Mata 11:5 - Bible Zulgo

⁵ Gwaɗumar ka, gà ɓəzla guluf tàa ŋgat are tar, dite gà ɓəzla magàha a bəɗ ibam, ti de a lele, nda gà ɓəzla mbəlak ba tekeɗe, suwuɗ suwuɗ tàa mbala. Gà ɓəzla mandakazləm tekeɗe ibam asa, pìɗek tàa tsaraka zləm, nda gà məməta ibam asa, hùrùm tàa mbalara i məməta ya. Gà ɓəzla matawak mbaŋa, tàa tsaraka bazlam ŋgwal ŋa ana i tsik a ya.

Mata 11:5 ပူးပေါင်းရင်းမြစ်များ

Mata 10:8

Dite i dəba ŋa ya, ka mbalum à gà ɓəzla dukw məməta nda gà na ta mata ya, dite nda gà ɓəzla mbəlak ba asa. Ka dalawum gà sitene aà mburma ya. Aɗaba i vəl a kurum ndzəɗa ata ka, dukw taf masakəŋa. Ama kurum tekeɗe, vəlum a tar kataya mbaŋa.

Mata 11:4

Yesuw a gwaɗa a tar: «Mbəɗum gər, ti tsikwim a Yuhana, na dukw ana kà tsarakum kinehe ya, ndəna kə̀ ŋgatumar a.

Mata 12:13

I dəba ŋa ya, a gwaɗa a wele makàlà ahər ŋa ata: «Sirikara à ahər yak a təv ga ya.» Wele ata a sìrìk dərraha tsara ka, ahər ŋgar ata suwuɗ a lə̀mabaɗa ba lele, kamala ahər ŋgiɗ a mbaŋa.

Mata 21:14

Dite i dəba ŋa ya, gà ɓəzla guluf nda gà ɓəzla magàha a bəɗ, tə dara a təv Yesuw a ga Mbulum batsah ŋa ata ya. A mbala à tar.

Mata 5:3

A gwaɗa a tar: «Maŋgayaba i təv gà mburma ana kinehe, tə sər, mər ka, gà ɓəzla matawak ika miɗ Mbulum taluw taluw a, aɗaba tar ka, ti ti ndze a nda gà Mbulum i mekwere ŋgar.

Mata 9:30

Tsam ka, are tar ndwa ndwa a handaka ba tsara kaɗəŋ. I dəba ŋa ya, Yesuw a pala a tar ahəm, a gwaɗa a tar: «Wura ilik ma tə sər dukw aaha i ge a kurum kinehe ya tsidze.»

Markus 7:37

Aɗaba dukw ana Yesuw a ge a ka, dukw mene aà mburma hinne. Ta gwaɗawa ahər: «Dukw ana a ge a ya ka, à lèmbeɗe a lele ndzer. Ku mege mandakazləm ibam, à hìndìker a i zləm a, à fèfil a lele.»

Markus 9:25

Yesuw a fə̀r ka, gà mburma a riŋ ihər ti dehe a a təv tar, tì sìkèhihe a hinne. A kwara akaba sitene ata nda magala hinne, a gwaɗar: «Sitene, kər ana kà sle mehìndìkè aka bazlam nda zləm a mburma ya. Iye ihər i kwere a kər: Dara i ba kəla aaha ya tsəma kinehe, ka da. Kà ləm ahər asa tsidze.»

Luka 4:18

«Iye i ahər Mezite Mesife Mbulum, aɗaba a zla iye aà meɗìfè à bazlam ŋgwal ŋana a gà ɓəzla matawak. A slərra iye ya ka, a təv gà ɓəzla daŋgay a, aà meɗife a tar à məpala à tar. Dite aà mahə̀ndə̀kà are a gà ɓəzla guluf mbaŋa nda gà aà mibeyè à gà na ti sèwèrewa a tar are ya.

Yuhana 10:25

Yesuw a gwaɗa a tar aaka: «Yàa tsik a kurum aka ndəv, ama a sàs a kurum megìse bazlam gà tsa. Gà megemir ŋgwal ŋa ana i ge a nda ndzəɗa Tsir gà ya na à pèt a kurum a dər ka, iye ana, weke ya mbaŋa.

Yuhana 10:38

Ama na bəla iye riŋ i ge a megemir ŋgar ka, ku mege kàa gəsum bazlam gà tsa tekeɗe, gəsum iye, aɗaba megemir ana iye ihər i ge a ya, na dite ki sirwim a dər parakkà ka, Tsir gà a riŋ mandza ŋa i təv ilik ŋa nda iye, iye tekeɗe, iye riŋ mandza ŋa i təv ilik nda ŋgat mbaŋa ya.»

Yuhana 2:23

Akahər *megirive Paska ana Yesuw a riŋ i Yeruzalem a ka, gà mburma hinne ta ŋgat a gà dukw mene aà mburma ana a gewa ya, dite ta gəs ŋgat nda gəzləŋ.

Yuhana 3:2

A pat duwa a da a təv Yesuw ndaàvəɗ. A daha, a gwaɗar: «Mala medzeŋge a mburma, mì sər ka, Mbulum na a slərra kər aà mesìnìkè à duwa a mburma ya kaɗəŋ, aɗaba wura a sle a aà mege gà dukw mene aà mburma kamala ana ki gewa ya tsa, na ahər Mbulum a riŋ aà ŋgat tsiye.»

Yuhana 5:36

Ama iye ka, mala sida gà a riŋ, a za biy Yuhana ana a ge ya. Aɗaba megemir ana iye ihər i ge a ya ka, biy Tsir gà ana a viliŋ a ahər a, dite na i ge a ya. Mege megemir ata na a ne mala sida gà, mburma ti sir a dər ka, Mbulum Tsir gà na a slərra iye kaɗəŋ a.

Yuhana 9:7

A gwaɗar: «Da, ta bara are a duluv ana tə zalar Siluwam a.» Zləm təv ata ka, kərga megweɗe ya, wele ana tə slərra ya. Mala guluf ata a daha, a bara are ŋgar a fata. Dite wurat are ŋgar a hə̀ndə̀k ba. Aləka a màra ka, a ŋgat a vatwa lele kuɗa.

Gà Ɓəzla Meslire 2:22

Piyer a gwaɗa a tar asa: «A kurum gà mburma Isərayel, iye ihər i gweɗe a kurum ŋa, dzum zləm a dukw ana i tsik a kurum a ya lele: Yesuw gà Nazaret ka, Mbulum na a slərra ŋgat a. Kamala taŋa ya, aka ge gà dukw mene à mburma ŋgiɗ pampam hinne nda ahər ŋgar, kamala meɗìfè à duwa a mburma ya tserdze mbaŋa. Kàa ŋgatum a gà dukw ata tserdze ya, ika magər kurum.

YAKUBA 2:5

Kurum gà damər gà ana i waya kurum hinne ya, tsarakum. Aɗaba Mbulum a pala gà ɓəzla matawak ata ika gər ahəɗ a ka, dite ta ŋgat dukw ana ŋgwal ŋa ya, agəra megìse ana ta gəs Yesuw Kiristi ya. Mbulum a ta vile a ter a mekwere Əbay ŋgar ana a gwa i sida ya, i ta vile a a gà mburma ana ta waya iye ya.