Mata 10:22 - Bible Zulgo

²² Gà mburma tserdze, ku weke tekeɗe, ti ne a kurum a are, aɗaba ana kurum gà mburma gà ya. Ama wur ana ədəts aka gəs gəzləŋ, aka simeraha haa a pat ana mesife ŋgar à ndìv a ya ka, Mbulum a mbil a dər.

Mata 10:22 ပူးပေါင်းရင်းမြစ်များ

Mata 10:39

Wur ana a zezem a madzala gà gər ŋgar, a gwa ka, i mbil a à mesife gà ya ka, a dzeye a dər seyiŋ ivaɗ. Ama wur ana a dzeye a à mesife ŋgar aɗaba iye ya ka, a ŋget a ivaɗ asa.»

Mata 24:13

Ama wur ana ədəts aka gəs gəzləŋ, aka simeraha haa a pat ana mesife ŋgar à ndìv a ya ka, Mbulum a mbil a dər.

Mata 24:9

I dəba ŋa ya ka, ta gis a kurum, tì dze a kurum a ahər a mburma, tì sèwèr a kurum a are, dite ta bets a kurum. Ku weke tserdze a ne a kurum a are, aɗaba iye.

Mata 5:11

A gwaɗa a tar asa: «Maŋgayaba i təv kurum, na bəla gà mburma tàa ndavaya a kurum, ti ne a kurum a are, ti tsik aà kurum a dukw ana ŋgwal ŋa tsiye, hə̀rə̀ts hə̀rə̀ts nda pàrsa, aɗaba ana kurum gà mburma gà ya ka, mà tsəɓ a kurum tsidze.

Markus 13:13

Gà mburma tserdze, ku weke tekeɗe, ti ne a kurum a are, aɗaba ana kurum gà mburma gà ya. Ama wur ana ədəts aka gəs gəzləŋ, aka simereha haa a pat ana mesife ŋgar à ndìv a ya ka, Mbulum à mbil a dər.»

Luka 21:17

Gà mburma tserdze, ku weke tekeɗe, ti ne a kurum a are, aɗaba ana kurum gà mburma gà ya.

Luka 21:19

Mərum aba lele, kərga taŋa ya na ki ta mbilwim a à ba kurum a.»

Luka 6:22

A kurum ana gà mburma ta gewa a kurum matawak a, tə lə̀mawa a kurum aba ya, tə ndavayawa a kurum, dite ta waya kurum asa tsa, aɗaba ana kə̀ gəsum iye, wur ana a dara i təv Mbulum a ya ka, ŋgayum ba.

Luka 8:15

Dite gà mìsle ŋgiɗ pam asa ka, ti ndzikiɗ ba wur daw ana a dza aka ahəɗ ŋgwal ŋana. Ti tsereke a bazlam Mbulum, ta gis a a gəzləŋ tar lele nda maŋgayaba. Bəla mesewere are aka ndzera ka, hiywe ta misek a dər tsa, ta ge a dukw ana a ge a ŋgulum a Mbulum a.»

Yuhana 17:14

Yàa mà a tar à bazlam yak ana kà tsikiŋara ya. Ama gà mburma ana ti zezem a gər ahəɗ a ka, ti ne a tar are, aɗaba ana tar gà mburma tar tsiye, kamala iye ana mburma tar tsiye mbaŋa.

Yuhana 7:7

Kurum ka, gà mburma ti ne a kurum a are tətsà. Ama iye ka, ti niŋ a are, aɗaba ana i gwaɗawa, megemir tar ana ta ge ye a ka, lele tsiye.

Gà Ɓəzla Meslire 9:16

I ti ɗifer a à dukw ana a ti sèwèr a dər are agəra iye ya.»

RUMA 2:7

Kamala taŋa ya, gà asiŋ gà mburma ana ta gewa dukw ana ŋgwal ŋa ya, nda mayaha mezlibe ana Mbulum à zlibe a à tar, a sàs a tar a tsik aà ter a dukw ana ŋgwal ŋa ya,*fa* ta waya maŋgata mesife ana à ndìv a tsiye mbaŋa. Tar ka, Mbulum a vile a ter a mesife ata à ndìv a tsiye kaɗəŋ.

2 Kurintiya 4:11

I huɗ mandza aà bəra mər ana mìi ndze a ya, mər ka, i ɗa məməta agəra ana mìi zezem a Yesuw a. Ama ba mər aaha ndzəɗa iɗəm tsa, tsèfek tsèfek à mìt a mba ya ka, aka mət zukw tsa. Kamala taŋa ya, mburma ti sir a mesife Yesuw ka, nda təv mər.

