Mata 10:4 - Bible Zulgo

⁴ dite gà Simun ana a niw bazlam ŋgumna piŋŋe, a waya makwàrà ba tar i gwala ŋgar a, nda Yudas Iskariyut, wele ana a ta ge a ɗaf aà Yesuw a.

Mata 10:4 ပူးပေါင်းရင်းမြစ်များ

Mata 26:14

I dəba ŋa ya, mìsle ŋgiɗ ilik i liwiŋ gà ɓəzla mazazama Yesuw ana kurwa gəra sula ŋa ata ya, zləm ŋgar Yudas Iskariyut, a da i fataya ka, a da a təv gà bàba gà ɓəzla mandəva kuɗa a Mbulum.

Mata 26:15

A daha, a gwaɗa a tar: «Dukùla na ki vilwimiŋ a ka, dite na i ge a kurum a ɗaf aà Yesuw a?» Tə tsaraka kataya tsara ka, tə ɗamar kur siŋgwe ana miviya ŋa ya dzik makər.

Mata 26:2

«Kinehe ka, kà sərum nda gər kurum, *megirive Paska a zeha ka, mehinne sula pəra na a ndze aɗəm a ya. Dite pat ata ka, ta gis a iye, iye, *wur ana a dara i təv Mbulum a, ta vile a iye a ahər a mburma, dite ti ndwendwey a iye aà dizl magə̀làwà ŋa.»

Mata 26:47

I təv mifefile Yesuw ata ya tsara ka, Yudas ika magər gà ɓəzla mazazama ŋgat aaha kurwa gəra sula ya, aka slalaha a təv ŋgar. Tə daha ka, nda gà mburma hinne. Gà mburma ata tə daha ka, nda gà dukw ahər aà tar, gà màsalamà nda gà matakwazum. Na a sləraha tar ka, gà Əbay gà ɓəzla mandəva kuɗa a Mbulum nda gà bàba gà mburma ana ta kwere a gà Yahuda ya.

Mata 27:3

Aləka i dəba ŋa ya, Yudas, mala mege ɗaf aà Yesuw aaha ndeɗiŋa ya, a fə̀r gà mburma ata ta ge seriye Yesuw ka, biy makə̀ɗà ŋa, tsam ka, a mbəɗ à madzala gà gər ŋgar, a daha, a màra à kur siŋgwe aaha ndeɗiŋa dzik makər tə dzàɗar a, a gà bàba gà ɓəzla mandəva kuɗa a Mbulum a, nda gà bàba gà mburma ana ta kwere a gà Yahuda ya.

Markus 14:10

Aləka i dəba ŋa ya, mìsle ŋgiɗ ilik a da i magər gà ɓəzla mazazama Yesuw a kurwa gəra sula ŋa ata ya, taŋa zləm ŋgar Yudas Iskariyut. A da i fataya, a da a təv gà bàba gà ɓəzla mandəva kuɗa a Mbulum. A daha ka, aɗaba a sasar mege ɗaf aà Yesuw, dite ta kəɗ ŋgat.

Markus 14:43

I təv mifefile Yesuw ata ya tsara ka, Yudas ika magər gà ɓəzla mazazama ŋgat aaha kurwa gəra sula ya, aka slalaha a təv ŋgar. Tə daha nda gà mburma hinne. Gà mburma ata tə daha ya ka, nda gà dukw ahər aà tar, gà màsalamà nda gà matakwazum. Na a sləraha tar ka, gà Əbay gà ɓəzla mandəva kuɗa a Mbulum, nda gà ɓəzla medzeŋge məpala ahəm Mbulum, nda gà bàba gà mburma ana ta kwere a gà Yahuda ya.

Luka 22:3

Aləka i dəba ŋa ya, Əbay sitene a pəts a gəzləŋ a Yudas ana tə zalar Iskariyut i liwiŋ gà ɓəzla mazazama Yesuw a kurwa gəra sula ŋana ya.

Luka 22:47

I təv ana ŋgat a riŋ ihər à fèfil a mba ya ka, gà mburma hinne tə daha. Yudas, wele ana ilik ika magər gà ɓəzla mazazama ŋgat ana kurwa gəra sula ya, na a ndzəkaha tar, a ndza a taraha aka miɗ a. A sìrìkaha a təv Yesuw aà meger wusa nda mendzìwìɗèba ahəm.

Yuhana 13:2

A pat ata i hawa ka, tar riŋ ti zim a akaba a ɗaf nda gà ɓəzla mazazama ŋgat. Taŋa Əbay sitene aka mbər mivile madzala gà gər a gəzləŋ a Yudas, kəla Simun Iskariyut, dite ka, ma ge ɗaf aà Yesuw.

Yuhana 6:64

Ama ka, gà mìsle ŋgiɗ ika magər kurum tàa gəs iye nda gəzləŋ tar tsa.» Aɗaba Yesuw a sər gà mburma ana ta gis a ŋgat tsiye, nda wele ana a ta ge aà ŋget a ɗaf a daga piŋŋe.

Yuhana 6:71

A tsik taŋa ka, aà Yudas ana kəla Simun Iskariyut a. Aɗaba Yudas ka, ku mege ŋgat i liwiŋ gà mburma kurwa gəra sula ŋa aaha tekeɗe ka, a ta ge aà ŋgat a ɗaf.

Gà Ɓəzla Meslire 1:13

Ti ndze a Yeruzalem ka, tə daha, tə tsala a ga ana ika gər biy ŋgiɗ, tə ndzawa iɗəm piŋŋe kəla pat a. Zləm gà mburma ata ka: Piyer, Yuhana, gà Zakup nda Andire, gà Filip nda Tumas, gà Bartelemi nda Mata, dite gà Zakup kəla Alfayus nda Simun ana a niw bazlam ŋgumna piŋŋe, a waya makwàrà ba tar i gwala ŋgar a, dite nda gà Yuda kəla Zakup.

Gà Ɓəzla Meslire 1:25

dite ma ndza a təv mendze Yudas, aà megemir mala meslire yak a. A zle a megemir Yudas ana a miyak dər aba ya, a daba a təv mendze ŋgar ana a waya ya.»