Mata 11:23 - Bible Zulgo

²³ Dite a kurum ana i kwite Kafarnahum a, kurum ana ki gwim a aba zlapa ya, kù gwaɗum i kurum ana, Mbulum a ti dzik a kurum aà gəza mbulum pam a? Awaŋ, tì lìm a kurum a ka, a təv mendze gà məməta ivaɗ. Aɗaba gà dukw mene aà mburma ana i geye i kwite kurum a, mege i geye i kwite Suduma ka, ana kwite ata ka, gà mburma ana i fataya, ta gis a iye nda gəzləŋ tar, ti zeha a riŋ iɗəm haa kinehe mba.

Mata 11:23 ပူးပေါင်းရင်းမြစ်များ

Mata 10:15

Aɗaba taŋa, iye ihər i gweɗe a kurum a nda ndzer, pàrsa iɗəm tsa: A pat seriye Mbulum ka, i tar ka, mawùràba ŋa, biy gà Suduma nda gà Gumura duwa i təv a tsa.»

Mata 16:18

Iye ihər i gweɗekiŋa: Kər ka, Piyer, kamala megweɗe ya ka, kuvəl. Ama i ti yehe a gər a gà mburma gà aka kuvəl ata kamala kur ana tì zlèzl a dər ga ya. Taŋa, gà ɓəzla mene are tar ka, ti sle a aà medzeye à tar tsa, ku mege ndzəɗa məməta tekeɗe, a sle a aà mimbè aà tar tsa mbaŋa.

Mata 17:24

I dəba ŋa ya asa, gà Yesuw nda gà ɓəzla mazazama ŋgat ti ndze a Kafarnahum ka, gà ɓəzla mandzə̀kà hadam ga Mbulum batsah ŋana tə dara a təv Piyer a, ta wiz aà ŋgat bazlam a, ta gwaɗar: «Mala meɗè a kurum à duwa ana, a dze a hadam ana gà mburma tə dzawa i ga Mbulum batsah ŋana ya ti tsiye?»

Mata 4:13

I təv ana a riŋ a de a mba ya ka, a da nda kwite ŋgar Nazaret. I dəba ŋa ya, a miyak à kwite Nazaret ata asa. A ta mendze a Kafarnahum aà gùva duluv Galile. I fata ka, ahəɗ gà Zabulun nda Naftali.

Mata 8:5

I dəba ŋa, Yesuw a da a kwite Kafarnahum. Zàmma tsəka, batsah gà sliwdze gà Ruma duwa a daha a təv ŋgar, a hamar hinne.

Luka 10:15

Dite a kurum ana i kwite Kafarnahum a, kurum ana ki gwim a aba zlapa ya, kù gwaɗum i kurum ana, Mbulum a ti dzik a kurum aà gəza mbulum pam a? Awaŋ, tì lìm a kurum a a təv mendze gà məməta ivaɗ.»

Luka 14:11

Aɗaba na wura a sasar, tə zalar batsah ŋa ka, Mbulum a ne a ŋgat kəla ŋa ivaɗ. Ama wur ana aka ne à ba ŋgar kwizikw ika miɗ mburma ya ka, Mbulum a ne a ŋgat batsah ŋa asa mbaŋa.»

Luka 16:23

A sèwèrewa are hinne i təv ana gà məməta iɗəm a. A zla gər aà mbulum, a fə̀r ikaba ya ka, aka ŋgataha a gà Abəraham mandza ŋa nda Lazar i təv ilik ŋa diriŋ nda gà ŋgat i gər ŋa, ti ndze aaba tsa.

Luka 4:23

I dəba ŋa ya, Yesuw a gwaɗa a tar aaka: «Ki ti sewlwim aà iye a nda bazlam ata, pàrsa iɗəm tsa. Ki gweɗwim a ka: Ki ta gweɗwim a mbaŋa ka: «

Gà Ɓəzla Meslire 2:27

Aɗaba ki ta miyek a à iye i biye a məməta tsa. Dite ki ta vile a vatwa a wur ana i təv yak a aà meze tsa asa.

Gà Ɓəzla Meslire 2:31

Dawda aka sər dukw ana a ta ge a ba ika miɗ daga piŋŋe ya, ama a tsik bazlam ŋgar ata ka, aà mala məmbàlà à mburma ana Mbulum a gwa ka, i slir a kurumehe a, a mbilere a i məməta ya, i təv ana a gwa ka, tàa miyak à iye i məməta tsiye, dite slu ba gà tekeɗe, a ze a tsa asa ya.

Yuda 1:7

Gà kwite ata tə zal a tar gà Suduma nda Gumura, dite gà asiŋ gà kwite ana ta mbe a taraha ya ka, ta məts a kurum gər tsa mbaŋa. Gà mburma ana i fataya ka, ta gewa mezelme, kamala na gà gawla Mbulum ata ta ge a ya. Ta gewa ka, dukw ana ŋgwal ŋa tsiye pampam, a tsahən biy mege a kurum tsiye, dite biy metsike tsa asa ya. Mbulum a tàtə̀k a gà mburma ata ka, a dza tar a akwa ana a mbete a tsa aà biybiy a. Kamala taŋa ya, Mbulum a be à ɗaf a gà mburma tserdze kataya ka, dite ku weke ma sər dər, Mbulum a ge a medzibe gà mburma ata ka, kataya.

Sunwa Yuhana 1:18

Iye ka, wur ana a ndze a aà bəra nda gà mesife ya. Ama ka, Yàa mət, i dəba ŋa ya ka, Yàa mbəlara i məməta ya asa. I ndze a aà bəra nda mesife ka, aà biybiy. Iye ka, ndzəɗa ŋa ika gər məməta, nda gà ika gər təv mendze gà məməta ana tar mandza ŋa iɗəm a asa mbaŋa.

Sunwa Yuhana 11:8

Ama gà məməta tar ata ka, wura a ti leye a tar tsa, ti ti ndze a ika dàlàbə̀rà, i magər kwite ana ta kəɗ aɗəm Batsah tar ŋa ya. Zləm kwite ata a ne ka, kamala Suduma ya, kige tsa, Ezipt ya.

Sunwa Yuhana 20:13

Ku mege gà mburma ana ta mataya i batsah duluv a tekeɗe ka, yam ata à mère a à tar a. Gà məməta ana i biye i təv mendze gà məməta ya tekeɗe ka, tə dayara iɗəm a mbaŋa. Mbulum a geye a tar seriye tserdze, kalkal kamala biy megemir tar ana ta ge ya.

Sunwa Yuhana 6:8

Aləka i fə̀r ikaba ya ka, i ŋgataha a piris duwa a ndza kusuh kusuh. Wele ana a tsəl aaka ya tekeɗe ka, zləm ŋgar Məməta. Təv ana aka da aɗəm a ka, bazlam məməta na a zezem a ŋgat a. Gà mburma gər ahəɗ tserdze ka, tàa tarətsa ba ikaba ya təv pampam faɗ. Gà gwala ŋgiɗ ilik ka, tàa vəlar vatwa aà məbatsa iɗəm tar a nda gà duwa ŋgiɗ a pampam. A bets a tar nda màsalamà. Gà biy ŋgiɗ ta mete a à may, kige tsa, à dukw məməta, dite gà asiŋ ŋa aaha asa ka, gà dukw dala ta betseye a tar.