Mata 10:40 - Bible Zulgo

⁴⁰ Yesuw a gwaɗa a tar asa: «Ama wur ana aka gəs kurum lele ya ka, a gəs taŋa ka, iye. Dite wur ana aka gəs iye ya tekeɗe, a gəs taŋa ka, wele ana a slərra iye ya mbaŋa.

Mata 10:40 ပူးပေါင်းရင်းမြစ်များ

Mata 18:5

A gwaɗa a tar asa: «Ku weke na aka gəs aà mege gər a medzibe kəla aaha aɗaba iye ka, a ge gər taŋa ka, a iye.»

Mata 25:40

I dəba ŋa ya ka, iye Əbay, i gweɗe a ter aakiŋa:

Mata 25:45

I dəba ŋa ya asa, iye i gweɗe a ter a: «

Markus 9:37

«Ku weke na aka gəs aà mege gər a kəla ndirkiz kamala kəla aaha ya aɗaba iye ya ka, a ge gər taŋa ka, a iye. Ama ka, a iye ɗekɗek tsa. A ge gər ka, a wur ana a slərra iye ya mbaŋa.»

Luka 10:16

Aləka i dəba ŋa ya, Yesuw a gwaɗa a gà ɓəzla mazazama ŋgat ata asa: «Wur ana aka dza zləm a bazlam kurum a ka, a dza zləm taŋa ka, a biy gà. Dite wur ana aka niw bazlam kurum a ka, a niw taŋa ka, biy gà mbaŋa. Ama ka, biy gà ɗekɗek tsa. A niw ka, biy wele ana a slərra iye ya mbaŋa asa.»

Luka 9:48

A gwaɗa a tar: «Ku weke na aka gəs aà mege gər a kəla ndirkiz kamala kəla aaha ya aɗaba iye ya ka, a ge gər taŋa ka, a iye. Dite wur ana aka giŋ gər a ka, a ge gər taŋa ka, a wele ana a slərra iye ya mbaŋa. Aɗaba wur ana aka həna à gər a bəɗ ika magər kurum aaha tserdze ya ka, ŋgat na a ne batsah ŋa i təv Mbulum a.»

Yuhana 13:20

Iye ihər i tsik a kurum a nda ndzer, pàrsa iɗəm tsa: Wele ana aka gəs mala meslire ana i slir a ya ka, a gəs taŋa ka, iye mbaŋa. Dite wele ana aka gəs iye ya ka, a gəs ka, wele ana a slərra iye ya mbaŋa asa.»

Yuhana 20:21

Yesuw a gwaɗa a tar asa: «Mandza zayzay ma ge i təv kurum. I slir a kurum aà mege megemir gà, kamala Tsir gà ana a slərra iye a təv kurum a mbaŋa.»

Yuhana 5:23

A ge dər kataya ka, dite gà mburma tserdze tə̀ zlə̀b à iye kalkal, kamala ana tì zlibe a à Tsir gà ya mbaŋa. Wele ana à zlibe a à iye Kəla ŋgar tsiye ka, taŋa ka, a zlibe a à Tsir gà ana a slərra iye ya ɓav tsa.

2 Kurintiya 5:20

Aɗaba taŋa, mər ka, maa ne gà ɓəzla meslire Kiristi. Ar ka, kamala ana Mbulum nda gər ŋgar a zel a a mburma nda bazlam mər a. Mìi ge a kurum a kamkam, aɗaba Kiristi: Vəlumar vatwa, ma sər ba à kurum nda Mbulum.

GALATIYA 4:14

Dukw məməta gà ata ka, aka vəl a kurum mesewere are. Ama ku mege kataya tekeɗe, kàa fə̀rum aà iye kamala za ya ɓav tsa. Dite kwets kàa dalawum aba iye ya ɓav tsa asa mbaŋa. Seyiŋ tsa ivaɗ, kàa gəsum iye lele, kamala ana iye ka, gawla Mbulum a kaɗəŋ, dite gəsum iye asa ka, kamala ana iye Yesuw Kiristi nda gər ŋgar a.

1 TESALUNIKE 4:8

Aɗaba taŋa, na wura tətstəts aka raraɗaba ahər a zləm, a waya mandza zləm a bazlam ata tsəka, a niw taŋa ka, bazlam mburma tsa. Ama a niw ka, biy Mbulum, wele ana a vəl a kurum Mezite Mesife ŋgar ana tsəɗaŋŋa ya ivaɗ.

2 Yuhana 1:9

Sərum der ka, wur aaha a zazamawa bazlam ana Yesuw Kiristi a dzeŋge a kwa ya tsa, hə̀rə̀ts hə̀rə̀ts à ses aakiŋa. Wele ata ka, wala a gəs Mbulum tsa. Ama wur ana a zezem a dukw ana Yesuw Kiristi a dzeŋge a kwa ya ka, ŋgat a gəs gà Mbulum Tsir kwa, nda Kəla ŋgar fit məma mbaŋa.