Mata 12:32 - Bible Zulgo

³² Dite bəla wur ana aka tsik manəsa bazlam aà iye, *wur ana a dara i təv Mbulum a ka, Mbulum a sle a aà məpəla à bakal ŋgar. Ama wur ana aka tsik manəsa bazlam aà Mezite Mesife Mbulum a ka, Mbulum à pìl a bakal ŋgar tsa, ku mege aka miɗ mba tekeɗe ka, à pìl a tsidze.»

Mata 12:32 ပူးပေါင်းရင်းမြစ်များ

Mata 11:19

Ama iye, *wur ana a dara i təv Mbulum a, i dara ka, i zəmawa ɗaf, i sawa dukw ana makwàsà ŋa ya, ta gwa aà iye ka: Ama metsehe Mbulum a pèt a aba lele ka, nda təv megemir ŋgar ana a ge a ya.»

Mata 12:31

Aɗaba taŋa, iye ihər i gweɗe a kurum ŋa: Mbulum à pìl a à bakal a mburma tserdze, ku mege nda təv mezelme bazlam ana ti tsik ahər a ŋgwal ŋa tsa tekeɗe ya. Ama wur ana aka tsik mezelme bazlam aà Mezite Mesife Mbulum a ka, Mbulum à piler a à bakal ŋgar tsidze.

Mata 12:8

Aɗaba iye, *wur ana a dara i təv Mbulum a, na a kwere a pat mesìfìkà ba ŋa ya seyiŋ.»

Mata 13:22

Gà mìsle ŋgiɗ pam asa ka, ti ndzikiɗ ba wur daw ata a dza aà huɗ adak a. Ti tsereke a bazlam Mbulum, ama madzala gà gər mesewere are a be a tar i gəzləŋ a hinne. Tar ihər ti dzele a gà gər aka limana, a bene a tar. Aɗaba taŋa gà dukw ata tserdze ya ka, ta bets a bazlam Mbulum i gəzləŋ tar a. Ta gis a ka, gà dukw ata ɗekɗek. Bazlam Mbulum a ge a ter a ŋgulum asa tsa.

Mata 13:39

Mala swalwa ana a slige tìzèmiŋ ata ya ka, Əbay sitene. Masàsà daw ka, pat ana Mbulum à ndìv a à gər ahəɗ a. Dite na a ne gà ɓəzla masàsà daw ata asa ka, gà gawla Mbulum.

Mata 13:40

Kamala taŋa ya, a ne a ka, kamala mala gùvàh ana a haɓa tìzèmiŋ i daw ŋgar a ka, dite a wànà iɗəm a nda akwa ya. A pat ana Mbulum à ndìv a à gər ahəɗ a ka, a ge a dər kataya mbaŋa.

Mata 13:55

Aɗaba ŋgat ka, kà sərakwa kəla mala məpàpàzà dizl a? Mama ŋgar ibam, Mariya, gà damər ŋgar tekeɗe, gà Zakup nda Yasufa nda gà Simum nda gà Yudas a.

Mata 8:20

Yesuw a tsaraka kataya ka, a gwaɗar: «Dzala dzekwiŋ, aɗaba ŋgulum gà mbayakà ka, biye tar a riŋ, gà ɗiyeŋ tekeɗe ibam, ga tar a riŋ mbaŋa, na ta hinne a iɗəm a. Ama iye, *wur ana a dara i təv Mbulum a ka, ga gà a riŋ, na i hinne a iɗəm, dite i sifik a ba ya tsa.»

Markus 10:30

agəra iye, dite agəra bazlam ŋgwal ŋa aaha i tsik a ya ka, a ŋget aɗəm a, à zè a taŋa a miyak dər aba kinehe ya: mege ga, nda gà damər, nda gà məmər, nda gà ɓəza, dite nda gà gùvàh ka, medzige dərməka, mege i təv ana aka sèwèr are agəra bazlam gà ya tekeɗe. Dite a ta ŋget a mesife ana à ndìv a tsa aà biybiy a, aka miɗ mbaŋa.

