Mata 13:23 - Bible Zulgo

²³ Ama gà mìsle ŋgiɗ ka, ti ndzikiɗ ba wur daw ata a dza aka ahəɗ ana ŋgwal ŋa ya. Aɗaba tar ka, ti tsereke a bazlam Mbulum, tì dzer a zləm lele. Tar ti ne ka, kamala wur daw ata a sləl ika ahəɗ ata ŋgwal ŋa, dite a ge ba hinne ya. Biy ŋgiɗ ilik ka, dzìsl gèher a kəzləm, biy ŋgiɗ asa ka, fàhha, dite biy ŋgiɗ ka, tìs aɗəm.»

Mata 13:23 ပူးပေါင်းရင်းမြစ်များ

Mata 12:33

Aləka i dəba ŋa ya, a gwaɗa a tar asa: «Dizl ɗaf ana ba a dzəmar lele ya ka, mawà ŋa tekeɗe, nawat nawat lele mbaŋa. Ama dizl ɗaf ana ba a dzəmar tsiye ka, a we a tekeɗe ibam, ŋgwala tsa. Aɗaba ti sir a iba à gà dizl ɗaf ata ya ka, i mewe tar a.

Mata 13:8

Ama wur ŋa i ŋgiɗ asa, a dza aka ahəɗ ana ŋgwal ŋa ya. Ŋgat ka, a sləl, a geba hinne, a da a bəra, dite a nah. Biy ŋgiɗ ilik ka, dzìsl gèher a kəzləm. Biy ŋgiɗ asa, fàhha. Biy ŋgiɗ ibam, tìs aɗəm.»

Mata 3:10

Iye ihər i gweɗe a kurum a asa: Ku kinehe tekeɗe, zlaba a riŋ matasla ŋa hapəpəpa, na tì ses a dər dizl ɗaf a. Aɗaba taŋa dizl ana a we a ŋgwal ŋa tsiye ka, tì sèsere a i biye ya nda zlile ŋa dze, dite ta wene a nda akwa, kamala megweɗe ya ka, seriye Mbulum à gis a gà na ta ge a dukw ana ŋgwal ŋa tsiye.

Mata 3:8

Ama kinehe ka, gwim gà megemir ana, dite mburma ti sir a dər ka, kàa mbəɗum à madzala gà gər kurum a təv Mbulum kaɗəŋ, kàa miyakum à dukw kurum ana ŋgwala tsa miviye ŋa ya ya.

Markus 10:15

Iye ihər i tsik a kurum a nda ndzer: Wur ana aka gəs mekwere Əbay Mbulum kamala kəla ndirkiz a tsəka, a sle aà mede aɗəm a tsidze.»

Markus 4:20

Gà mìsle ŋgiɗ pam ka, tar ti ndzikiɗ ba wur daw ata a dza aka ahəɗ ŋgwal ŋa ya. Ti tsereke a bazlam Mbulum, ta gis a a gəzləŋ tar nda ndzer. Tar ka, ti ne kamala wur daw ata a sləl ika ahəɗ ata ŋgwal ŋa, dite a ge ba hinne ya: biy ŋgiɗ ilik ka, dzìsl gèher a kəzləm, biy ŋgiɗ asa ka, fàhha, dite biy ŋgiɗ ka, tìs aɗəm.»

Luka 13:9

Na Yàa ge dər kataya ka, biy tsa, a we a ndizìŋ kuɗa. Na aka wa tsa asa ka, dite ki ses a iɗəm a kuɗa.> «

Luka 8:15

Dite gà mìsle ŋgiɗ pam asa ka, ti ndzikiɗ ba wur daw ana a dza aka ahəɗ ŋgwal ŋana. Ti tsereke a bazlam Mbulum, ta gis a a gəzləŋ tar lele nda maŋgayaba. Bəla mesewere are aka ndzera ka, hiywe ta misek a dər tsa, ta ge a dukw ana a ge a ŋgulum a Mbulum a.»

