Mata 10:23 - Bible Zulgo

²³ Na bəla ti sèwèr a kurum a are i kwite ata ka, gwidìzl tə̀zum a kwite ŋgiɗ pam. Aɗaba taŋa, iye ihər i gweɗe a kurum a nda ndzer: I huɗ mesewere are kurum ata ya ka, ələk iye *wur ana a dara i təv Mbulum a, i mère a ka, kàa lə̀mum aka gà kwite ana ika ahəɗ Isərayel a fit tsa.»

Mata 10:23 ပူးပေါင်းရင်းမြစ်များ

Mata 16:27

Taŋa iye, *wur ana a dara i təv Mbulum a, i mère a ka, nda ndzəɗa Tsir gà ana ti zlibe a dər a ndzer, dite nda gà gawla ŋgar a. Na Yàa dara ka, ku weke a ŋget a dukw mayaba ŋgar kalkal kamala megemir ŋgar ana a ge ya mbaŋa.

Mata 16:28

Iye ihər i gweɗe a kurum a nda ndzer: Gà mìsle ŋgiɗ ɗa ika magər kurum aaha kinehe ya ka, ta mete a zukw tsa, say ta ŋgetiŋ a, a iye, wur ana i dara i təv Mbulum a, i mère a ka, kamala Əbay a dzekwiŋ.»

Mata 2:13

Gà ɓəzla metsiɗike gər a mede gà mawusawus ata, tə da iɗəm a tsara ka, gawla Mbulum ilik a pàt aba a Yasufa i sunwa ya asa, a gwaɗar: «Hitse, val à gà kəla aaha nda mama ŋgar aka ahəɗ Ezipt, tsəka, aɗaba *Hiridus a riŋ a yehe a kəla aaha teftef. A waya medzeye à ŋgat. Kàa daha ka, ka ndza riŋ i fata haa a pat ana Yàa gwaɗak, mbəɗara gər a.»

Mata 23:34

Aɗaba taŋa, araha, i slirehe a gà ɓəzla məma à guma Mbulum nda gà ɓəzla metsehe, dite nda gà ɓəzla medzeŋge məpala ahəm Mbulum a təv kurum tserdze, dite ka, ki ta betswim a gà mìsle ŋgiɗ, gà biy ŋgiɗ ibam, ki ndwendweywim a tar aà dizl magə̀làwà ŋa. Gà mìsle ŋgiɗ asa ka, ki gezlwimere a tar i gà ga mahàmà a Mbulum kurum a. Ki sèwèrwim a ter a are aà kwite aà kwite.

Mata 23:36

Ama ka, iye ihər i tsik a kurum a nda ndzer, pàrsa iɗəm tsa: Gà dukw ata kì gwim tserdze ya ka, bakal ŋa à mère a ka, aka gər gà mburma aaha kinehe ya.»

Mata 24:27

Dukuməŋa a ge a ba ka, kamala mewìtìɗè mbulum ana ndiɗèy à wìtiɗe a aà gəza mbulum a. A dze ahər a ba ka, ara ndaka dwa ya, dite à wìtiɗe a nda gwa asa mbaŋa. Kamala taŋa ya, na iye, *wur ana a dara i təv Mbulum a, i dere a ka, parakkà, i təv are mburma tserdze.

Mata 24:30

A pat ata ka, gà mburma ta ŋgetiŋŋa, a iye, wur ana a dara i təv Mbulum a ka, gà mburma ana ika gər ahəɗ a tserdze, sùwwa ti tiwe akabiŋa, aɗaba ana ta ŋgetiŋehe a, a iye, wur ana a dara i təv Mbulum a, i dere a ka, nda hulɓukw a, nda ndzəɗa Mbulum a hinne, dite nda mezlibe gà ana tì zlibe a à iye ya.

Mata 24:34

Iye ihər i gweɗe a kurum a kinehe, nda ndzer, pàrsa iɗəm tsa: Gà mburma ana kinehe ya ka, ta mete a zukw tsa, say gà dukw ata tàa ndzera dzekwiŋ, dite ta metiŋa.

