Mata 10:2 - Bible Zulgo

² Zləm gà ɓəzla meslire ata a zal a tar kurwa gəra sula ya ka, malahalah ŋa Simun ana ti ɗer Piyer a, nda damər ŋgar Andire, dite gà Zakup ibam, nda damər ŋgar Yuhana, gà ɓəza Zebede.

Mata 10:2 ပူးပေါင်းရင်းမြစ်များ

Mata 17:1

I dəba mehinne ndilik a ka, Yesuw a ndzək gà Piyer nda gà Zakup, nda gà Yuhana damər Zakup, tə da a gər kwite zùbəl ŋa duwa, à gər tar.

Mata 20:20

I dəba ŋa ya, məkəs Zebede a da a təv Yesuw, tar nda gà ɓəza ŋgar. A daha ka, a dza gurmits a bəɗ aka miɗ ŋgar, a hamar hinne, a sasar mewize ahər duwa.

Mata 26:37

Aka təv ana a de a ya ka, a ndzək dər gà Piyer nda gà ɓəza Zebede aà ahər. Tə da i təv gà asiŋ gà ɓəzla mazazama ŋgat aaha ya. A təv ana ti ndzeha a fataya ka, Yesuw a dza ba aà medzedzere nda matsəɓatsəɓ hinne.

Mata 4:18

I dəba ŋa ya, Yesuw a da aà gùva duluv Galile. A sùwaya i fata ka, aka le aà gà wele duwa sula nda damər ŋgar. I ŋgiɗ ka, Simun ana ti ɗer Piyer a, tar nda damər ŋgar Andire. Tar riŋ ta pìl a à ndzàràwà tar a yam a duluv ata, aɗaba megemir tar ka, magàsà kilif.

Mata 4:21

A da aka miɗ zaakwa asa ka, aka ŋgataha a gà mìsle ŋgiɗ sula asa, a gà Zakup nda damər ŋgar Yuhana, gà ɓəza Zebede. Tar riŋ i slə̀làh yam i duluv nda gà tsir tar ata tserdze, tì lèmbeɗe a à gà ndzàràwà tar mbaŋa. Yesuw a zal a taraha aɗəm.

Markus 1:29

Aləka i dəba ŋa ya, gà Yesuw nda gà ɓəzla mazazama ŋgat, gà Zakup nda Yuhana, tə dara i ga mahàmà a Mbulum a. Ta mah ba, tə da a bəra gà Simun nda Andire.

Markus 13:3

Aləka i dəba ŋa ya, gà Yesuw tə tsala aka gər dìyes kwite duwa mayaha gər dizl ɗaf uliviye a riŋ hinne i fata. Tə daha a fata ka, Yesuw a ndza a bəɗ. A ŋgetehe a a ga Mbulum batsah ŋa ata ɗazlzlà lele ika miɗ ŋgar. I fata ka, gà Piyer nda gà Zakup, nda gà Yuhana, nda gà Andire, tar riŋ à gər tar nda gà ŋgat. Tə tsam aà ŋgat bazlam a, ta gwaɗar:

Markus 6:30

Aləka i dəba ŋa ya, gà ɓəzla meslire Yesuw aaha ndeɗiŋa a slər tar a, tàa mbəɗaha gər a təv ŋgar. Tə daha ka, tə ɗamar dukw ana ta ge riŋ i fataya, nda bazlam ana ti tsik a mburma ya tserdze.

Luka 11:49

Mbulum ana metsehe ŋgar a riŋ hinne ya, a tsik aba ya daga piŋŋe ya, a gwa:

Luka 22:14

Aləka i təv ana mazəma ɗaf ata a sle ya ka, gà Yesuw tə daha, tə ndzaya a bəɗ nda gà ɓəzla meslire ŋgar tserdze.

Luka 22:8

Yesuw a slər gà Piyer nda Yuhana. A gwaɗa a tar: «Dum, ka ti dwim ɗaf Paska ana ki ti zimekwe a ya.»

