Mata 10:3 - Bible Zulgo

³ I dəba ŋa ya, gà Filip nda Bartelemi, gà Tumas nda Mata mala duwan ata, dite gà Zakup kəla Alfayus nda Tadawas,

Mata 10:3 ပူးပေါင်းရင်းမြစ်များ

Mata 18:17

Na aka gəs ahəm aà kurum ata tsəka, tsik a gà mburma ana i ga Mbulum a tserdze. Na bəla aka gəs aà tar ɓav tsəka, fə̀r ahər kamala wur ana aka gəs bazlam Mbulum ilik tsiye, kige tsa kamala mala dùwan ana a gewa bakal hinne ya.

Mata 27:56

Zləm gà məkəs ata ka, Mariya ana a dara i Magədala ya, nda gà Mariya məmər gà Zakup nda Yasufa, nda gà məmər gà ɓəza Zebede tar riŋ i liwiŋ gà məkəs ata mbaŋa.

Mata 9:9

I dəba ŋa ya, Yesuw a mah ba i fataya. I təv ana tar riŋ ti de a ika vatwa ya ka, a ŋgat a wele duwa a riŋ mandza ŋa i ga duwan, zləm ŋgar Mata. Aɗaba ŋgat ka, mala duwan. Yesuw a daha a təv ŋgar, a gwaɗar: «Dara, zezem iye.» Mata a tsaraka kataya tsara ka, a hitsera i fataya, a zazam ŋgat.

Markus 15:40

Akahər ata ka, gà məkəs duwa tekeɗe, tar riŋ i fata mbaŋa. Ta hitse dzìrìk diriŋ nda təv tar ata zaakwa, aà məfəraha aà tar. Zləm gà məkəs ata ka, gà Mariya ana a dara i Magədala ya, nda gà Mariya məmər gà Zakup kəla ŋana nda Yusas, nda gà Salume tar riŋ i liwiŋ gà məkəs ata mbaŋa.

Markus 2:14

I dəba guma ŋgar ata ya ka, a hitse i fataya, a dza ba aà mede. A təv ana a riŋ a de a ya ka, aka ŋgataha a Levi, kəla Alfayus, a riŋ mandza ŋa i ga dùwan, aɗaba ŋgat ka, mala dùwan. Yesuw a daha a təv ŋgar, a gwaɗar: «Dara, zezem iye.» Levi a tsaraka kataya tsara ka, a hitsera i fataya, a zazam ŋgat, tə da a ma ŋgar.

Markus 3:18

Taŋa gà asiŋ ŋa pam tekeɗe, Andire, Filip, Bartelemi, Mata, Tumas, Zakup kəla Alfayus, Tadawas, Simun ana a niw bazlam ŋgumna piŋŋe, a waya makwàrà ba tar i gwala ŋgar a,

Luka 18:10

«Gà wele duwa sula, tə da a ga Mbulum batsah ŋana aà meheme iɗəm. Mìsle ŋgiɗ ilik ka, gà Farisa. Biy ŋgiɗ aaha ibam, mala dùwan.

Luka 18:11

Tə daha ka, Farisa ata a ndza a təv ŋgar pam, a dza ba aà mahàmà a Mbulum. A gwa:

Luka 18:13

Ama mala dùwan aaha a daha ka, a hitse diriŋ, aka fə̀r a gəza mbulum tsa, luz a tike gər a bəɗ, a tiwe a ba ŋgar, a lakaba a gəzləŋ. A gwaɗa a Mbulum: «

Luka 19:2

wele duwa a riŋ i fata, zləm ŋgar Zakayus. Ŋgat ka, Əbay gà ɓəzla dùwan. Ŋgat mala limana hinne.

Luka 5:27

Aləka i dəba ŋa ya, Yesuw a dara i ga ata ya, a daba. I təv ana a riŋ a de a ya ka, a ŋgat a mala duwan duwa, zləm ŋgar Levi, a riŋ mandza ŋa i ga duwa i təv megemir ŋgar. Yesuw a daha, a gwaɗar: «Dara, zezem iye.»

Yuhana 1:48

Nataniyel a tsaraka taŋa ka, a gwaɗar: «Ge, kà sərara iye dze ana, i ŋga ya?» Yesuw a gwaɗar aaka: «Yàa ŋgatak aà huɗ gùrùv duwa aka na Filip aka zalak, kàa màhum ba zukw tsiye?»

Yuhana 11:16

Tumas, wele ana gà mawusa ya, a gwaɗa a gà asiŋ gà ɓəzla mazazama Yesuw: «Haya, tàkwa, ka matakwa akaba nda gà BATSAH kwa ŋa.»