Mata 24:48

Ama wele ana a ge a megemir ika are mburma ya ɗekɗek a ka, a dzele a i gəzləŋ ŋgar, a gweɗe a:

Mata 25:13

Aɗaba taŋa, Yesuw a gwaɗa a tar kuɗa: «Ama kurum ka, ndzum nda metsehe lele, tsəka, ki sirwim a pat ŋa tsa, kige tsa ler ŋa ka, ki sirwim a tsidze.»

Mata 26:64

Yesuw a gwaɗar aaka: «Kataya, kamala ana kà tsik a. Ama aka miɗ zaakwa ka, ki ŋgetwimiŋ a, a iye, *wur ana a dara i təv Mbulum a, iye mandza ŋa ika tsèke ahər mezime Mbulum ana a za gà dukw tserdze ya. Ki ŋgetwimiŋ a asa ka, aà gəza mbulum tirwenihhe, i dere a nda hulɓukw a.»

Mata 4:12

Akahər ata ka, ta gəs Yuhana, gədzə̀zl ti tike ŋgat a daŋgay. I dəba ŋa ya, Yesuw a tsaraka ta gwa là, tàa gəs Yuhana ka, a hitsera i fataya, a mah ba, a da aka ahəɗ Galile.

Markus 13:26

A pat ata ka, gà mburma ta ŋgetiŋŋa, a iye, wur ana a dara i təv Mbulum a. I dere a ka, nda hulɓukw a, nda ndzəɗa Mbulum a hinne, dite nda mezlibe gà ana ti zlibe a à iye ya.

Luka 18:8

Iye ihər i tsik a kurum ŋa: A ta gis a bazlam tar bise. Ama kəla ka, i təv ana iye, *wur ana a dara i təv Mbulum a, i dere a ya ana, wànà i ti lere a aà gà mburma ya nda gà megìse iye i gəzləŋ tar ika gər ahəɗ a?»

Luka 21:27

I dəba ŋa ya kuɗa ka, gà mburma ta ŋgetiŋŋa, a iye, wur ana a dara i təv Mbulum a. I dere a ka, nda hulɓukw a, nda ndzəɗa Mbulum a hinne, dite nda mezlibe gà ana tì zlibe a à iye ya.

Yuhana 7:1

I dəba ŋa ya, Yesuw a sùwaya riŋ ika ahəɗ Galile tserdze. A sasar mede aka ahəɗ Yuda tsa, aɗaba ana a sàs a gà bàba gà Yahuda aà makə̀ɗà ŋgat a.

Gà Ɓəzla Meslire 17:10

Aləka həvəɗ a ge tsara ka, gà damər tar ana a riŋ ika vatwa Mbulum i fataya, tə slər gà Pul nda Silas a kwite Bariya. Ti ndzeha a fata ka, tə da a ga gà Yahuda ana ta hamawa iɗəm a Mbulum a. Tə daha, ti tsik a tar bazlam Yesuw.

Gà Ɓəzla Meslire 17:14

Ama gà ɓəzla mazazama Yesuw ana i fata ti ne gà damər tar a, tə laka Pul aà gùva duluv tsara. Gà Silas nda Timute ka, ta mətsa riŋ i fata.

Gà Ɓəzla Meslire 20:1

Aləka bazlam ata a mət aaka lele ka, Pul a yaha gər a gà ɓəzla magəsa Mbulum ana i fataya, a daha, a mà a tar aà arəv nda bazlam Mbulum asa. Dite a geye a tar wusa. I dəba ŋa ya, ŋgat ŋa a mah ba, a da aka ahəɗ Makaduniya.

Gà Ɓəzla Meslire 8:1

Sawul tekeɗe, makə̀ɗà ŋgat ata ka, a tsahən ahər. A pat ata tsara ka, tə dza ba aà mesewere are a gà mburma Mbulum ana i Yeruzalem a hinne. Gà ɓəzla magəsa Yesuw nda gəzləŋ tə tə̀z i fataya fit, tə da aka ahəɗ Yuda nda Samariya. Say gà ɓəzla meslire Mbulum ana kurwa gəra sula ya, na ti zeha i fataya.