Luka 5:10

A dzadzar à gà masla ŋgar gà Zakup nda Yuhana, gà ɓəza Zebede aaha a zal a tar aaba ya mbaŋa. I dəba ŋa ya, Yesuw a gwaɗa a Simun: «Magəɗa ma gik tsa. Daga aà kinehe ya, ki ne a mala mayahara gà mburma i luvuŋ a, kamala kilif aaha kurum riŋ ki geswimere a i yam a, dite ka, gà mburma ata ibam, tə dara a təv dzaydzay ŋa ya.»

Luka 9:10

Aləka i dəba ŋa ya, gà ɓəzla meslire Yesuw aaha ndeɗiŋa a slər tar a, tàa mbəɗaha gər a təv ŋgar. Tə daha ka, tə ɗamar dukw ana ta ge riŋ i fataya fit dze. A sàs a Yesuw na ti de a a kwite ŋa a riŋ tə zalar Betsayida ya, kətsah aà kwite ya zaakwa, à gər tar. A ndzək dər gà ɓəzla mazazama ŋgat ata, tə da akaba tserdze.

Yuhana 12:22

Filip a tsaraka kataya ka, a da, a tsikeha a Andire. Dite tə da a təv Yesuw sula məma. Tə daha, ti tsiker.

Yuhana 13:23

Wele ŋgiɗ ilik ika magər gà ɓəzla mazazama Yesuw ata ya, ŋgat ka, mandərkwasla ŋgar. A riŋ mandza ŋa i təv ŋgar bise.

Yuhana 20:2

A ŋgataraha kataya tsara ka, a val a təv gà Simun Piyer nda mala mazazama Yesuw ŋgiɗ ana Yesuw a waya ŋgat hinne ya, a daha, a gwaɗa a tar: «Tàa zlara məməta BATSAH kwa ŋa i biye ya, dite kwets mì sər təv ana ti tike aɗəm a tsa.»

Yuhana 21:2

A pat duwa, gà asiŋ gà ɓəzla mazazama ŋgat a riŋ mandza ŋa i təv ilik ŋa. Gà mburma ata ka, gà Simun Piyer nda gà Tumas, wele ana ŋgat mawusa ya, nda gà Nataniyel ana a dara i Kana, ika ahəɗ Galile ya, nda gà ɓəza Zebede, dite nda gà ɓəzla mazazama ŋgat ŋgiɗ sula asa.

Yuhana 21:20

Piyer a mbəɗ aba ka, aka ŋgat a mala mazazama Yesuw ŋgiɗ ana mandərkwasla ŋgar, a riŋ a zezem a tar a. Wele ŋa ka, wele ana a sìrìk a təv Yesuw akahər ana ti zim a ɗaf Paska, a gwaɗar ka: «Batsah mər ŋa, weke na a ta ge aà kər a ɗaf ndzer a» ya.

Yuhana 21:24

Tsaatsa mala mazazama Yesuw ata ti tsik ahər kataya ya ka, ŋgat na a ɗif à dukw ana Yesuw a ge tserdze, dite a wetse a wakita aaha ya. Ama kà sərakwa, dukw ana a tsik a ka, ndzer kaɗəŋ.

Yuhana 6:67

I dəba ŋa ya, Yesuw a tsam aà gà ɓəzla mazazama ŋgat ana kurwa gəra sula a pala tar a, a gwaɗa a tar: «Kurum dze ana, wànà a sàs a kurum mede mbaŋa ya?»

Yuhana 6:70

Yesuw a gwaɗa a tar aaka: «Wànà iye tsiye na a pala kurum kurwa gəra sula ya? Ama mìsle ŋgiɗ ilik ika magər kurum a ka, sitene.»

