Mata 12:14 - Bible Zulgo

¹⁴ Gà Farisa ata ta ŋgatar kataya tsara ka, ta wiyera ba i ga mahàmà a Mbulum ata sùtùtùtwara a bəra ya. Tə dara, ta mà akaba à bazlam ika magər tar aà medzeye à mesife Yesuw.

Mata 12:14 ပူးပေါင်းရင်းမြစ်များ

Mata 26:4

Ta mà akaba à bazlam ika magər tar. I huɗ bazlam tar ata ya ka, ta waya mayaha vatwa aà magəsa Yesuw, aà makə̀ɗà ŋgat nda akəl.

Mata 27:1

Aləka aka mbulum ana a də̀v i mèkwède ya ka, gà bàba gà ɓəzla mandəva kuɗa a Mbulum nda gà bàba gà mburma ana ta kwere a gà Yahuda ya tserdze, tə dza akaba ahəm, ta ge metsehe aà makə̀ɗà Yesuw.

Markus 14:1

A zeha mehinne sula i huɗ kwaskwa ya, na dite gà Yahuda tì lèh a aà *megirive Paska, nda mazəma dukuməŋa a riŋ giɗe ikəka tsa, na dite a kwese a tsiye.*fa* I fataya ka, gà bàba gà ɓəzla mandəva kuɗa a Mbulum, nda gà ɓəzla medzeŋge məpala ahəm Mbulum ti yaha vatwa aà magəsa Yesuw, ta waya makə̀ɗà ŋgat nda akəl.

Markus 3:6

Gà mburma ata ta ŋgatar kataya tsara ka, gà *Farisa ana i liwiŋ tar a, ta wiyera ba i ga mahàmà a Mbulum ata ya sùtùtùtwara a bəra ya. Tə dara i fataya ka, tə da a təv gà mburma Əbay *Hiridus tsara. Tə daha ka, ta mà akaba à bazlam ika magər tar. Ta gwa: «Meme na ki slekwe a aà medzeye à mesife Yesuw a?»

Luka 22:2

I fataya ka, gà bàba gà ɓəzla mandəva kuɗa a Mbulum nda gà ɓəzla medzeŋge məpala ahəm Mbulum, ti yaha vatwa aà makə̀ɗà Yesuw. Ama ka, ta ge magəɗa asa, agəra gà mburma ana mayahaba gər ŋa a riŋ hinne ya.

Luka 6:11

I dəba ŋa ya, a tsəɓ a gà mburma ana i liwiŋ tar, ti ne are a Yesuw a hinne. Tə dza akaba bazlam ŋgùrà ŋgùrà ŋgùrà i liwiŋ tar. Tə dza ba aà metsìkè dukw ana ta ge a à Yesuw a.

Yuhana 10:31

Gà Yahuda ata tə tsaraka bazlam ŋgar ata kataya ka, tə ndzək kur a ahər, ta waya makàlàwà ŋgat asa.

Yuhana 10:39

I fataya tsara ka, ti yaha vatwa aà magəsa ŋgat asa. Ama ka, a be aà tar a.

Yuhana 11:53

Agəra bazlam Kayafas ata a tsik a ka, gà bàba gà Yahuda ti yaha vatwa aà makə̀ɗà Yesuw, daga aà pat ata tsara.

Yuhana 11:57

Aɗaba gà Əbay gà ɓəzla mandəva kuɗa a Mbulum, nda gà Farisa ta gwa: «Na wura aka sər təv ana Yesuw iɗəm a ka, ma ɗif dər,« ta gis a ŋgat.

Yuhana 5:18

Gà bàba gà Yahuda tə tsaraka taŋa ka, ti yaha vatwa aà makə̀ɗà ŋgat. Ta kiɗ a ŋgat ka, aɗaba ana a nəs à məpala ahəm tar, a mbəl à mburma a pat mesìfìkà ba ya ɗekɗek tsa. Ta waya makə̀ɗà ŋgat ndeyndey ŋana ka, agəra ana a zal a Mbulum, a gwa ka: «Tsir gà», a geye akaba à ba ŋgar nda ŋgat a.

Yuhana 7:30

I fataya tsara ka, ti yaha vatwa aà magəsa ŋgat. Ama wura ilik aka ləm ahər tsa, aɗaba məpàslà ahər ana Mbulum a tiker a ka, aka ndze aɗəm zukw tsa.

Yuhana 7:32

Gà *Farisa tə tsarakara dukw ana gà mburma ti tsik aà Yesuw nda akəl i liwiŋ tar a ka, tə dza akaba ahəm nda gà Əbay gà ɓəzla mandəva kuɗa a Mbulum. Tə daha, tə slər gà ɓəzla makàslà ga Mbulum ata, aà magəsa Yesuw.

Yuhana 7:44

A sàs a gà asiŋ ŋa, aà magəsa ŋgat zləmana, ama wura ilik aka ləm ahər tsa.

Yuhana 8:59

Tə tsaraka kataya ka, ta pala kur i bəɗ a, ta kelewa a dər ŋgat. Ama Yesuw a kaha ba aà tar a, ta ŋgatar asa tsa. I dəba ŋa ya ka, a dara aà tar i ga Mbulum batsah ŋa ata ya.