Mata 13:22 - Bible Zulgo

²² Gà mìsle ŋgiɗ pam asa ka, ti ndzikiɗ ba wur daw ata a dza aà huɗ adak a. Ti tsereke a bazlam Mbulum, ama madzala gà gər mesewere are a be a tar i gəzləŋ a hinne. Tar ihər ti dzele a gà gər aka limana, a bene a tar. Aɗaba taŋa gà dukw ata tserdze ya ka, ta bets a bazlam Mbulum i gəzləŋ tar a. Ta gis a ka, gà dukw ata ɗekɗek. Bazlam Mbulum a ge a ter a ŋgulum asa tsa.

Mata 13:22 ပူးပေါင်းရင်းမြစ်များ

Mata 12:32

Dite bəla wur ana aka tsik manəsa bazlam aà iye, *wur ana a dara i təv Mbulum a ka, Mbulum a sle a aà məpəla à bakal ŋgar. Ama wur ana aka tsik manəsa bazlam aà Mezite Mesife Mbulum a ka, Mbulum à pìl a bakal ŋgar tsa, ku mege aka miɗ mba tekeɗe ka, à pìl a tsidze.»

Mata 13:39

Mala swalwa ana a slige tìzèmiŋ ata ya ka, Əbay sitene. Masàsà daw ka, pat ana Mbulum à ndìv a à gər ahəɗ a. Dite na a ne gà ɓəzla masàsà daw ata asa ka, gà gawla Mbulum.

Mata 13:40

Kamala taŋa ya, a ne a ka, kamala mala gùvàh ana a haɓa tìzèmiŋ i daw ŋgar a ka, dite a wànà iɗəm a nda akwa ya. A pat ana Mbulum à ndìv a à gər ahəɗ a ka, a ge a dər kataya mbaŋa.

Mata 13:7

Wur ŋa i ŋgiɗ pam asa, a dza aà huɗ adak. Adak ata a zlala aakahər zlàlaw zlàlaw, a dza aaka mezite. Daw ata a mətsaha siter.

Luka 12:15

I dəba ŋa ya, Yesuw a gwaɗa a mburma tserdze: «Gwim metsehe nda təv məburnun mawàyà limana ana hinne ya. Aɗaba mesife mburma ana ndzer a ka, a ndze a ka, nda gà dukw ŋgar tsa, na mege ku ŋgat a riŋ nda gà limana hinne tekeɗe ya.»

Luka 12:21

Yesuw a gwaɗa a tar i dəba ŋa ya asa: «Kər gà taŋa ya mbaŋa, na wur ana a yehe a gər ka, a limana ɗekɗek a. Ama i təv Mbulum ka, a ŋget a duwa tsa.»

Luka 21:34

«Gwim metsehe, kaslum ba kurum, ka ta kwayum tsa. Ka ta gwim məburnun tsa, dite ka tə dzalum gà gər aka dukw gər ahəɗ tsa asa. Aɗaba gà dukw ata na ta ge a madzək a metsehe kurum a. Na kàa kaslum ba tsa, dite kurum tekeɗe, aà gà dukw ata mbaŋa ka, pat ana a dere a ya ka, gər melek, ki sirwim a aà pat ŋa tsa.

Luka 8:14

Gà mìsle ŋgiɗ pam asa, ti ndzikiɗ ba wur daw ata a dza aà huɗ adak a, ti tsereke a bazlam Mbulum. Ama madzala gà gər mesewere are ana ti dzele a pampam, nda gà limana nda meèweke gər ahəɗ ta ge a madzək a bazlam Mbulum ana i gəzləŋ tar a, dite megìse tar ata a ge a ndzəɗa asa tsa.

Gà Ɓəzla Meslire 8:18

Simun a fə̀r ka, gà ɓəzla magəsa Yesuw nda gəzləŋ ta ŋgat Mezite Mesife Mbulum ka, agəra ana gà ɓəzla meslire Mbulum ti tike aka tar ahər a. Ŋgat tekeɗe, a ndzək siŋgwe, a waya mandza a gà Piyer nda Yuhana, dite ka, ta vəlar ndzəɗa aà mege dər kataya te.

RUMA 12:2

Ka tə zazamum mede gà mburma ana ta ge a dukw gər ahəɗ a tsa. Vəlum vatwa a Mbulum ivaɗ, ma da a gəzləŋ kurum, mə̀ mbəɗ dər, na dite ŋgiletittè ki nwim a gà awiya ŋa ya. Kamala taŋa ya na ki sirwim a dukw ana Mbulum a waya ya. Kamala megweɗe ya, ki sirwim a dər ka, dukw ana ŋgwal ŋa, a tsahən ahər, a de a ndaka vatwa ŋa kalkal a.

