Mata 13:24 - Bible Zulgo

²⁴ I dəba ŋa ya, Yesuw a zla tarra bazlam minew ŋgiɗ a pam asa. A gwaɗa a tar: «*Mekwere Mbulum a ndzikiɗ ba ka, nda wele duwa a ndzək hwife daw ŋgar, a da dər a dala a gùvàh ŋgar. A daha ka, a slige daw ata.

Mata 13:24 ပူးပေါင်းရင်းမြစ်များ

Mata 13:19

Ama gà mìsle ŋgiɗ ka, tə tsaraka bazlam Əbay Mbulum ana a ta kwere a ya. Tàa dzar zləm, ama tàa tsaraka tsa. Əbay sitene a dehe a, ndzìkeɗ ndzìkeɗ a ndzehe a bazlam ata tə dzar zləm a. Tar ti ndzikiɗ ba ka, wur daw ata a dza aka vatwa ya.

Mata 13:25

Aləka hawa a ge ka, a da a ma. I dəba ŋa ya ka, həvəɗ a ge, aləka, gà mburma tserdze ika mendze are ka, mala swalwa ŋgar a daha, a sliger aɗəm tìzèmiŋ. Ama a slige aba ya ka, a daba.

Mata 13:31

I dəba ŋa ya, Yesuw a tsik a tar bazlam minew ŋgiɗ pam asa. A gwaɗa a tar: «*Mekwere Mbulum a ndzikiɗ ba ka, wur dukw ana hinne tsa, kamala wur meserek a. Ama ka, wele duwa a ndzək, a slige a gùvàh ŋgar.

Mata 13:33

I dəba ŋa ya, Yesuw a tsik a tar bazlam minew asa mbaŋa. A gwaɗa a tar: «*Mekwere Mbulum ka, à mbìɗ a à mendze mburma. A ndzikiɗ ba ka, giɗe ana a kwasawa à duwa ya. Taŋa məkəs duwa a ndzək gùfa a batsah kəzləm makər, dite a nda aaka giɗe, a həlaɓ dər akaba. I dəba ŋa ya ka, dzìdzèrègìffe a kwasa dər fit kuɗa.»

Mata 13:37

A gwaɗa a tar: «Mala meslìgè daw ka, iye, *wur ana a dara i təv Mbulum a ya.

Mata 13:47

«Iye ihər i gweɗe a kurum a asa: *Mekwere Mbulum a ndzikiɗ ba ka, ndzàràwà gà ɓəzla magàsà kilif ana ti tikewa a duluv a yam a. Na tàa tike aɗəm ka, làw làw làw, gà kilif ŋgiɗ pampam hinne ti de aɗəmiŋa.

Mata 18:23

I dəba ŋa ya, a gwaɗa a gà ɓəzla mazazama ŋgat asa: «*Mekwere Mbulum ana a kwere a ya, a ndzikiɗ ba ka, wele duwa Əbay ŋa. Gà ɓəzla megemir ŋgar a riŋ hinne. Ama ka, gwèdèrè ŋgar aà gà ɓəzla megemir ŋgar ata. Əbay ata a dza ba aà mewize aà tar.

Mata 20:1

«Aɗaba taŋa, mekwere Əbay Mbulum ana a ta kwere a mba ya ka, a ndzikiɗ ba nda wele duwa ga. Wele ata ka, a wilera i ga ya i mèkwède hedwe aka tuwa guŋgwazl. Aɗaba a yehe a mburma aà megemir a gùvàh ŋgar.

Mata 21:33

I dəba ŋa ya, Yesuw a gwaɗa a tar: «Tsarakum, i tsik a kurum a bazlam minew ŋgiɗ pam asa. Wele duwa a riŋ, ŋgat ka, mala ga. A sàs gùvàh. A dzava aɗəm dizl ɗaf hinne, a zlàzl ahər tits lele. A làmbaɗa aɗəm tùgùɗ a magər ŋa, aà meɗwitsewa aɗəm mawà dukw ata. A nduŋ aɗəm dzègwèle i magər ŋa ata aà makàslà ŋa.*fd* I dəba ŋa ya, wele ata a da a təv ŋa diriŋ aka ahəɗ ŋgiɗ. Gùvàh dizl ɗaf ŋgar ata à mìtehiŋa. A dza aɗəm gà mburma aà məfə̀rà ahər, dite aləka ta vəlar dukw gùvàh ŋgar i ŋgal na aka màra ya.

Mata 22:2

«Araha, dukw ana a ndzikiɗ ba nda *mekwere Mbulum ana a ta kwere a mba ya: Aɗaba a ndzikiɗ ba ka, Əbay duwa a zla daala a kəla ŋgar.

Mata 25:1

I dəba ŋa ya, Yesuw a gwaɗa a tar asa: «A pat ŋgiɗ i mère a aka mekwere gà ya ka, à ndzikiɗ a ba bazlam minew gà dəm duwa kurwa, ta waya melime nda gà zal daala ana a zlere a ya. I təv ana ta meh a ba, ti de a ya ka, tə ndzək dər gà lalampa tar aà ahər.

Mata 3:2

A gwaɗawa a tar ka: «Mbəɗum à madzala gà gər kurum a təv Mbulum, aɗaba mekwere ŋgar aka à mendzera.»

Mata 4:23

Aləka i dəba ŋa ya, Yesuw a suwaya ika ahəɗ Galile tserdze. A tsikewa guma ŋgar a mburma i gà ga mahàmà a Mbulum. A tsikewa a tar bazlam ŋgwal ŋa ana biy mekwere Əbay Mbulum a asa mbaŋa. A mbala à gà ɓəzla dukw məməta, nda gà mburma ana gà magàha a bəɗ ŋa ya fit dze.

Luka 13:18

I dəba ŋa ya, Yesuw a gwaɗa a tar: «Mekwere Əbay Mbulum a ndzikiɗ ba ana, dukùla? I geye a dər akaba ana, nda dukùla?

Luka 13:20

Yesuw a gwaɗa a tar asa: «I geye a akaba a à mekwere Əbay Mbulum dze ana, nda dukùla asa ya?

KULUSIYA 1:5

Kurum ihər ki gwim a kamala taŋa ya ka, aɗaba ana kà tikwim madzala gà gər kurum aka ŋgwal dukw ana Mbulum a tike a kurum aba ya, i təv ŋgar i gər ŋa, kà sərum ka, ki ta ŋgetwim a ya. Ti ɗif a kurum à dukw ata Mbulum a gwa, i tike a aba ya aɗaba kurum a ka, i təv ana kà tsarakum bazlam ŋgwal ŋana ndzer a.

1 PIYER 1:23

Aɗaba kà sərum, Mbulum a vəl a kurum mesife awiya ŋa, nda ndzəɗa bazlam ŋgar ana a vile a mesife a mburma, diydiy à ndìv a tsiye. Kurum ka, kàa nwim gà ɓəza Mbulum ana ŋgat à mìt a tsidze ya. Ŋgat ka, kamala kwa ana ki metekwa a ya tsa.