Ama Yesuw a gwaɗa a tar aaka: «A kurum gà mburma ana kinehe ya, kurum ka, gà ɓəzla mimbèhè are, gà ŋgwal ŋa tsidze na i təv Mbulum a. Meme na ki wizwim aà iye dukw mene aà mburma ka, dite kurum ŋa kà wayum Mbulum tsiye? Ama ka, ki ŋgetwim a medzibe dukw mene aà mburma ata tsa, say na a biy Yunas, mala məma à guma Mbulum ana akahər ata ya ilik asa tsiye.
Mata 12:41 - Bible Zulgo41 A pat seriye Mbulum ka, gà mburma ana i kwite Ninive ya, ti dere a, ta hitse a aka miɗ gà mburma aaha kinehe ya, dite ta me a ter a à bakal mbaŋa. Aɗaba akahər ana Yunas a be a tar à ɗaf a ka, tàa mbəɗ à madzala gà gər tar. Ama tsaatsa wur ana ɗa i faha ki ŋgetwimer a kinehe ya ka, a za Yunas fit. Ama kurum ka, kàa dzùmar zləm tsa. အခန်းကိုကြည့်ပါ။ |
Mata 12:41
20 ပူးပေါင်းရင်းမြစ်များ
Dite batsah məkəs duwa a kwara ɗa gà mburma ana ika tsèke gular a, a dere a, a hitse a aka miɗ gà mburma aaha kinehe ya, dite à me a ter a à bakal a pat seriye ata mbaŋa asa. Aɗaba məkəs ata a dara ka, aà zlile mbulum i təv ŋa ya diriŋ, aà mandza zləm a mifefile Əbay Salumun ana metsehe ŋgar a riŋ hinne ya. Tsaatsa, wur ana ɗa i faha ki ŋgetwimer a kinehe ya ka, a za Salumun asa mbaŋa. Ama kurum ka, kàa dzùmar zləm tsa.»
I dəba ŋa ya, a de a, a ti ndzikere a gà asiŋ gà sitene ŋgiɗ a təsəla aà mendze i fata, gà na gà ŋgwal ŋa tsa ndeyndey a. Ti de akabaha aɗəm a tserdze a fata. Zàmma tsəka, dukw ata à me a aka wele ata, mendze ŋgar a ge a ŋgwala tsa ndeyndey, à zè a dər na piŋŋe ya asa. Kamala taŋa ya asa na a ti ne a i təv gà mburma ana kinehe ta məsak à vatwa Mbulum a mbaŋa.»
Ama a gwaɗa a tar asa: «Kurum gà mburma ana kinehe kurum riŋ nda are ya ka, gəzləŋ kurum manəsa ŋa. A sàs a kurum Mbulum tsa, tsəna, ki wizwim a dukw mene aà mburma dze ana, meme? Ama ka, ki ŋgetwim a tsa, say dukw mene aà mburma ka, biy Yunas, mala məma à guma Mbulum ana akahər ata ya ilik pəra.» I dəba ŋa ya, Yesuw a tsik a tar aba ya kataya ka, a miyak à tar a fata, a daba.
Yesuw a gwaɗa a tar akaba tserdze: «A kurum gà mburma ana kì giswim iye nda gəzləŋ kurum tsa, dite kurum gà manəsa ŋa asa ya. Wànà iye dze ana, i gesl a aà metsike a kurum dze ana, hilè, na dite ki giswim a iye ya. I ndze a dze ana, hilè ɓav a, na ika magər kurum a. A za dumaha, ka zlwimiŋara kəla ŋa a faha ya kwaŋ.»
A pat seriye Mbulum ka, gà mburma ana i kwite Ninive ya, ti dere a, ta hitse a aka miɗ gà mburma aaha kinehe ya, dite ta me a ter a à bakal mbaŋa. Aɗaba akahər ana Yunas a be a tar à ɗaf a ka, tàa mbəɗ à madzala gà gər tar. Ama tsaatsa wur ana ɗa i faha, ki ŋgetwimer a kinehe ya ka, a za Yunas asa mbaŋa. Ama kurum ka, kàa dzumar zləm tsa.»
Aɗaba taŋa, medzibe gà mburma ata ka, ta pìz a kurum nda seriye. Aɗaba kurum gà Yahuda ka, tàa vəl a kurum məpala ahəm a ahər, na dite kà sasayum ba ya kaɗəŋ. Ama i dəba ŋa ya, ku mege kataya tekeɗe, kàa nəsum à məpala ahəm ata. Ama tar ka, ti zezem a məpala ahəm ata kalkal lele, ku mege tar ka, gà gwala ŋgiɗ pam, gà masàsà ŋa tsa tekeɗe ya.
Agəra megìse Nuhu ana a gəs Mbulum nda gəzləŋ akahər ata ya ka, a dzalawa aka dukw ana Mbulum a tsikewar, a ta ge a ba aka miɗ mba ya. Ku mege aka ŋgat a gà dukw ata ti ta ge a ba ya zukw tsa tekeɗe ka, aka gəs ahər ahəm. A làmbaɗa batsah slə̀làh yam ana gà mburma ŋgar tserdze ta beye dər à batsah yam ana a rah aka gər ahəɗ fèɗìɗe, dite ka, ti dzeye aɗəm asa tsiye. Nda megìse ŋgar ata a gəs Mbulum a ka, a pə̀z gər ahəɗ a bəɗ nda seriye. Gà mburma ana tə sər Mbulum tsiye ka, tàa dzeye fit. Kamala taŋa ya mbaŋa na Mbulum a zla ŋgat kamala mburma ŋgwal ŋa ya ika miɗ ŋgar ka, aɗaba megìse ŋgar ata a gəs ŋgat nda gəzləŋ a.*fc*
ကြော်ငြာတွေ