Yuhana 6:71

A tsik taŋa ka, aà Yudas ana kəla Simun Iskariyut a. Aɗaba Yudas ka, ku mege ŋgat i liwiŋ gà mburma kurwa gəra sula ŋa aaha tekeɗe ka, a ta ge aà ŋgat a ɗaf.

Yuhana 6:8

Mìsle ŋgiɗ ilik ika magər gà ɓəzla mazazama Yesuw ata ya, zləm ŋgar Andire, damər Simun Piyer, a gwaɗar:

Gà Ɓəzla Meslire 1:13

Ti ndze a Yeruzalem ka, tə daha, tə tsala a ga ana ika gər biy ŋgiɗ, tə ndzawa iɗəm piŋŋe kəla pat a. Zləm gà mburma ata ka: Piyer, Yuhana, gà Zakup nda Andire, gà Filip nda Tumas, gà Bartelemi nda Mata, dite gà Zakup kəla Alfayus nda Simun ana a niw bazlam ŋgumna piŋŋe, a waya makwàrà ba tar i gwala ŋgar a, dite nda gà Yuda kəla Zakup.

Gà Ɓəzla Meslire 1:26

Tə dza gà wele ata sula ya, a tsetse. Ta ge tsetse ŋa ka, a ɗe a tar à Matiyas. I dəba ŋa ya, gà ɓəzla meslire Mbulum kurwa gəra ilik ŋa aaha, tə zla ŋgat a liwiŋ tar kuɗa.

Gà Ɓəzla Meslire 12:2

A kəɗ Zakup, damər Yuhana. A sàs ikəka gər nda màsalamà ya.

Gà Ɓəzla Meslire 3:1

A pat duwa ndaàwa ka, gà Piyer nda Yuhana tə da a ga Mbulum batsah ŋa ata, aà meheme ana ta hamawa iɗəm pat meyèhè kwizir ide ya.

1 Kurintiya 15:7

I dəba ŋa ya asa ka, a pat aba a Zakup, dite a gà asiŋ gà ɓəzla meslire Mbulum tserdze kuɗa.

EFESIYA 4:11

Ŋgat na a dzaya ba ndzəɗa aà megeye gà megemir pampam a mburma ya. A ne à gà asiŋ gà mburma ŋgiɗ kamala gà ɓəzla meslire ŋgar a, gà asiŋ ŋa gà ɓəzla məma à guma ŋgar. Gà asiŋ ŋa ibam, gà ɓəzla metsìkè bazlam ŋgar a gà na tàa gəs ŋgat nda gəzləŋ zukw tsiye. Dite a ndzək gà mìsle ŋgiɗ pam asa, a ne à tar gà ɓəzla magəsa aba gər a gà mburma Mbulum, dite nda gà na ti dzeŋge a bazlam ŋgar a mburma ya.

IBƏRANIKWA 3:1

A kurum gà damər gà, Mbulum na a zal a kurum a, dite ka, kà nwim gà mburma ŋgar mbaŋa ya. Aɗaba taŋa, dzalum gà gər a təv Yesuw ana Mbulum a slərra ŋgat a, dite ka, ma ne batsah mala mandəva kuɗa ŋgar, a sir a ba à kwa nda gà ŋgat. Taŋa na dukw ana kə̀ gə̀sakwa nda gəzləŋ, ki tsikikwe a a mburma parakkà lele ya.

1 PIYER 1:1

Iye Piyer, mala meslire Yesuw Kiristi. I wetseha wakita aaha ka, a kurum gà mburma ana Mbulum a pala kurum kamala gà mburma ŋgar a. Tə dalawa kurum, kà dzàyum aba vatwa sweyèh sweyèh aka gà ahəɗ Pwantus, nda Galatiya, nda gà Kapadukiya, dite nda gà Asiya, nda gà Bitiniya, ilik ilik tserdze. Kurum gà mandzàyà ŋa a riŋ i gà fata ka, kamala gà slele ya.

