Mata 11:21 - Bible Zulgo

²¹ A tsik aà tar, a gwa: «A kurum ana i kwite Kurazin a, waya ba kurum a. Dite a kurum ana i kwite Betsayida ya, waya ba kurum a asa. Aɗaba gà dukw mene aà mburma ana i geye i kwite kurum a, mege i geye ka, i gà kwite Tirus nda Sidun ka, ana ka, ti dzele a ba tar daga piŋŋe, ti tiwiŋa, tì dzèye akaba a gà makwàtsak gà bùhwa, ti ndèye akaba a bitekwe aà məpàtà dər ka, a sàs a tar məmbə̀ɗà à gəzləŋ tar a.

Mata 11:21 ပူးပေါင်းရင်းမြစ်များ

Mata 11:22

Aɗaba taŋa, iye ihər i gweɗe a kurum ŋa: A pat seriye Mbulum ka, mesewere are ŋa i kurum a ta ge a ka, ŋgulum biy gà mburma ata i kwite gà Tirus nda Sidun a.

Mata 15:21

I dəba ŋa ya, Yesuw a hitse i fataya, a da ndàra aka ahəɗ gà Tirus nda Sidun.

Mata 18:7

Waya gà mburma gər ahəɗ a, agəra dukw ana a peze a ter a za, aà mege dukw bakal a. Taŋa gà dukw ata ka, a ta ge a riŋ seyiŋ. Ama mesewere are ika gər wur ana a peze a za a mburma, aà mege bakal a.

Mata 26:24

Taŋa iye, *wur ana a dara i təv Mbulum a, i ta mìt a ka, kamala ana wakita Mbulum a tsik a. Ama mesewere are a dere a aka gər wele ana a ta ge aà iye a ɗaf a ka, batsah ŋa hinne. A ta ge a dər kaɗəŋ ana, meme ɗar a? Ŋgulum na ta wa ŋgat tsiye.»

Markus 3:8

i Yeruzalem a, nda gà na ika ahəɗ Eduma ya, ika lìdè dulwa Yurdan a, nda gà na ta mbehe a gà kwite Tirus nda Sidun a, tə dara a təv tar a mbaŋa. Gà mburma ata tə dara a təv Yesuw a hinne ka, aɗaba tə tsarakaha meɗè zləm ŋgar ana a riŋ a gewa duwa i fataya.

Markus 6:45

I dəba ŋa ya tsara ka, Yesuw a gwaɗa a gà ɓəzla mazazama ŋgat: «Tsalum a slə̀làh yam, dum aka miɗ a Betsayida, aka lìdè dùluv, i lehe a aà kurum ŋa.» Gà mburma ata tə daha, tə tsala a slə̀làh yam ata, tə da. I dəba ŋa ya, a gwaɗa a gà asiŋ gà mburma aaha: «Dum a ma kuɗa» mbaŋa.

Markus 7:24

Aləka i dəba ŋa ya, Yesuw a hitse i fataya, a da aka ahəɗ ana bise nda Tirus a. A daha a fata ka, a da a ga a bəra wele duwa. A da a ga ata ka, a sasar na gà mburma tə sər aà ŋgat a riŋ i fataya tsa. Ama a sle a aà makàhà ba ŋgar ɓav tsa, gà mburma ata tə sər aà ŋgat a riŋ i fata tsara.

Markus 7:31

I dəba ŋa ya, Yesuw a hitse ika ahəɗ Tirus a asa. A mah ba, a da nda kwite Sidun. A da i fataya ka, ndaà gùva duluv Galile. A da aka ahəɗ kwite kurwa.

Markus 8:22

Gà Yesuw nda gà ɓəzla mazazama ŋgat tə tsala aka gìgìze a kwite Betsayida. Ti ndzeha a fata ka, gà mburma ana i fataya, tə zləraha wele duwa a riŋ guluf ŋa. Tə daha, ta hamar dər hinne. Ta gwaɗar: «Zlak wele aaha, kà tiye aakahər yak te.»

Luka 4:26

Ama Mbulum aka slər Iliya a təv gà madakwa gà məkəs ata ɓav tsa. A slər ŋgat ka, a təv madakwa məkəs duwa a riŋ mandza ŋa i Sarapta ika ahəɗ Sidun.

