Mata 11:25 - Bible Zulgo

²⁵ I dəba ŋa ya ka, Yesuw a hama a Mbulum, a gwaɗar: «A kər Tsir gà, kər ana ki kwere a gà gəza mbulum nda gər ahəɗ a. Iye ihər i gek a kəkaaha, aɗaba kər ka, kàa kaha duwa à gà ɓəzla metsehe ya, nda gà na tə sər duwa hinne ya. Ama kinehe ka, kər ihər ki ɗif a dər a gà na tə sər duwa tsiye.

Mata 11:25 ပူးပေါင်းရင်းမြစ်များ

Mata 16:17

Yesuw a gwaɗar: «Kər ka, maŋgayaba i təv yak, Simun kəla Yunas, aɗaba kà sər taŋa ka, mburma na a tsikik a tsa. Ama Tsir gà Mbulum ana i gər ŋa ya na a ɗifek dər a.

Mata 21:16

Gà mburma ata ta gwaɗa a Yesuw: «Kàa tsaraka dukw ana gà ɓəza aaha ti tsik a ya ya?» Yesuw a gwaɗa a tar aaka: «Haya, Yàa tsaraka. Ama kurum ana, kàa dzeŋgwim dukw ana i wakita Mbulum a tsik a ti tsiye? A gwa aà iye ka: «*fc*

Luka 22:42

I huɗ meheme ŋgar ata ya ka, a gwa: «Tsir gà, na mege kà waya ka, zla aà iye mesewere are ana i ti sèwèr a are ya te. Ama ki ge a ka, kamala ana a sàsak a, tsəka, kamala ana a sèsiŋ a tsa.»

Luka 23:34

Yesuw a gwa: «Tsir gà, pəl a tar à bakal tar, aɗaba tə sər dukw ana ta ge a ya tsa.» Gà mburma ana tə ndwandway ŋgat a, tə dzaya ikaba petek ŋa ya ika magər tar, dite ta ge tsetse, ta gwa: «Ŋgada weke na a ŋget a ya?»

Yuhana 11:41

Tə daha, ta hə̀ndə̀k ihər beliŋ ata ya. Yesuw a fə̀r a gəza mbulum, dite a gwa: «Tsir ga, iye ihər i gik a kəkaaha, aɗaba ana kàa dza zləm a dukw ana i wiz aà kər a.

Yuhana 12:27

Yesuw a gwaɗa a tar asa: «Kinehe ka, arəv a de a aà iye ya ka, hinne. Dite i gweɗe a ana, meme ɓav a? Wànà i gweɗe a a tsir gà ana, zla ika iye mesewere are ana a ti le a aà iye aka miɗ mba ya ya? Awaŋ, ama ka, i gweɗe a kataya tsa. Aɗaba i dara ka, agəra mesewere are ata ya seyiŋ.

Yuhana 12:28

Ama i gweɗere a ivaɗ ka, Tsir gà, ge dukw ana, dite ka, mburma tì zlibe a à kər a.» I dəba bazlam ŋgar ata ya tsara ka, mifefile a ɗera i gər ŋa ya, Mbulum a gwa: «Yàa mbər meɗife à ndzəɗa gà ana tì zlibe a dər à iye ya, a mburma, dite i ɗif a ter a dər asa.»

Gà Ɓəzla Meslire 17:24

Mbulum ana a ge gər ahəɗ, nda gà dukw ana iɗəm a tserdze ka, ŋgat Əbay ana a kwere a gəza mbulum nda gər ahəɗ a. A ndze a i ga ana gà mburma ta ger nda ahər a tsa.

1 Kurintiya 2:10

Ama kwa kinehe ka, Mbulum aka ɗif a kwa à dukw ata a yaha aɗaba kwa ya, nda ndzəɗa Mezite Mesife ŋgar. Aɗaba Mezite Mesife ata ka, a sər duwa tserdze. Ku mege dukw ana Mbulum a dzala i gəzləŋ ŋgar a tekeɗe, a sər mbaŋa.

2 Kurintiya 3:14

Ama gà mburma Isərayel ana akahər ata ya ka, ndakazləmzləm tàa tsaraka bazlam ata tsidze, haa kinehe hiywe mba. Aɗaba i təv ana ti dzeŋge a bazlam wakita biy masəra ba miviye ŋa ata ya ka, ti ne kamala gà ɓəzla mandakazləm a, tə sər tsa. Are tar makàhà ŋa zimirmir nda petek kamala biy Musa ana akahər ata ya. Say wur ana aka gəs Yesuw Kiristi ya, na petek ata wurat, a de a ika are ŋgar a ya.