Mata 11:6 - Bible Zulgo

⁶ Ama ki gweɗwimer a asa ka: Maŋgayaba ika gər wur ana aka məsak à megìsè iye i gəzləŋ ŋgar tsiye.»

Mata 11:6 ပူးပေါင်းရင်းမြစ်များ

Mata 13:21

Ama bazlam ata a ŋge a zlile aà mendze i gəzləŋ tar tsa. Mendze tar a riŋ ika vatwa Mbulum hinne tsa. Ti ndze a ka, wàkit wàkit. Na bəla mawùràba bazlam, kige tsa mesewere are aka le aà tar agəra bazlam Mbulum ka, ŋgwìɗik ta misek a à magəsa bazlam ata tsara.

Mata 18:7

Waya gà mburma gər ahəɗ a, agəra dukw ana a peze a ter a za, aà mege dukw bakal a. Taŋa gà dukw ata ka, a ta ge a riŋ seyiŋ. Ama mesewere are ika gər wur ana a peze a za a mburma, aà mege bakal a.

Mata 24:10

A ndze a a fata ka, gà mìsle ŋgiɗ pampam hinne ta gis a iye a gəzləŋ tar asa tsa. Tì dze a ba ka, aà megeye aaba ɗaf nda mene ba are.

Mata 26:31

Aləka aka təv ana ti ndze aà vatwa ya ka, Yesuw a gwaɗa a gà ɓəzla mazazama ŋgat: «I həvəɗ aaha mbakum a ka, kurum aaha tserdze ya, ki tìzwim a aà iye ya, magəɗa a ge a kurum ŋa. Aɗaba a riŋ mewetse ŋa i wakita Mbulum, a tsik aà iye, Mbulum a gwa: «*fb*

Mata 5:29

Kamala taŋa ya, na bəla are yak a bene a kər a bakal ka, ə̀ndzuɗ ndzàhara aba ya, kà yà a dala diriŋ. Ŋgulum dzerisl ba yak ma dzeye ilik, ndəna ki de a akwa ana a mbete a tsa aà biybiy nda gà ba yak fit a.

Markus 6:3

Aɗaba piŋŋe ka, a papazawa ka, dizl. Ŋgat ibam, kəla Mariya ya. Gà damər ŋgar tekeɗe ka, gà Zakup nda Yasufa, nda gà Yudas, nda gà Simun. Gà damər ŋgar gà dəm ŋana tekeɗe, tar ɗa mandza ŋa ika magər kwa i faha ya.» Aɗaba taŋa na gà mburma ata ta gəs ahəm aà Yesuw tsiye.

Luka 2:34

Simeyun a pise a tar ahəm, a gwaɗa a mama Yesuw: «Mbulum a zla kəla aaha ka, aà madzàwà à gà Isərayel hinne aà mbulum a. Dite aà mehitse à gà asiŋ ŋa aà mbulum hinne asa. Ŋgat na a ɗif a à vatwa ndzer ŋa ya. Ama ka, gà mburma hinne ti ti niw a ŋgat.

Luka 7:23

Ama ki gweɗwimer a asa ka: Maŋgayaba ika gər wur ana aka məsak à megìse iye i gəzləŋ ŋgar tsiye.»

Yuhana 16:1

I tsik a kurum a kataya ka, dite i təv ana gà mburma ti sèwèr a kurum a are ya ka, ka ta miyakum à megìse iye i gəzləŋ kurum a tsa.

Yuhana 6:66

I təv ana gà ɓəzla mazazama ŋgat tə tsaraka bazlam ŋgar ata ya ka, gà asiŋ ŋa i magər tar hinne, ta məsak à mazazama ŋgat, ta mbəɗ gər a dəba.

1 Kurintiya 2:14

Wele ana aka ŋgat Mezìtè Mesife Mbulum ata a gəzləŋ ŋgar tsa, a zezem a madzala gà gər ŋgar pəra ya ka, à gis a dukw ana Mezite Mesife Mbulum ata a vile a a mburma ya ɓav tsa asa mbaŋa. A sir a tsa, à fir ahər a ka, kamala dukw falày taf masakəŋa ya. Aɗaba na Mezite Mesife Mbulum a riŋ à zlèk a ŋgat tsəka, a sle aà metsereke a tsidze.

GALATIYA 5:11

Gà damər gà, iye ka, na mege i ɗif a à bazlam Mbulum hiywe, nda metsìkè a mburma, sasayum ba, na dite Mbulum a ne à kurum a gà ŋgwal ŋa ika miɗ ŋgar a ka, ana ka, gà Yahuda ti sèwèriŋ a are tsidze, dite bazlam mandwàndwàyà Kiristi ana tə ndwandway aà dizl magə̀làwà ŋa ya tekeɗe ka, a tsìɓ a ter a tsa asa mbaŋa. Ama ka, i tsikewa kataya tsa.

1 PIYER 2:8

Ta wetse i wakita Mbulum mbaŋa asa ka, ta gwa: «Kur ata ka, gà mburma ti ndif ahər a sik gùp, tì dìɗ aakiŋa.»*fb* Mendìfè sik ata ka, aɗaba ana ta gəs bazlam Mbulum tsiye. Akahər ata piŋŋe ka, Mbulum a waya a ge dər kataya ka, a gwa: Gà dukw ata ta ge a ba kataya dukw ŋgar.