2 Piyer 1:1

Na a wetse a kurumaha wakita aaha ka, iye Simun Piyer ana iye mala megemir Yesuw Kiristi ana i gewar meslire ya. I wetseha wakita aaha ka, a kurum ana kà gəsum Yesuw Kiristi nda gəzləŋ kurum tserdze, kalkal kamala mər ana mì gəs ŋgat mbaŋa ya ya. Vatwa megìse ata ka, dukw ŋgwal ŋa. Yesuw Kiristi a vəl a kwa vatwa ata ka, dite ku weke mà gəs ŋgat. Aɗaba ŋgat ka, mala ndzer ŋa, a wele a ikaba mburma ya tsa. Ŋgat ka, Mbulum, a mbəl à kwa i bakal kwa ya.

2 Yuhana 1:1

Iye batsah mburma ana ika magər gà mburma Mbulum a, i wetseha wakita aaha ka, a kər mayahaba gər gà mburma Mbulum ana kà ne mama gà ɓəza, Mbulum a zla kər a, dite a gà ɓəza yak ana ti yahawuba gər a təv yak, i waya tar ndzer a mbaŋa. Iye ɗekɗek tsa na i waya kurum a. Gà mburma ana tə sər bazlam ndzer ŋa ana i təv Mbulum a tekeɗe ka, ta waya kurum mbaŋa asa.

3 Yuhana 1:1

Iye batsah mburma ana ika magər gà mburma Mbulum a, i wetseha wakita aaha ka, a kər Gayus, masla gà ana i waya kər nda ndzer a ŋa ya.

Sunwa Yuhana 1:1

Wakita aaha a fàfəl ka, aka gər dukw ana Yesuw Kiristi a ɗif dər a gà na ta ge a megemir a Mbulum a. Aɗaba Mbulum na a gwaɗar, ɗif a tar dər a, dite ka, tə sər aà dukw ana a ta ge a ba bise ya. Aɗaba taŋa na Yesuw Kiristi a slərra gawla ŋgar a təv Yuhana ana mala meslire ŋgar a, dite na a ɗifer à gà dukw ata ya.

Sunwa Yuhana 1:9

Iye Yuhana, damər kurum na a wetse a kurumaha wakita aaha ya. Iye nda gà kurum ka, kwa mandza ŋa i təv ilik ŋa nda gà Yesuw Kiristi. Aɗaba taŋa, iye kinehe ka, i sèwèr a are kamala kurum a mbaŋa. Iye riŋ ihər i bès a gəzləŋ mesewere are ata nda gà kurum, na dite ki ndzekwe a i *mekwere Mbulum ana a kwere a ya, nda gà kurum tserdze asa mbaŋa ya. Iye ka, ta gəs iye, tə da à iye aka ahəɗ ana malàwàrà ŋa nda yam, tə zalar Patmus a. Megìse ana ta gəs iye ya ka, agəra ana i tsikewa bazlam Mbulum parakkà, i gwaɗawa ka: «Yesuw na a ɗif a kwa à vatwa ndzer ŋana ya.»

Sunwa Yuhana 18:20

Kurum gà mburma ana i gər ŋa i mbulum a, ŋgayum ba agəra kwite aaha a mbazla ya. A kurum gà ɓəzla meslire Mbulum, nda gà ɓəzla məma à guma ŋgar, dite nda gà asiŋ gà mburma ŋgar tserdze, ŋgayum ba, aɗaba Mbulum aka ge a tar seriye agəra dukw ana ta gewa a kurum a.

Sunwa Yuhana 22:8

Iye Yuhana na i tsaraka gà dukw ata tserdze ya, nda zləm gà, dite i ŋgatar nda are gà asa mbaŋa ya. Aləka i tsaraka, i ŋgat a gà dukw ata tserdze ya ka, i dza gurmits a bəɗ aka miɗ gawla Mbulum ata a ɗifiŋ dər a, i waya mazàmbàɗà à ŋgat.