Mata 11:30 - Bible Zulgo

³⁰ Aɗaba dukw ana iye i tsik a kurum a ya ka, a ge a kurum a ŋgulum. Dukw gà ana ki zlwim a ya tekeɗe ka, tsèfek tsèfek a be a kurum tsa asa mbaŋa.»

Mata 11:30 ပူးပေါင်းရင်းမြစ်များ

Mata 12:1

Aləka i dəba ŋa ya, a pat mesìfìkà ba duwa gà Yesuw nda gà ɓəzla mazazama ŋgat, tə da nda gùvàh dukw duwa kamala daw a. I fata ka, may a wir a aà gà ɓəzla mazazama ŋgat ata hinne, ta haɓa dukw ata kamala daw a, tə zəm.

Yuhana 16:33

I tsik a kurum gà dukw ata tserdze ya ka, dite kà ndzakwa nda gà iye, ki ŋgetwim a matasla yam a gəzləŋ zayya lele. Ika gər ahəɗ ka, ki sèwèrwim a are. Ama kə̀la ka, arəv ma da aà kurum a tsa, gəsum gəzləŋ, aɗaba Yàa mba aà gà dukw ana ika gər ahəɗ tserdze ya.»

Gà Ɓəzla Meslire 15:10

Aàmala na ki nwim a bakal à Mbulum nda məfàrà ndzəɗa aka gà mburma ŋgar, dite tə zla ka, say dukw ana mibe ŋa ya ya? Araha, kwets kwa ŋa ana i gwala kwa ya tekeɗe, kà mbàkwa aà mazla ŋa tsiye.

Gà Ɓəzla Meslire 15:28

Aɗaba mər tserdze nda gà Mezite Mesife Mbulum na mì tsik akaba bazlam ŋa ya. Mì gwa, a sàs a mər mìi tike aka kurum a dukw ana a be hinne ya tsa. Ama a sàs a mər kə̀la ka, ki zezemwim a dukw ana a da ndaka vatwa ŋa ya.

2 Kurintiya 4:17

Gà mesewere are ana kwa ihər ki sèwèrekwe a kinehe ya ka, ti ndze a tsa, tì ndìv a mba. Ki ta ŋgetekewe a dər ka, mezlibe ana batsah ŋa ya. Mezlibe ata ka, a ti zè a dukw tserdze, dite a ndze a ka, aà biybiy. Agəra taŋa na ki fìrekwe a aà gà mesewere are ata ka, kamala ana mawura ba ŋa tsiye ya.

GALATIYA 5:1

*Kiristi ka, aka be à kwa i məpala ahəm gà Yahuda ya, na dite araha kinehe ki ziwekwe a gər kwa ya. Aɗaba taŋa, mərum aba aà mendze kamala taŋa ya. Wura ilik ma ti ne à kurum gà ɓele asa tsidze.

GALATIYA 5:18

Ama na bəla Mezite Mesife Mbulum na a lèh a kurum a aka miɗ a ka, taŋa ka, məpala ahəm Musa à fə̀r aka kurum a ndzəɗa asa tsa.

FILIPIYA 4:13

I sər magəsa gəzləŋ i təv duwa tserdze ka, say nda təv Yesuw Kiristi ana a viliŋ a ndzəɗa ya.

1 Yuhana 5:3

Na kà wayakwa Mbulum nda ndzer ka, kamala megweɗe ya, say ki gekwe a dukw ana a tsik a kwe a ya mbaŋa. Aɗaba gà məpala ahəm ŋgar ata ka, mawùràba aà mazazama ŋa tsa.