Mata 13:19 - Bible Zulgo

¹⁹ Ama gà mìsle ŋgiɗ ka, tə tsaraka bazlam Əbay Mbulum ana a ta kwere a ya. Tàa dzar zləm, ama tàa tsaraka tsa. Əbay sitene a dehe a, ndzìkeɗ ndzìkeɗ a ndzehe a bazlam ata tə dzar zləm a. Tar ti ndzikiɗ ba ka, wur daw ata a dza aka vatwa ya.

Mata 13:19 ပူးပေါင်းရင်းမြစ်များ

Mata 12:26

Ama na bəla Əbay sitene a ge a gùvəl aà ba ŋgar ŋa, kwiye a riŋ ika magər tar ana, meme na Əbay ŋgar ata a ndze a ya?

Mata 13:20

Gà mìsle ŋgiɗ pam asa, ti ndzikiɗ ba wur daw ana a dza aà sik kuvəl a. Gà taŋa tə tsaraka bazlam Mbulum ka, ta gəs a gəzləŋ tar nda maŋgayaba tsara.

Mata 13:38

Na a ne gùvàh ka, gər ahəɗ. Dite na a ne hwife daw ata ka, gà mburma ana ta gəs bazlam Mbulum, ti de a a mekwere ŋgar a. Tìzèmiŋ ka, gà na ta gəs bazlam sitene ya.

Mata 4:23

Aləka i dəba ŋa ya, Yesuw a suwaya ika ahəɗ Galile tserdze. A tsikewa guma ŋgar a mburma i gà ga mahàmà a Mbulum. A tsikewa a tar bazlam ŋgwal ŋa ana biy mekwere Əbay Mbulum a asa mbaŋa. A mbala à gà ɓəzla dukw məməta, nda gà mburma ana gà magàha a bəɗ ŋa ya fit dze.

Mata 5:37

Say ki gweɗwim a ka, , kige tsa pəra, tsəka, aɗaba dukw ana aka za i gər a taŋa ya ka, taŋa a dara ka, i təv Əbay sitene ya.»

Markus 4:15

Gà mìsle ŋgiɗ ka, ti ndzikiɗ ba wur daw ata a dza aka vatwa ya ɗekɗek. Taŋa ka, a ndzikiɗ ba biy gà mburma ana ti tsereke a bazlam ata ka, ama Əbay sitene a dehe a tsara, a ndzehe a bazlam ata ta gəs a gəzləŋ tar a.

Luka 10:9

Mbalum à gà ɓəzla dukw məməta ana i kwite ata ya. Gwaɗum a gà mburma ana i fataya ka: <*Mekwere Mbulum aka à mendzera a təv kurum a.>

Luka 9:2

I dəba ŋa ya ka, a slər tar aà metsìkè bazlam *mekwere Mbulum a mburma, dite asa, aà məmbàlà à tar mbaŋa.

Yuhana 18:38

Pilatus a gwaɗar: «Ndzer dze ana, kamala dukùla ya?» I dəba bazlam ŋgar ata ya ka, Pilatus a dara a təv gà mburma ata ya asa. A dara, a gwaɗa a tar: «Iye ka, Yàa ŋgat bakal ana wele aaha a ge ya tsa.

Yuhana 8:43

Aàmala na kà tsarakum dukw ana i tsik a kurum a ya tsiye? Aɗaba kàa slwim medzè zləm a bazlam gà tsa.

Gà Ɓəzla Meslire 17:32

Aləka gà mburma ata tə tsaraka bazlam Pul ata a ɗif à wele ana a mbəlara i məməta ya ka, gà mìsle ŋgiɗ tə dza ba aà sawla, ti sewle ahəriŋa. Gà asiŋ ŋa ta gwaɗar: «Ki ti tsik a mər a guma bazlam ata a pat ŋgiɗ asa.»

Gà Ɓəzla Meslire 18:15

Ama bazlam ana magàwàɗà gər a mburma taf məfara ŋa, zləm bazlam ŋa a riŋ tsa, ki tsikwim a ka, agəra məpala ahəm kurum ɗekɗek pəra ya ka, i sle a aà mege seriye ŋa tsa. Gwim megemir ŋa dukw kurum.»

Gà Ɓəzla Meslire 20:25

Iye i sər, Yàa ndəv à mendze gà ika magər kurum a, a kurum ana i tsik a kurum bazlam Əbay Mbulum a. Ama kəla ka, ki ŋgetwimiŋ a ɗa ika magər kurum asa tsa.

