Mata 12:25 - Bible Zulgo

²⁵ I fataya ka, Yesuw a sər a taraha aka dukw ana tə dzala ya. A tsik a tar bazlam minew. A gwaɗa a tar: «Ku mege Əbay awara, na bəla kwiye a riŋ ika magər tar nda gà mburma ŋgar ka, ahəɗ tar ata a nisiŋa. Dite asa ka, ku mege i kwite awara na bəla masəra ba tar a riŋ tsəka, kwite tar a de a a dala. Gà mburma ana i ga ilik ŋa ya ibam, na maàga ika magər tar ka, kataya mbaŋa.

Mata 12:25 ပူးပေါင်းရင်းမြစ်များ

Mata 9:4

Ama Yesuw a sər a taraha aka dukw ana tə dzala i gər tar a tsara. A gwaɗa a tar: «Aàmala na kà dzalum madzala gà gər ata ŋgwala tsa i gəzləŋ kurum a?

Markus 2:8

Yesuw a sər a taraha aka dukw ana tə dzala ya tsara. A gwaɗa a tar: «Aàmala na kà dzalum gà gər kataya ya?

Yuhana 21:17

I dəba ŋa ya asa, a màr dər məmakər ŋa, a gwaɗar: «Simun, kəla Yuhana, wànà kà waya iye ana, ndzer kaɗəŋ a?» Bazlam Yesuw ata a màr dər məmakər ŋa, a gwaɗar: «Wànà kà waya iye yà, kà waya iye yà» ka, a tsəɓ a Piyer hinne. A gwaɗar: «Batsah ga ŋa, kà sər duwa tserdze. Dukw ana i gəzləŋ a tekeɗe ka, kà sər. Kà sər ka, i waya kər ndzer.» Yesuw a gwaɗar: «Ge gər a gà mburma gà ana ti zezem a iye kamala gà təmaŋ a lele.

1 Kurintiya 2:11

Weke na a sər dukw mìsle ŋgiɗ ana a dzele a i gər ŋgar a? Awaŋ, wura a sər tsa. Say i huɗ madzala gà gər ŋgar ilik na a səraba ya. I təv Mbulum tekeɗe, kamala taŋa ya mbaŋa. Say Mezite Mesife ŋgar ŋa ilik na a sər dukw ana ŋgat a dzele a ya, tsəka, mìsle ŋgiɗ a sir a tsa.

GALATIYA 5:15

Ama na bəla ki geywim be a swalwa kamala gà dukw dala ana gà ŋgwala tsa, hə̀ràsə̀sa ta ŋgeleye a ba tar ŋa, kige tsa ta pepeɗe a ba ya ka, gwim metsehe lele, tsəka, ki ti dzeywimiŋa.

IBƏRANIKWA 4:13

Duwa a riŋ ilik na makàhà ŋa aà are Mbulum a tsa. Gà dukw ana a ge tserdze ya ka, a ŋgatar tseɗey tseɗey lele. Ki ti ɗemekwe a gà dukw ana ki gekwe a ya fit dze aka miɗ ŋgar.

Sunwa Yuhana 16:19

Dite asa gər ahəɗ a taya ba ikaba ya tùhak tùhak. Huɗ kwite batsah ŋana tə zalar Babila ya, a tarətsa ba ikaba ya təv pampam makər, dite gà asiŋ kwite ana ika gər ahəɗ a tserdze, ta mbazla mbaŋa. Kamala taŋa ya, aɗaba kwite Babila ata ka, aka məts gər a Mbulum tsa. A ge matsəɓatsəɓ hinne nda təv ŋgar. Ar ka, kamala dukw ana a dzəm tsəka, a gweɗere a, sa, kà ndəv dər iɗəm a ya.

Sunwa Yuhana 2:23

tsəka, i ta bets a gà ɓəza ŋgar mbaŋa, na dite gà mayahaba gər gà mburma Mbulum tserdze ti sir a dər ka, iye na i sər dukw ana gà mburma tə dzala i gər tar, nda gà dukw ana a tsahən aà tar a ya. Kurum tserdze ka, i ti dzèye a kurum a gà dukw mayaba kurum, ku weke kalkal nda megemir ŋgar ana a ge ya.