Mata 11:7 - Bible Zulgo

⁷ Aləka i təv ana gà ɓəzla mazazama Yuhana ata tə da iɗəm a ka, Yesuw a dza ba aà metsìkè bazlam a gà mburma ana tar riŋ i təv ŋgar a, aka gər Yuhana. A gwaɗa a tar: «Kà dum a təv Yuhana ata a kusak ana, ka ta fə̀rumara ana, aàla ya? Wànà aà kwizir ana himbiɗ a ɓezle a dər wàkit wàkit a ya?

Mata 11:7 ပူးပေါင်းရင်းမြစ်များ

Mata 11:8

Tsəna, ka ta fə̀rumara ana, aà dukùla ya kəla ya? Wànà aà wele ana a dza akaba ŋgwal petek a ya? Ama gà na tə dzawa akaba ŋgwal petek a ka, tar ka, i ga i bəra gà Əbay.»

Mata 12:20

Kwizir ana dzùŋgurra madzàdzàkà ŋa ya ka, à hìɓ a dər ikaba ya tsa. Dite a mbete a à akwa ana a zeha ndwizzwè i lalampa, aka à mimbete ya ɓav tsa asa. A ye a ba tsidze, haa tsikw a təv ana aka burwa à dukw ana ŋgwala tsa, a ta ge a nda ndzer a ya.

Mata 21:25

A gwaɗa a tar: «Weke na a slərra Yuhana aà metsìlwìɓè à mburma a yam a? A dara ana, i ŋga ya? Wànà Mbulum a, na a slər ahər ŋgat a, tsəna, mburma ya?» Gà mburma ata tə dza akaba bazlam ika magər tar. Ta gwaɗaba: «Na kù gwaɗakwar kinehe ka, Mbulum na a slər ahər ŋgat a ka, a gweɗekwe a:

Mata 3:5

Akahər ata ka, gà mburma ana i Yeruzalem a, nda gà na a riŋ ika ahəɗ Yuda ya, dite nda gà na ta mbera a dulwa Yurdan a tserdze, te dawaha a təv ŋgar.

Luka 8:18

I dəba bazlam ata ya ka, a gwaɗa a tar asa: «Gwim metsehe a dukw ana ki tserekwim a ya, ka ti nwim dər ka, dukw pàrsa tsa. Aɗaba wur ana à gis a bazlam gà ana i tsik a ya ka, Mbulum tekeɗe, à sikehe a à megìse ŋgar ata, à zè a taŋa. Wur ana aka gəs tsiye ka, Mbulum ibam, à nikiɗ a à ŋgat mbaŋa asa.»

Yuhana 1:38

Wudəgə̀r Yesuw a mbəɗ à ba ka, aka ŋgat a a taraha, tar riŋ ti zezemehe a ŋgat. I dəba ŋa ya, a gwaɗa a tar: «Ki yehwim a là?» Ta gwaɗar: «Kər ana, mandza ŋa ana, i ŋga, Rabi?» Rabi ka, kamala megweɗe ya, mala medzeŋge duwa a mburma.

Yuhana 5:35

Akahər ata Yuhana a ne ka, dzaydzay kamala lalampa ana à div a ya. Kàa gəsum bazlam ŋgar zaakwa, kàa ŋgayum ba i təv dzaydzay ŋgar ata ya mbaŋa.

EFESIYA 4:14

Na kàa simekwa kataya ka, kwa gà ɓəza ndirkiz asa tsa. Gà ɓəzla pàrsa ana ta pasawa za a mburma nda wirwir a tekeɗe, ti sle a aà mendze a kwa a vatwa nda medzeŋge pàrsa tar asa tsa. Medzeŋge tar ata ka, à dzèdzeye a à mburma kamala himbiɗ ana kəzlah kəzlah à sìweye a à slə̀làh yam ika gər yam a. Ama kinehe ka, tsàhakwa, na dite a sle aà kwe a kataya asa tsiye.

YAKUBA 1:6

Ama say a wiz kə̀la ka, nda megìse i gəzləŋ ŋgar lele, tsəka, nda gəzləŋ sula tsa. Aɗaba wur ana madzala gà gər i gəzləŋ ŋgar pampam a ka, a ndzikiɗ ba kamala duluv yam ana himbiɗ a ɓezle a dər wàkit wàkit, a tsele akaba a ya.