Mata 1:20 - Bible Zulgo

²⁰ I təv ana a riŋ a dzele a gà gər kataya, aka miyak dər zukw tsiye ka, gawla Mbulum ilik a patar aba i sunwa ya, a gwaɗar: «Yasufa gwala Dawda, ka ta ge magəɗa aà mazla Mariya kamala daala yak a tsa, aɗaba a ŋgat kəla ka, nda ndzəɗa Mezite Mesife Mbulum, tsəka, ahəm mburma tsa.

Mata 1:20 ပူးပေါင်းရင်းမြစ်များ

Mata 1:18

Taŋa, meme na ta wa Yesuw Kiristi ya. Məmər ŋgar ka, zləm ŋa Mariya, makasl Yasufa. Ama aka na tàa zlaba zukw tsiye ka, tə samata ka, hitwis aka ɗera aka Mariya ya, ndzəɗa Mezite Mesife Mbulum aka vəlar aɗəm kəla.

Mata 2:12

Aləka i dəba ŋa ya asa, Mbulum a gwaɗa a gà mburma ata i sunwa ya: «Kà mbəɗum gər nda təv Əbay Hirirus asa tsa.» Tə tsaraka kataya ka, ta mah ba, ta mbəɗ gər a ma nda tsèke ŋgiɗ.

Mata 2:13

Gà ɓəzla metsiɗike gər a mede gà mawusawus ata, tə da iɗəm a tsara ka, gawla Mbulum ilik a pàt aba a Yasufa i sunwa ya asa, a gwaɗar: «Hitse, val à gà kəla aaha nda mama ŋgar aka ahəɗ Ezipt, tsəka, aɗaba *Hiridus a riŋ a yehe a kəla aaha teftef. A waya medzeye à ŋgat. Kàa daha ka, ka ndza riŋ i fata haa a pat ana Yàa gwaɗak, mbəɗara gər a.»

Mata 2:19

Aləka Əbay *Hiridus a mət ka, gawla Mbulum a pàt aba a Yasufa i sunwa ya, ika ahəɗ Ezipt asa.

Mata 2:22

Ama i dəba ŋa ya asa, Yasufa a tsaraka ka, Arkilawus kəla Əbay Hiridus aaha ndeɗiŋa ya, aka mà à Əbay tsir ŋgar a bəra ika ahəɗ Yuda asa ka, magəɗa a ger aà mede a fata. Ama sunwa a da aaka asa, Mbulum a ɗifer à dukw ana a ge a ya. Tsam ka, a da à tar aka ahəɗ Galile.

Mata 27:19

Aləka i təv ana Pilatus ŋgat a riŋ i ga mege seriye ata mba ya ka, məkəs ŋgar a sləraha mburma a təv ŋgar, aà magwaɗar ka: «Ma ta ge duwa a wele ata, ŋgat ŋgwal mburma ka, ta ŋgawar gər sàmma ya tsidze. Aɗaba wele ŋa ka, aka dzadzar à iye i suna ya ndaàvəɗ ka, hinne.»

Mata 28:5

Ama gawla Mbulum ata a gwaɗa a gà məkəs aaha ndeɗiŋa, tə daha aka dive ya: «Ki gwim magəɗa, arəv ma da aà kurum a tsa. Aɗaba i sər, ki yehwim a ka, Yesuw aaha tə ndwandway ŋgat aà dizl magə̀làwà ŋa ya.

Luka 1:19

Gawla Mbulum ata a gwaɗar aaka: «Iye ka, Gabriyel, iye ika miɗ Mbulum, i ger a megemir ŋgar. A slərra iye ya ka, aà məfàfə̀lak, dite aà meɗifek à bazlam aaha ŋgwal ŋa ya.

Luka 2:4

Yasufa ibam akahər ata ka, ŋgat riŋ mandza ŋa i kwite Nazaret ika ahəɗ Galile. A tsaraka kataya ka, ta hitsera i fataya, ta mah ba, tə da a Betelehem aka ahəɗ Yuda nda makasl ŋgar Mariya ana huɗ a ɗe aakara aà gama ya. Tə daha, ta wetse ba tar i fata. Tə da a fata ka, aɗaba ta wa batsah tsir ŋgar Əbay Dawda piŋŋe ka, i fata.

Gà Ɓəzla Meslire 5:19

Aləka ndaàvəɗ ka, gawla Mbulum ilik a daha, a handakaya i gà biye hərmaga ya fit, a pə̀lara iɗəm à gà ɓəzla meslire Mbulum ata ya. A gwaɗa a tar:

Sunwa Yuhana 19:7

Ŋgayakwa ba ndzəɗakkà, dite kà zlə̀bakwa à ŋgat, aɗaba pat məpàslà ahər wele ata a ndzikiɗ ba Kəla Təmaŋ a, aka sle. A zle a daala kuɗa. Makasl ŋgar ata ka, aka lə̀mbaɗa ba a bəɗ lele, a riŋ ihər a veve a ŋgat.