Mata 12:12 - Bible Zulgo

¹² Dite mburma ana, a za təmaŋ tsiye. Aɗaba taŋa na a da dər ka, mazlàkà mburma a pat mesìfìkà ba ya.»

Mata 12:12 ပူးပေါင်းရင်းမြစ်များ

Mata 10:31

Aɗaba taŋa, kurum ka, ki gwim magəɗa tsa. Na kataya ana, kà zùm gà ɗiyeŋ ana mawùba ŋa tèsìsse ya kweleŋ fìtìte tsiye, na ika miɗ Mbulum a.»

Mata 6:26

Fə̀rum aà gà ɗiyeŋ ana ta beye a ndaà gəza mbulum a kwaŋ. Kwets ti slige a daw, kige tsa tì ses a, dite tì dze a duwa a awura tsa. Ama Mbulum Tsir kurum ana i gər ŋa ya, na a riŋ ihər a vile a ter a dukw mezime ya. Dite kurum dze ana, kà zùm dər gà ɗiyeŋ fit kweleŋ tsiye?

Markus 3:4

I dəba ŋa ya, Yesuw a gwaɗa a gà mburma ata ta fir ahər a ya: «Wànà məpala ahəm Mbulum a vəl vatwa dze ana, aà dukùla na a pat mesìfìkà ba ya? A gwa ana, gwim ŋgwal a mburma a pat mesìfìkà ba ya, tsəna, ki gwim tsiye? A gwa ana, mbəlum à mburma ya, tsəna, dzeywim à mburma ya?» Gà mburma ata ta gəs mifèfiler aakaha tsa, tə ndza ba ɗikɗik.

Luka 12:24

Fə̀rum aà gà ŋgatak kwaŋ. Kwets ti slige a duwa tsa, ta pele a duwa i bəɗ a tsa, dite awura tar a riŋ aà mekèhe aɗəm gà dukw tar, kige tsa ləmba tar a riŋ aà medzè aaka gà dukw mezime tar ɓav tsa asa. Ama Mbulum na a riŋ a vile a ter a dukw mezime ya. Dite kurum dze ana, kà zùm gà ɗiyeŋ tsiye, na i təv Mbulum a?

Luka 14:1

A pat mesìfìkà ba duwa, Yesuw a da a ga a bəra Əbay gà *Farisa duwa, aà mazəma ɗaf. A daha ka, a leha aà wele duwa, kwiye ba ŋgar fit meslesle ŋa gùvgùvuvva a riŋ ika miɗ ŋgar i fata. Ama gà asiŋ gà mburma ana tar riŋ i fataya, tseŋgikkè ta ge a metsehe lele aà dukw ana Yesuw a riŋ a ge a ya.

Luka 6:9

Dite i dəba ŋa ya asa, Yesuw a gwaɗa a tar: «Iye ihər i wiz a aà kurum a bazlam ilik. Wànà məpala ahəm Mbulum a vəl vatwa dze ana, aà dukùla na a pat mesìfìkà ba ya? A gwa ana, gwim ŋgwal a mburma a pat mesìfìkà ba ya, tsəna ki gwim tsiye? A gwa ana, mbəlum à mburma ya, tsəna dzeywim à mburma ya?»