1 Kurintiya 1:20

Dite na kataya ana, taŋa gà mburma ana tàa ŋgat metsehe gər ahəɗ aaha kinehe ya ana, wànà tə sər duwa ya? Awaŋ, tə sər tsa. Kamala taŋa ya, gà mburma ana ti dzeŋge məpala ahəm gà Yahuda hinne ya tekeɗe, tə sər duwa tsa mbaŋa. Dite gà mburma ana ta mbetsewaba ahəm ika magər tar a tekeɗe, tə sər duwa ɓav tsa asa mbaŋa. Aɗaba Mbulum a ɗif dər parakkà, na à metsehe biy gər ahəɗ aaha ka, a ne dukw falày taf masakəŋa ya.

1 Kurintiya 2:6

Gà na tàa sime ika vatwa Mbulum a ka, i ɗif a ter a à dukw ana metsehe iɗəm a mbaŋa kaɗəŋ. Ama taŋa ka, metsehe gà mburma gər ahəɗ nda biy gà Əbay ana ta kwere a tar a iɗəm tsa kəla. Aɗaba ndzəɗa ata ka, à ndìv a aà tar a.

1 Kurintiya 2:8

Wura ilik ika magər gà mburma ana ta kwere a gər ahəɗ a ka, aka sər aà metsehe ata tsidze. Na mege tàa sər zləmana ka, ana ka, ti ndwendwey a BATSAH kwa ŋa, wele ana mezlibe ŋgar a za duwa tserdze ya, aà dizl magə̀làwà ŋa tsa.

1 Kurintiya 3:18

Wura ilik ma ta bana ba ŋgar tsa. Na wura a gweɗe a: Waytsà iye ka, mala metsehe kamala biy gà mburma gər ahəɗ aaha ta ŋgat a ka, ma ne kamala wur ana a sər duwa tsiye, ika magər kurum a ivaɗ, na dite ka, a ŋget a metsehe ndzer ŋana ya.

2 Kurintiya 4:4

Tə tsaraka bazlam ŋgwal ŋa ata tsəka, aɗaba ana Əbay sitene, mala makwàrà gər ahəɗ aaha, aka ge à tar guluf i huɗ metsehe tar, dite ta gəs tsiye. Aɗaba a waya tsa na ta ŋget a a dzaydzay ana à div a i təv tar a ya. Dzaydzay ata a dara ka, i huɗ ŋgwal bazlam ata aka gər ndzəɗa Yesuw Kiristi ana tì zlibe a dər a. Aɗaba Mbulum nda gər ŋgar a pàt à ba ka, nda təv Kiristi.

GALATIYA 1:4

Yesuw Kiristi a mət ka, aɗaba kwa, na dite Mbulum a pəl a kwa dər à bakal gər ahəɗ aaha ŋgwala tsiye, dite mà fàr aka kwa ndzəɗa asa tsa. A ge dər kataya ka, kamala ana Mbulum Tsir kwa a waya ya.

EFESIYA 2:2

Kà zazamawum ɗa ka, mede gà mburma ana ɗa ika gər ahəɗ a. Kà dzawum zləm ka, a Əbay gà sitene ana mandza ŋa aà gəza mbulum a. Əbay gà sitene ata na a riŋ a ge a mege megemir i ba gà mburma ana a sàs a tar medzè zləm a bazlam Mbulum tsidze ya.

1 TIMUTE 6:17

Gwaɗa a gà ɓəzla limana ana ika gər ahəɗ kinehe ya ka, ti ɗe à gər tar agəra limana tsa, dite tə ta fə̀r aà limana tar ata kamala dukw ana ŋgwal ŋa ndzer a tsa asa. Aɗaba tə sər pat ana à ndìv a ya tsa. Say tə dzala ka, Mbulum na ŋgwal ŋa ndzer, a vile a kwe a dukw tserdze ya, dite na ki ŋgeyekwe a dər ba ya.

2 TIMUTE 4:10

Aɗaba Demas ka, aka miyak à iye, agəra ana a sasar dukw gər ahəɗ hinne, a be a ŋgat i gəzləŋ a. Aka da a kwite Tesalunike. Ama Kereskes ibam, aka da aka ahəɗ Galatiya. Dite Titus tekeɗe, aka da aka ahəɗ Dalmatiya mbaŋa.