Luka 8:8

Ama wur ŋa i ŋgiɗ pam asa, a dza aka ahəɗ ana ŋgwal ŋa ya. Ŋgat ka, a sləl, a da a bəra, dite a ge ba hinne. Wur daw ata ilik ka, a rah a kəzləm tìs.» Yesuw a ndəv à mifefile ŋgar ata fit ka, a gwaɗa a tar asa: «Dzùmar zləm lele, na gər kurum aka ge aà metsereke ya.»

Yuhana 15:16

Kurum tsa na kà zlum iye kamala Batsah kurum ŋa ya. Ama iye na a pala kurum a, dite kà nwim gà ɓəzla mezezeme iye ivaɗ. I pala kurum ka, aà mege meslire gà, dite ka nwim kamala dizl ɗaf ata a we a hinne ya. Mege megemir kurum a de a aka miɗ aka miɗ, a ndze a aà biybiy. Kərga taŋa ya na, dukw ana ki wizwim a aà Tsir gà nda zləm gà ya ka, a vile a kurum ŋa.

Yuhana 8:47

Wur ana mburma Mbulum a ka, à dze a zləm a bazlam Mbulum. Ama kurum ka, gà ɓəza Mbulum tsa, aɗaba taŋa na kàa dzum zləm a bazlam ata tsiye.»

Gà Ɓəzla Meslire 16:14

Ama məkəs ŋgiɗ a riŋ ilik i liwiŋ tar, zləm ŋa Lidiya. A dara i kwite Tiyatira ya. Ŋgat ka, mala madzàwà à petek ana ŋgwal ŋa lele ya. Ama məkəs ata ka, a dzawa gurmits a bəɗ a Mbulum mbaŋa. A dza zləm a dukw ana Pul a tsik a ka, lele. A tsahən ahər. Dite BATSAH kwa ŋa tekeɗe, a hə̀ndə̀kar i gəzləŋ a lele, nda təv dukw ana a tsaraka ya.

Gà Ɓəzla Meslire 17:11

Ama gà mburma ana i fataya ka, gà ŋgwal ŋa, tə za gà Yahuda ana i Tesalunike ya, nda metsehe. Aɗaba tar ka, tə dza zləm a bazlam Mbulum lele. Kəla pat ti dzeŋgewa wakita Mbulum, aà mesire dər ka, wànà dukw ana Pul a tsikewa iɗəm ana ndzer a.

2 Kurintiya 9:10

Taŋa Mbulum na a vile a hwife a gà ɓəzla meslìgè duwa ya, dite dukw mezime ana ti zim a ya tekeɗe, a vile a ter a mbaŋa. A ta vile a kurum a wur duwa kamala ana gər kurum a waya ya mbaŋa. A slil a dər, a ge a ba hinne, dite gà asiŋ gà mìsle ŋgiɗ ta ŋget a duwa hinne i ahər kurum a mbaŋa.

FILIPIYA 1:11

Ki nwim a gà ɓəzla mege dukw ana ŋgwal ŋa ya. Ki gwim a kəla pat, dite mede kurum à pèt aba a ka, ŋgwal ŋa lele, nda ndzəɗa Yesuw Kiristi. Gà na tàa samata kataya ya ka, tì zèmbeɗe a à Mbulum, tì zlibe a à ŋgat lele.

FILIPIYA 4:17

Ama siŋgwe kurum tsa na a sèsiŋ i ŋget a ya. Seyiŋ tsa ivaɗ, gəzləŋ ga a ŋgeye a ba, aɗaba i sər ka, Mbulum a pise a kurum a ahəm, agəra dukw ana kà vilwimiŋ taf masakəŋa ya.

KULUSIYA 1:10

Kamala taŋa ya, mede kurum ana ika vatwa Mbulum a, a ge a ka, kamala ana a sàs a Yesuw Kiristi BATSAH kwa ŋa ya. Ki gwim a ka, dukw ana a tsahən ahər a tserdze. Ki gwim a ka, dukw ana ŋgwal ŋa ya, kamala dizl ɗaf ana a we a hinne gwètsik gwètsik a. Dite ka, ki sìkèhwim a à masəra Mbulum aka miɗ aka miɗ mbaŋa.