Markus 3:28

I dəba ŋa ya, a gwaɗa a tar asa: «Iye ihər i tsik a kurum a nda ndzer: Mbulum à pìl a à bakal a mburma tserdze, ku mege nda təv gà mezelme bazlam ana ti tsik ahər a ŋgwala ŋa tsa tekeɗe ya.

Markus 3:29

Ama wur ana aka tsik dukw ana ŋgwala tsa aà Mezite Mesife Mbulum a ka, Mbulum à piler a à bakal ŋgar tsidze. A ndze a ika gər ŋgar aà biybiy.»

Luka 12:10

Wur ana aka tsik manəsa bazlam aà iye, wur ana a dara i təv Mbulum a ka, Mbulum a sle aà məpəla à bakal ŋgar. Ama wur ana aka tsik manəsa bazlam aà Mezite Mesife Mbulum a ka, Mbulum à pìl a à bakal ŋgar tsidze.

Luka 16:8

Mala ga wele ata a dza zləm aka wirwir ana wele aaha a ge a ihər a ka, a ge ahər kamala dukw mene aà mburma ya. A gwa: Aɗaba gà asiŋ gà mburma ana kinehe ika gər ahəɗ tə sər Mbulum tsiye ka, tə tsàh hinne, ti dzele dukw ana a da aka miɗ a lele, nda masəra ba ika magər tar ilik ilik tserdze. Tə tsàh ka, tə za dər gà mburma ana i təv dzaydzay ŋa ya.»

Luka 18:30

a ŋget aɗəm a hinne, à zè a taŋa a miyak dər aba kinehe ya. Dite a ta ŋget a mesife ana à ndìv a tsa aà biybiy a, aka miɗ mbaŋa.»

Luka 23:34

Yesuw a gwa: «Tsir gà, pəl a tar à bakal tar, aɗaba tə sər dukw ana ta ge a ya tsa.» Gà mburma ana tə ndwandway ŋgat a, tə dzaya ikaba petek ŋa ya ika magər tar, dite ta ge tsetse, ta gwa: «Ŋgada weke na a ŋget a ya?»

Luka 7:34

Ama iye, *wur ana a dara i təv Mbulum a, i dara ka, i zəmawa ɗaf, i sawa dukw ana makwàsà ŋa ya. Kù gwaɗum aà iye asa ka:

Yuhana 7:12

Gà mburma tserdze ti tsikeye bazlam pampam nda akəl aka gər ŋgar hinne. Gà mìsle ŋgiɗ ka, ta gwa: «Wele ŋa ka, ŋgwal mburma.» Ama gà biy ŋgiɗ aaha ta gwa i tar: «Kataya tsa, ŋgwal mburma tsa, a bene a mburma.»

Yuhana 7:39

Ama Yesuw a tsik a tar bazlam minew ata ka, aà Mezite Mesife Mbulum ana a ta vile a a gà na ta gəs ŋgat nda gəzləŋ a. Aɗaba akahər ata ka, gà mburma ata tàa ŋgat Mezite Mesife Mbulum zukw tsa, agəra ana Yesuw aka da a təv mezlibe ŋgar ana i təv Mbulum, tì zlibe a à ŋgat zukw tsiye.

Yuhana 7:52

Ta gwaɗar aaka: «Assàh, wànà kər ana, gà Galile mbaŋa kəla ya? Dzeŋge wakita Mbulum lele kwaŋ, dite ki sir a dər ka, mala məma à guma Mbulum ilik a dere a ika ahəɗ Galile ya tsa.»

Gà Ɓəzla Meslire 3:19

Aɗaba taŋa kinehe ka, mbəɗum à madzala gà gər kurum, kà mbəɗum gər a təv Mbulum. Dite mə̀ pəl a kurum à bakal kurum tserdze.