GALATIYA 6:9

Aɗaba taŋa, tàkwa aka miɗ aka miɗ nda mege dukw ana ŋgwal ŋa ya, ka ti yàkwa ba tsidze. Aɗaba na kàa yàkwa ba tsəka, aləka a təv məpàslà ahər Mbulum ana a tsik a ka, ki ta ŋgetekewe a dukw ana ŋgwal ŋa ya lele, kamala wele ana a pele a dukw ŋgar i bəɗ a ka, sik sik sik ŋgwal ŋa ya.

IBƏRANIKWA 3:14

Kwa kinehe ka, gà mburma ana kə̀ ŋgatakwa akaba duwa nda gà *Kiristi ya. Ama kə̀la ka, na ki tèkwe a dər aka miɗ aka miɗ, ki ndzekwe a ɓəŋɓəŋ lele nda təv dukw ana kà lah megìsekwa malahalah ŋa ya, tsikw a təv mendìsle.

IBƏRANIKWA 6:11

Ama a sàs a mər ka, ku weke mə̀ mər aba kataya kəla pat, haa a pat mandəvandəv gər ahəɗ, dite kə ŋgatum dukw ana ka dzalum, Mbulum a gwa ka, i ta vile a kurum a ya.

YAKUBA 1:12

Maŋgayaba ika gər wur ana a mir a aba i təv gà dukw ana ti dzik a à ŋgat a tserdze ya. Ama na aka mər aba i təv gà dukw ata ti dzik a à ŋgat a ka, a ŋget a dukw maya ba ŋgar, kamala megweɗe ya, mesife ana Mbulum a gwa i sida ya ka, i ta vile a a gà mburma ana ta waya iye ya.

1 Yuhana 3:13

Gà damər gà, i təv ana gà mburma gər ahəɗ ti ne a kurum a are ya ka, ma ta ge aà kurum kamala dukw mene aà mburma ya tsa.

Sunwa Yuhana 2:10

Taŋa damər mesewere are kurum aaha ki sèwèrwim a kinehe ya, à sìkèh a aka gər kurum a ka, aka à mendze aɗəm. Ama kəla ka, ki gwim magəɗa tsa. Sərum dər ka, Əbay sitene a ta gese a gà mìsle ŋgiɗ ika magər kurum a, a daŋgay bise. A dzik a à kurum, ki ŋgetwim a mesewere are i huɗ mehinne kurwa ya. Bàsumaraha, na ku mege ta bets a kurum tekeɗe ya. Na kàa mərum aba kamala taŋa ya ka, i ti dzèye a kurum a gà dukw mayaba kurum, kamala megweɗe ya ka, mesife ana à ndìv a tsa aà biybiy a.

Sunwa Yuhana 2:17

Na wura a riŋ gər ŋgar aka ge aà metsereke ka, mà dza zləm a dukw ana Mezite Mesife Mbulum a tsik a a gà mayahaba gər gà mburma Mbulum a lele. Gà na tàa mba aà dukw bakal a ka, i ta vile a ter a ɗaf ata makàhà ŋa i mbulum, tə zalar *mana ya.*ff* I ti dzèye a ter a kur ana herrè ŋa ya mbaŋa. Ika kur ata ka, zləm awiya ŋa mewetse ŋa ikəka. Ama zləm ata ka, wura a sər tsa, say wele ana aka ŋgat a.»

Sunwa Yuhana 2:26

Gà na ta mbè a aà dukw bakal, dite ta ge a dukw ana i waya ya, haa a pat mandəvandəv ŋa ya ka, i ta vile a ter a ndzəɗa aka gər gà slàla gà mburma tserdze.

Sunwa Yuhana 2:3

Kurum riŋ ihər ki mirwim a aba a hinne, ku mege kurum riŋ ihər ki sèwèrwim a are aɗaba iye tekeɗe ka, kàa yum ba tsidze.

Sunwa Yuhana 2:7

Na wura a riŋ gər ŋgar aka ge aà metsereke ka, mà dza zləm a dukw ana Mezite Mesife Mbulum a tsik a a gà mayaha ba gər gà mburma Mbulum a lele. Gà na tàa mba aà dukw bakal gər ahəɗ a ka, i ti dzèye a ter a mawà dizl ɗaf ana madzàvà ŋa i gùvàh Mbulum, a vile a mesife a mburma ya, ti zimiŋa.»

Sunwa Yuhana 3:21

Gà na tàa mba aà dukw bakal a ka, i vile a ter a vatwa, tə dara, mìi ti ndze a nda gà iye, ika təv mendze mekwere gà. Ar ka, kamala iye ana i mba aà gà dukw bakal a mbaŋa. Kinehe ka, mər riŋ mandza ŋa i təv ilik ŋa nda Tsir gà ika təv mendze mekwere ŋgar ata mbaŋa.