. Aɗaba dizl ɗaf gùrùv ka, à gègìriŋa, dite à dze a ba aà mibìzè, nda mewiɗe. Agəra taŋa, kurum tekeɗe, ki sirwim a dər ndzer, viye aka à mege.

Markus 12:1

I dəba ŋa ya, Yesuw a dza ba aà metsìkè guma ŋgar ndaka bazlam minew a gà mburma ata. A gwaɗa a tar: «Wele duwa a sàs gùvàh. A dzava aɗəm dizl ɗaf hinne. A zlàzl ahər tits lele. A làmbaɗa aɗəm tùgùɗ a magər ŋa, aà meɗwitsewa aɗəm mawà dukw ata. A ndwaŋ aɗəm dzègwèle i magər ŋa ata, aà makàslà ŋa. I dəba ŋa ya ka, wele ata a da a təv ŋa diriŋ aka ahəɗ ŋgiɗ. Gùvàh dizl ɗaf ŋgar ata à mìtehiŋa. A dza aɗəm gà mburma aà məfə̀rà ahər, dite aləka ta vəlar dukw gùvàh ŋgar əŋgal, na aka màra ya.*fa*

Markus 12:12

Yesuw a ndəv à bazlam ŋgar ata tsara ka, a tsəɓ a gà Əbay gà ɓəzla mandəva kuɗa a Mbulum nda gà bàba gà mburma ana ta kwere a gà Yahuda ya, hinne. Ti yaha vatwa aà magəsa ŋgat, aɗaba tə sər ndzer, a tsik bazlam minew ata ka, agəra tar. Ama ta ge magəɗa agəra gà mburma ana tar riŋ hinne ya asa mbaŋa. Ta məsak à ŋgat, tə daba dukw tar.

Markus 3:23

Aləka i dəba ŋa ya, a zal a gà mburma ata. A live dər aba nda bazlam ŋgiɗ a pampam. A gwaɗa a tar: «Meme na Əbay sitene a delewe a ba ŋgar a?

Markus 4:13

I dəba ŋa ya, Yesuw a gwaɗa a tar: «Kàa tsarakum bazlam minew gà ata tsiye? Na kàa tsarakum tsəna, meme na dite ki tserekwim a gà bazlam minew ŋgiɗ pampam a?

Markus 4:33

I dəba ŋa ya, Yesuw a tsik a tar bazlam minew ŋgiɗ pampam hinne asa. A live dər aba nda gà dukw ata pampam a tsik a tar a. A tsikewa a tar ka, dukw ana gà mburma ata ti tsereke a lele ya.

Luka 12:41

Piyer a tsaraka bazlam Yesuw ata a tsik a tar a ka, a gwaɗar aaka: «Batsah mər ŋa, kà tsik bazlam minew ata ana, agəra mər ɗekɗek a, tsəna, agəra gà mburma fit a?»

Luka 8:10

Yesuw a gwaɗa a tar aaka: «Kurum ka, Mbulum aka ɗif a kurum à dukw ana makàhà ŋa i mekwere ŋgar a. Ama gà mìsle ŋgiɗ ti dze a zləm ka, a dukw ana ti tsik a ter a ndaka bazlam minew a pəra. Dite ku mege ta fir ahər a tekeɗe ka, ta ŋgeter a tsa, ku mege tàa dzar zləm lele tekeɗe ka, ti tsereke a ɓav tsa asa.»*fa*

Yuhana 16:25

Yesuw a tsik a tar asa mbaŋa, a gwaɗa a tar: «I tsik a kurum gà dukw ata tserdze ya ka, mendzikiɗe ba duwa. Ama pat ŋgiɗ a ndzere a ka, i ta fèfil a kurum a bazlam mendzikiɗe ba duwa asa tsa. I ɗif a kurum a ka, à bazlam aka gər Tsir gà parakkà lele.