Gà Ɓəzla Meslire 28:23

Ti tike məpàslà ahər a Pul, ta gwaɗar: «Say pat ŋgiɗ na ki ɗif a mər a dər a.» Aləka pat məpàslà ahər tar ata a ndze aɗəm ka, gà mburma hinne tə daha a təv ŋgar ana a hənawa iɗəm a. Tə daha ka, a ɗif a tar à *mekwere Mbulum ana a kwere a aka miɗ mba ya. A dza ahər ba daga à gər mèkwède ya, tsikw a hawa. A ɗif a tar ka, à dukw ana i huɗ wakita məpala ahəm Musa ya, dite nda biy gà ɓəzla məma à guma Mbulum ana akahər ata ya tserdze mbaŋa. A ɗe a tar à ndzer ŋa ana agəra Yesuw a, dite ka, ta gəs ŋgat.

RUMA 1:28

Aɗaba gà mburma ata ti niw mazazama Mbulum, a sàs a tar masəra ŋgat tsiye ka, Mbulum a miyak à tar, na dite ti dzele a ka, metsehe tar ana taf masakəŋa, a da ndaka vatwa ŋa tsiye ya. Ta gewa ka, dukw ana a tsahən biy mege tsidze ya.

RUMA 14:17

I təv kwa ana kà hənakwa à gər a bəɗ a Mbulum BATSAH kwa ŋa ya ka, bazlam dukw ana ti zim a ya, ndəna ti zim a tsiye, kige tsa, masà dukw mese ka, a ge a ŋgulum tsa. Dukw ana ŋgwal ŋa i *mekwere Mbulum ivaɗ ka, Mezite Mesife ŋgar ana a ge a megemir i təv kwa ya. A zlèk a kwa aà mege dukw ana ŋgwal ŋa ya ika magər kwa, a vile a kwe a zayya, nda maŋgayaba lele asa.

RUMA 2:8

Ama gà asiŋ gà biy ŋgiɗ ta gəsawa ahəm aà Mbulum tsidze. Ti niw a vatwa ndzer ŋana, dite ti zezem a ka, dukw ana ŋgwala tsiye ivaɗ. Tar ka, matsəɓatsəɓ Mbulum ika gər tar, à gis a tar i seriye ya.

EFESIYA 3:8

Iye ka, wele na kə̀la ŋa ika magər gà mburma Mbulum kwizikw a. Ama kə̀la ka, aka viliŋ vatwa aà metsìkè bazlam mipìsè ahəm ana a dere a ndàra i təv Yesuw Kiristi ya, a gà mburma ana gà Yahuda tsiye. Mipìsè ahəm ata batsah ŋa ya ka, gà mburma ti sle a aà masəra ŋa fit tsa, aɗaba ana a za ndzəɗa tar a.

2 TESALUNIKE 2:12

Aɗaba taŋa na seriye Mbulum a ta gis a gà na ta gəs dukw ana ndzer a tsa, ta ŋgeye a ba ka, aà mege dukw ana ŋgwala tsa tserdze ya.

IBƏRANIKWA 2:1

Aɗaba taŋa, say gekwa metsehe a bazlam ata kà tsarakukwa ya lele, na dite ka, ka dzeyekwa ika vatwa ŋgwal ŋana ya tsiye.

1 Yuhana 3:12

Ka ti nekwa kamala Kayinu ana akahər ata ya tsa. Ŋgat ka, Əbay sitene na a vəlar ndzəɗa, dite na a kəɗ dər damər ŋgar ana məmər tar ilik a. Aàmala na a kəɗ ŋgat a? A kəɗ ŋgat ka, a samata megemir damər ŋgar ata a gewa ya ka, ŋgwal ŋa lele. Ama biy ŋgar ka, ŋgwala tsa.

1 Yuhana 5:18

Kà sərakwa dər, gà na ti ne gà ɓəza Mbulum a ka, ku mege weke, a gewe a bakal asa tsa, aɗaba Kəla Mbulum a riŋ a kesle a ŋgat. Kamala taŋa ya, Əbay sitene a sle aà melime aà ŋget a asa tsa.

1 Yuhana 5:20

Kà sərakwa dər asa ka, Kəla Mbulum a dara aka gər ahəɗ a ka, a vəl a kwa metsehe, na dite ka, kà sərakwa Mbulum ndzer ŋana ya. Kà ndzakwa i təv ilik ŋa nda gà Mbulum ndzer ŋana ka, agəra ana kà ndzakwa i təv ilik ŋa nda gà Yesuw Kəla ŋgar a mbaŋa, kàa gawakwa ba ya. Ŋgat na Mbulum ndzer ŋana ya, dite ŋgat asa na a vəl a kwa mesife ana à ndìv a tsa aà biybiy a asa mbaŋa.