Luka 6:17

Aləka gà Yesuw nda gà ɓəzla mazazama ŋgat tə tarra i dìyes ata ya, ti ndze aka dàlàbə̀rà duwa fehhè lele ka, tàa le aà gà ɓəzla mazazama ŋgat ŋgiɗ a fata hinne. Gà asiŋ gà mburma ŋgiɗ riŋ i fata hinne asa mbaŋa. Ama i liwiŋ gà mburma ata ka, gà asiŋ ŋa tə dara i Yeruzalem a. Gà biy ŋgiɗ ibam, tə dara i gà asiŋ gà kwite ŋgiɗ ana a riŋ ika ahəɗ Yuda ya, dite nda gà na tə dara i gà kwite Tirus nda Sidun ana aà gùva duluv a.

Luka 9:10

Aləka i dəba ŋa ya, gà ɓəzla meslire Yesuw aaha ndeɗiŋa a slər tar a, tàa mbəɗaha gər a təv ŋgar. Tə daha ka, tə ɗamar dukw ana ta ge riŋ i fataya fit dze. A sàs a Yesuw na ti de a a kwite ŋa a riŋ tə zalar Betsayida ya, kətsah aà kwite ya zaakwa, à gər tar. A ndzək dər gà ɓəzla mazazama ŋgat ata, tə da akaba tserdze.

Yuhana 1:44

Filip a dara ka, i kwite Betsayida ana gà Andire nda Piyer tə ndzawa iɗəm a.

Yuhana 12:21

Tə da a təv Filip ana a dara i kwite Betsayida ika ahəɗ Galile ya, tə daha, ta gwaɗar: «A sàs a mər maŋgata a Yesuw te ana, meme, wele aaha.»

Gà Ɓəzla Meslire 12:20

I dəba ŋa ya ka, Əbay Hiridus a ge arəv hinne aka gà mburma ana i gà Tirus nda Sidun a. Ama gà mburma ata ka, ta waya masəra ba nda gà ŋgat, aɗaba tə dawa aka masəkəma dukw mezime ka, aka ahəɗ ata. Tə dza akaba bazlam ika magər tar, dite tə slər mburma a təv ŋgar. Gà mburma ata tə daha ka, ta gəs masla aà batsah mala sik Əbay ata, zləm ŋgar Bəlastus, aɗaba tə sər ŋgat na ma da a təv ŋgar a ka, dite à gis a bazlam ŋgar a. Aləka Bəlastus a da a təv Əbay ata, a daha, a màr à bazlam tar ata ti tsikeraha ya.

Gà Ɓəzla Meslire 27:3

Aləka mbulum a də̀v ndidwe ŋana ka, mì ndze a kwite Sidun. Mì daha ka, sliwdze aaha ndeɗiŋa tə zalar Yuliyus a, a ge ŋgwal a Pul hinne. A vəlar vatwa aà məfə̀rà aka gà masla ŋgar ana i fataya, dite ta vəlar gà duwa, ta ger gər lele.

Yuda 1:11

Dukùla na a ge a ter a ŋgùlum i fataya? I tar ka, waya ba tar a. Aɗaba ana tə zazam vatwa Kayinu, wele ana a kəɗ damər ŋgar a.*fb* Dite tar ka, ta vəl ba tar a mege dukw ana ŋgwal ŋa tsiye, aà maŋgata dər siŋgwe kamala ana Balaam a ge akahər ata ya mbaŋa.*fc* Tar ka, tàa dzeye, aɗaba ana ta ge gùvəl aà Mbulum, ta waya mezìwè gər tar a, kamala dukw Kura ana a ge akahər ata, duwa a fàlàh ŋgat, dite ka, a mət a.*fd*

Sunwa Yuhana 11:3

I ti slir a gà ɓəzla sida sula, dite tì dzèye akaba a petek bùhwa biy na duwa a sle aà tar a. Ti ti ɗif a à bazlam gà a gà mburma, a təv ana aka ndze aɗəm a, kamala megweɗe ya, ti ɗif a dər ka, i huɗ mehinne dəbuw nda dərməka sula nda dzik ndilik a.»

Sunwa Yuhana 6:12

I dəba ŋa ya, i fə̀r aà Kəla Təmaŋ ata asa ka, a ŋgwàhaka ihər dukw magəsa wakita mendilik ŋana ya asa. A ŋgwàhaka ihər a tsara ka, gər ahəɗ a ɓazla wàkit wàkit hinne. Pat a mbəɗ ba ŋgiɗ kamala petek ana a ndza lìviŋ lìviŋ a. Dite kiye tekeɗe, a mbəɗ ba ŋgiɗ, a ndza nduzzwa kamala məmbəz a asa.