Mata 10:1 - Bible Zulgo

¹ I dəba ŋa ya ka, Yesuw a zal a gà ɓəzla mazazama ŋgat kurwa gəra sula, tə daha a təv ŋgar. Tə daha ka, a vəl a tar ndzəɗa aà madalawa gà sitene aà mburma ya, nda məmbàlà à gà ɓəzla dukw məməta, nda gà ɓəzla magàha a bəɗ fit dze.

Mata 10:1 ပူးပေါင်းရင်းမြစ်များ

Mata 19:28

Yesuw a gwaɗa a tar: «Iye ihər i tsik a kurum a nda ndzer, iye, *wur ana a dara i təv Mbulum a ka, a pat ana Yàa ŋgat Əbay nda ndzəɗa gà ana ti zlibe a dər à iye, i kwere a dər gər ahəɗ ana awiya ŋa ya ka, kurum ana kà zazamum iye ya tekeɗe, ki ŋgetwim a Əbay mbaŋa, na kurum aaha kurwa gəra sula ya. Ki ta ŋgetwim a təv mendze Əbay. Dite ki gwim a seriye a gà gwala gà Isərayel ana kurwa gəra sula ya mbaŋa.»

Mata 26:20

Aləka i dəba ŋa ya, hawa a ge ka, gà Yesuw nda gà ɓəzla mazazama ŋgat aaha kurwa gəra sula ya, tə daha, tə ndza a bəɗ, tə dza ba aà mazəma ɗaf megirive ata kuɗa.

Mata 26:47

I təv mifefile Yesuw ata ya tsara ka, Yudas ika magər gà ɓəzla mazazama ŋgat aaha kurwa gəra sula ya, aka slalaha a təv ŋgar. Tə daha ka, nda gà mburma hinne. Gà mburma ata tə daha ka, nda gà dukw ahər aà tar, gà màsalamà nda gà matakwazum. Na a sləraha tar ka, gà Əbay gà ɓəzla mandəva kuɗa a Mbulum nda gà bàba gà mburma ana ta kwere a gà Yahuda ya.

Mata 4:23

Aləka i dəba ŋa ya, Yesuw a suwaya ika ahəɗ Galile tserdze. A tsikewa guma ŋgar a mburma i gà ga mahàmà a Mbulum. A tsikewa a tar bazlam ŋgwal ŋa ana biy mekwere Əbay Mbulum a asa mbaŋa. A mbala à gà ɓəzla dukw məməta, nda gà mburma ana gà magàha a bəɗ ŋa ya fit dze.

Mata 6:13

Kasla mər lele ika vatwa yak a, aɗaba Əbay sitene ma dzik a mər, ma ta bana mər a bakal tsa.> {Aɗaba kər ka, Əbay, mala ndzəɗa ana a kwere a gà duwa, mburma tì zlibe à kər a tserdze aà biybiy a. *Amin.»}

Mata 9:35

I dəba ŋa ya, Yesuw a sùwaya i gà kə̀sà gà bàba ŋana nda gà ɓəza gà kwite fit dze. A ɗif à metsehe a gà Yahuda ana mayahaba gər ŋa i gà ga mahàmà a Mbulum tar a. A tsik a tar bazlam ŋgwal ŋa ana biy mekwere Əbay Mbulum a. A mbala à gà ɓəzla dukw məməta, nda gà mburma ana gà magàha a bəɗ ŋa ya fit dze.

Mata 9:38

Aɗaba taŋa, hamum a mala gùvàh, dite mà sə̀kàhara à gà ɓəzla meslire ŋgar a, aà mandzàkà ŋa a ma.»

Luka 10:19

Kinehe ka, Yàa vəl a kurum ndzəɗa aà məɓàlà aka gà mesiwiɗ, nda gà hìrde, dite Yàa vəl a kurum ndzəɗa aà makwàrà mala mene are kurum tserdze mbaŋa, duwa a riŋ a ge a kurum a duwa tsidze.

Luka 21:15

Aɗaba iye ŋana i ti ɗif a kurum a à bazlam, nda metsehe ana ki ta bwim a dər aà gà ɓəzla gùvəl kurum a, dite ka, ti sle aà meŋgete a vatwa aà metsìkè kurum bazlam ŋgiɗ asa tsiye.

Luka 24:49

Ama ka, i slir a kurumara a dukw ana Tsir gà a tsik i sida ya, a gwa, i ta vile a kurum a ya. Kinehe ka, ndzum ɗa i faha, haa a təv ana kàa ŋgatum ndzəɗa ana a dere a i gər ŋa i təv Mbulum a.»

Luka 6:13

Aləka mbulum a də̀v tsara ka, a zal a gà ɓəzla mazazama ŋgat, a pala i magər tar a kurwa gəra sula. Dite a ɗe a tar gà ɓəzla meslire ŋgar.

Yuhana 17:2

Kər kàa viliŋ ndzəɗa aka gər gà mburma tserdze, aɗaba taŋa na i sle a aà məvəla mesife ana à ndìv a tsa aà biybiy a, a gà na kà dziŋ tar a ahər a ya.

Yuhana 3:27

Yuhana a gwaɗa a tar aaka: «Wura a sle aà meŋgete a duwa tsa, na Mbulum aka vəlar tsiye.

Yuhana 3:35

Ŋgat ka, Tsir Kəla, a waya Kəla ŋgar, a dzar gà dukw a ahər tserdze, dite ma kwara.

Yuhana 6:70

Yesuw a gwaɗa a tar aaka: «Wànà iye tsiye na a pala kurum kurwa gəra sula ya? Ama mìsle ŋgiɗ ilik ika magər kurum a ka, sitene.»

Gà Ɓəzla Meslire 1:8

Ama ki ta ŋgetwim a ndzəɗa ka, i təv ana Mezite Mesife Mbulum a dere a a təv kurum a. Ki ti nwim a gà ɓəzla məma à bazlam gà i Yeruzalem, ika ahəɗ Yuda nda Samariya, dite ku mege i ŋga ika gər ahəɗ tserdze ya.»

Gà Ɓəzla Meslire 19:15

Aləka i dəba ŋa ya, mala sitene ata i ba ŋgar a, a gwaɗa a tar: «Iye ka, i sər Yesuw, Pul tekeɗe ibam, i sər ŋgat lele dze ana, kurum dze ana, gà weke asa ya?»

Sunwa Yuhana 12:1

I dəba ŋa ya ka, i ŋgataha a duwa batsah ŋa, a pàt aba aà gəza mbulum. A ge aà iye kamala dukw mene aà mburma ya. Dukw ana i ŋgatar a ka, məkəs duwa a tike akaba pat kamala petek a. Dite kiye ka, aà huɗ sik ŋgar. A ndìwìɗ gər ŋgar ka, nda gà mawusawus kurwa gəra sula. A ne aaka kamala felère Əbay a.