Yuhana 14:22

Wele ŋgiɗ pam, zləm ŋgar Yudas asa, tsəka, kəla Iskariyut tsa, a gwaɗa a Yesuw: «Batsah mər ŋa, meme na a sàsak ki pèt a mər a à ndzəɗa yak ka, a mər ɗekɗek a? Dite ki pèt a dər a gà mburma ana ti zezem a gər ahəɗ a tsiye?»

Yuhana 14:5

Tumas a gwaɗar: «Batsah mər ŋa, mì sər təv ana ki de aɗəm a ya tsa. Dite meme na mìi sle aà mesire a vatwa ŋa dze ya?»

Yuhana 14:9

Yesuw a gwaɗar aaka: «Yàa ndza hinne na i təv kurum dze ana, kà sər iye tsa hiywe ya, Filip? Na wura aka ŋgetiŋ ka, a ŋgat taŋa ka, a Tsir gà mbaŋa. Aàmala na ki gweɗe a ka, say ɗif a mər à Tsir yak ŋa asa dzekwiŋ a?

Yuhana 21:2

A pat duwa, gà asiŋ gà ɓəzla mazazama ŋgat a riŋ mandza ŋa i təv ilik ŋa. Gà mburma ata ka, gà Simun Piyer nda gà Tumas, wele ana ŋgat mawusa ya, nda gà Nataniyel ana a dara i Kana, ika ahəɗ Galile ya, nda gà ɓəza Zebede, dite nda gà ɓəzla mazazama ŋgat ŋgiɗ sula asa.

Gà Ɓəzla Meslire 1:13

Ti ndze a Yeruzalem ka, tə daha, tə tsala a ga ana ika gər biy ŋgiɗ, tə ndzawa iɗəm piŋŋe kəla pat a. Zləm gà mburma ata ka: Piyer, Yuhana, gà Zakup nda Andire, gà Filip nda Tumas, gà Bartelemi nda Mata, dite gà Zakup kəla Alfayus nda Simun ana a niw bazlam ŋgumna piŋŋe, a waya makwàrà ba tar i gwala ŋgar a, dite nda gà Yuda kəla Zakup.

Gà Ɓəzla Meslire 12:17

A ge a tar à ahər kə̀t kə̀t kə̀t, kamala megweɗe ya ka, kà fàfəlum tsa. Dite a dza ba aà maɗàmà a tar meme na Mbulum BATSAH kwa ŋa na a zlara ŋgat i ga daŋgay a. A gwaɗa a tar i huɗ bazlam ŋgar ata ya: «Ɗifwim dərraha a gà Zakup nda gà asiŋ gà damər kwa ana ika vatwa Mbulum a tserdze.» I dəba ŋa ya, a dara i ga ata i Yeruzalem a, a da ba a təv ŋa.

Gà Ɓəzla Meslire 15:13

I təv ana tə ndəv à mifefile tar ata tsara ya ka, Zakup a zəvar ahəm, a gwaɗa a tar: «Tsarakum dukw ana i tsik a ya, gà damər gà.

Gà Ɓəzla Meslire 21:18

Mì həna i fata. Ndidwe ŋa ka, Pul a da a bəra Zakup, mì dəɗ aaka. Gà bàba ŋa ana ika magər gà mburma Mbulum i fataya, ti yahabaha gər a ma ŋgar tserdze.

GALATIYA 1:19

Yàa ŋgat a mala meslire Kiristi ŋgiɗ asa tsidze. Say i ŋgat ka, a Zakup, damər Yesuw Kiristi BATSAH kwa ŋa.

GALATIYA 2:9

Gà Zakup nda Piyer, nda gà Yuhana ana ta fə̀rawa aà tar kamala gà bàba ŋa ika magər tar a ka, tar tə sər, Mbulum na a viliŋ megemir ata a ahər nda ndzer a. Aɗaba taŋa na ta vəl a mər ahər nda Barnabas ədəts lele, kamala megweɗe ya ka: Mege megemir mər ka, ilik na mi ŋgeyer ba ya. Mər nda gà tar na mì dza akaba bazlam, mì gwa, mìi de a, mìi ta ge a megemir ika magər gà na gà Yahuda tsiye ya. Ama tar ka, tə da a təv gà Yahuda.

YAKUBA 1:1

Iye Zakup, mala megemir gà Mbulum nda Yesuw Kiristi BATSAH kwa ŋa. I geha wusa a gà mburma Mbulum ana tə dzaya aba vatwa ilik ilik ku mege a ŋga aka gər ahəɗ tserdze ya.

Yuda 1:1

Iye Yuda, mala megemir Yesuw Kiristi, dite iye damər Zakup mbaŋa. I wetseha wakita aaha ka, a kurum gà mburma ana Mbulum Tsir kwa a waya ya. A pala kurum kamala gà mburma ŋgar a, dite a riŋ a kesle a kurum nda təv Yesuw Kiristi ya.