KULUSIYA 1:6

Ŋgwal bazlam ata a ɗe a zləm, ku mege i ŋga, ika gər ahəɗ tserdze. Ar ka, kamala dizl ɗaf ana a gil a ba, dite ka, a we a hinne ya. Kamala taŋa ya, kurum tekeɗe ka, dukw ata a riŋ a de a aka miɗ aka miɗ ika magər kurum mbaŋa, daga aà gər pat ana kà lah metserekwim bazlam ata ya ka, kà sərum ndzer, kàa ndzwim are tsehe a Mbulum, aka ge a kurum ŋgwal ŋa.

1 TESALUNIKE 4:1

Gà damər gà, dukw ana a zeha mìi tsik a kurum a ya ka, araha: Akahər ana àvə̀ɗaka mì ɗif a kurum ka, à mede ana a tsahən aà Mbulum a. Araha kaɗəŋ, mì sər ka, mede kurum aka ne kamala taŋa ya. Ama kinehe ka, mì ge a kurumaha kamkam hinne, nda zləm Yesuw BATSAH kwa ŋa: Zazamum ka, mede ata hiywe, səkahum dər aka miɗ aka miɗ asa.

2 TESALUNIKE 2:10

A ta ge a ka, gà dukw ana ŋgwala tsiye pampam aà məbànà dər gà na ti ti dzeye a akwa ana a mbete a tsa aà biybiy a tserdze nda dukw ŋgar ata. Ti ti sèwèr a are hinne, aɗaba ana a sàs a tar magəsa dukw ana ndzer a tsa, ti niw a. Na mege ta gəs ka, ana ka, Mbulum a mbil a à tar.

IBƏRANIKWA 4:2

Aɗaba kwa tekeɗe ka, kàa tsarakukwa bazlam ŋgwal ŋana kamala ana akahər ata gà tsir kwa ata i kusak tə tsaraka ya mbaŋa. Ama bazlam ata ka, aka ge a tar ŋgulum ɓav tsa, agəra ana ku mege tàa tsaraka tekeɗe ka, tàa gəs a gəzləŋ tar tsiye.

IBƏRANIKWA 6:7

Fə̀rum kwaŋ, ar ka, kamala ana yam aka dza aka ahəɗ, gùvàh a ge a dukw mezime hinne, a ge a ŋgulum a mala mifìte ana, Mbulum tsiye na a pise ahəm a gùvàh ata ya?

IBƏRANIKWA 8:10

I gwa ka: Araha, na magəsa ba gà ana mìi ti sir a ba nda gà Isərayel aka miɗ mba ya. A pat ata na i ti tike a məpala ahəm gà a gəzləŋ tar a, dite ka, ta gəs, tə dzala aaka gà gər. I ge a dər kataya ka, dite i dəba ŋa ya, ta gis a ahəm gà kuɗa. I ti ne a Mbulum tar, dite tar tekeɗe, ti ne a gà mburma gà mbaŋa.

2 Piyer 3:18

Ama kurum ivaɗ ka, dum aka miɗ nda mazazama Yesuw Kiristi BATSAH kwa ŋana ŋgat mala məmbə̀là à kwa ya, na dite a ge a kurum a ŋgwal ŋa nda mesire kurum ana ki sirwim a ŋgat a ka, à sìkèh a aka miɗ aka miɗ bə̀ba ŋa. Mezlibe ŋgar ana gà mburma tì zlibe a à ŋgat a ka, tə̀ zlə̀b dər daga aà kinehe ya, haa aà biybiy. *Amin.

1 Yuhana 5:20

Kà sərakwa dər asa ka, Kəla Mbulum a dara aka gər ahəɗ a ka, a vəl a kwa metsehe, na dite ka, kà sərakwa Mbulum ndzer ŋana ya. Kà ndzakwa i təv ilik ŋa nda gà Mbulum ndzer ŋana ka, agəra ana kà ndzakwa i təv ilik ŋa nda gà Yesuw Kəla ŋgar a mbaŋa, kàa gawakwa ba ya. Ŋgat na Mbulum ndzer ŋana ya, dite ŋgat asa na a vəl a kwa mesife ana à ndìv a tsa aà biybiy a asa mbaŋa.