EFESIYA 1:21

I dəba ŋa ya, Yesuw a ndza a fata ka, a kwere a gà gawla Mbulum nda gà Əbay tar, dite nda gà dukw ana tserdze ndzəɗa tar a riŋ hinne i gər ŋa ya. Maɗə̀và zləm ŋgar ka, a za dər biy gà mburma ana ika gər ahəɗ ana kinehe ya, nda biy ana a dere a ika miɗ a tserdze.

1 TIMUTE 1:13

Aɗaba piŋŋe ka, Yàa tsik ahər dukw ana ŋgwala tsiye hinne, Yàa ndavayar hinne asa, Yàa sèwèr are a gà mburma ana ti zezem a ŋgat asa mbaŋa. Ama ku mege Yàa ge gà dukw ata kataya tekeɗe ka, Yàa ndze are tsehe a Yesuw Kiristi hinne. Aka giŋ dukw ana ŋgwal ŋa ya. Aɗaba akahər ata ka, Yàa gəs ŋgat nda gəzləŋ ilik zukw tsa. Dite i sər dukw ana i ge a ya tsa asa.

1 TIMUTE 1:15

Tsarakum, Yesuw a dara aka gər ahəɗ a ka, aà məmbàlà à gà ɓəzla bakal, kamala iye ana Yàa ge bakal ka, hinne, a za biy mburma tserdze ya. Bazlam aaha i tsik a ka, ŋgwal bazlam ndzer, pàrsa iɗəm tsa. Say gà mburma ta gəs a gəzləŋ tar lele.

1 TIMUTE 4:8

Na wura a ge a màhaw ika dàɓa, à tètìɗ a à mile ŋgar ka, taŋa ka, a ge a ŋgulum a slu ba ŋgar zaakwa. Ama wur ana à tètìɗ a à magəsa ahəm aà Mbulum ika vatwa Mbulum kəla pat a ka, taŋa ka, a ger a ŋgulum hinne dze. Aɗaba a ge a ŋgulum ka, a mesife ŋgar ana kinehe ika gər ahəɗ a, dite a ta ge a ŋgulum a mesife ana ika miɗ à ndìv a tsa aà biybiy a asa mbaŋa.

1 TIMUTE 6:17

Gwaɗa a gà ɓəzla limana ana ika gər ahəɗ kinehe ya ka, ti ɗe à gər tar agəra limana tsa, dite tə ta fə̀r aà limana tar ata kamala dukw ana ŋgwal ŋa ndzer a tsa asa. Aɗaba tə sər pat ana à ndìv a ya tsa. Say tə dzala ka, Mbulum na ŋgwal ŋa ndzer, a vile a kwe a dukw tserdze ya, dite na ki ŋgeyekwe a dər ba ya.

2 TIMUTE 4:10

Aɗaba Demas ka, aka miyak à iye, agəra ana a sasar dukw gər ahəɗ hinne, a be a ŋgat i gəzləŋ a. Aka da a kwite Tesalunike. Ama Kereskes ibam, aka da aka ahəɗ Galatiya. Dite Titus tekeɗe, aka da aka ahəɗ Dalmatiya mbaŋa.

TITUS 2:12

Mbulum a ge a kwa ŋgwal ŋgar ata ka, dite kà zazamakwa mede ana ŋgwal ŋa tsiye, nda gà dukw gər ahəɗ ana meèweke ba kwa a waya ya asa tsa. Ki ndzekwe a ika gər ahəɗ ka, nda metsehe, nda mege dukw ana ndzer ŋgwal ŋa ya. Mede kwa na à tsehin a aà Mbulum a mbaŋa.

YAKUBA 1:27

Dukw ana Mbulum Tsir kwa ana i gər ŋa a waya ki zezemekwe a nda ndzer ŋa ya ka, araha: Mege gər a gà ɓəzla matawak ana wur tar a riŋ tsiye, nda gà madakwa gà məkəs ana ti sèwèr a are hinne ya. Dite wur ana a ge a kataya ka, ma kasla ba ŋgar mbaŋa, i təv gà bakal ana ika gər ahəɗ ti sle aà mibene a ŋgat asa tsiye.