Mata 1:16 - Bible Zulgo

¹⁶ Zakup ibam, a wa Yasufa kuɗa. Ŋgat ka, zal Mariya, məmər Yesuw ana tə zalar *Kiristi ya.

Mata 1:16 ပူးပေါင်းရင်းမြစ်များ

Mata 1:15

Aliyuda a wa Eliyazar. Eliyazar a wa Matan. Matan ibam, a wa Zakup.

Mata 16:16

Simun Piyer a gwaɗar aaka: «Kər ka, Kiristi, mala məmbə̀là à mburma ana Mbulum a gwa, i slir a kurumaha a ya, Kəla Mbulum ana a riŋ nda gà mesife aà biybiy a.»

Mata 16:20

I dəba ŋa ya, Yesuw a gwaɗa a gà ɓəzla mazazama ŋgat: «Kurum kàa sərum, iye ka, Kiristi, mala məmbə̀là à mburma ana Mbulum a gwa, i slir a kurumaha a ya. Ama ka, ka ti tsikwim a wura ilik tsidze kəla.»

Mata 2:13

Gà ɓəzla metsiɗike gər a mede gà mawusawus ata, tə da iɗəm a tsara ka, gawla Mbulum ilik a pàt aba a Yasufa i sunwa ya asa, a gwaɗar: «Hitse, val à gà kəla aaha nda mama ŋgar aka ahəɗ Ezipt, tsəka, aɗaba *Hiridus a riŋ a yehe a kəla aaha teftef. A waya medzeye à ŋgat. Kàa daha ka, ka ndza riŋ i fata haa a pat ana Yàa gwaɗak, mbəɗara gər a.»

Mata 27:17

Aləka megirive ata a ndzera ka, Pilatus a gwaɗa a gà mburma ana mayahaba gər ŋa i fataya: «A sàs a kurum i pəl a kurum dərraha ana, aà weke? Wànà aà Yesuw Barabas aaha ya? Tsəna, aà Yesuw aaha tə zalar *Kiristi ya ya?»

Mata 27:22

Dite a gwaɗa a gà mburma ata asa: «A sàs a kurum i ge dze ana, meme na à Yesuw aaha tə zalawar Kiristi ya?» Gà mburma ata ta gwaɗar aakaha nda magala gər melik tsara: «Ndwandway ŋgat aà dizl magə̀làwà ŋa.»

Markus 6:3

Aɗaba piŋŋe ka, a papazawa ka, dizl. Ŋgat ibam, kəla Mariya ya. Gà damər ŋgar tekeɗe ka, gà Zakup nda Yasufa, nda gà Yudas, nda gà Simun. Gà damər ŋgar gà dəm ŋana tekeɗe, tar ɗa mandza ŋa ika magər kwa i faha ya.» Aɗaba taŋa na gà mburma ata ta gəs ahəm aà Yesuw tsiye.

Luka 1:27

A slər gawla ŋgar ata ka, a təv dəm duwa a riŋ, zləm ŋgar Mariya. Makasl dəm ata ibam, zləm ŋa Yasufa. Wele ata ka, gà gwala Dawda, batsah Əbay ana piŋŋe a riŋ ika ahəɗ ata ya.

Luka 2:48

Gà tsir ŋgar nda mama ŋgar ta ŋgatar ka, a ge aà tar kamala dukw mene aà mburma ya mbaŋa. Mama ŋgar a gwaɗar: «Aàla na kà ya ba à mər kataya ya, kəla gà? Mər nda tsir yak ka, maa ya ba aà mayaha kər ka, hinne.»

Luka 2:7

Kəla ata a wa ya ka, asləka ŋa, malkwara ŋgar tsara. A wa ka, i ga hwalwa hwalwa i dìdwìn. A paɗa ahər petek, a tike dər a dukw duwa batsah ŋa kamala gùlam a. Dukw ata ka, tə dzawa aɗəm kwizir. A tike dər a fata ka, aɗaba ta ŋgat təv mehinne i ga ŋgiɗ tsa. Gà mìsle ŋgiɗ ta hənawa iɗəm.

Luka 3:23

Aləka i dəba ŋa ya, Yesuw a dza ba aà megemir ŋgar ka, aka sle mive dzik makər. Kamala ana gà mburma tə dzala ya ka, ŋgat ka, kəla Yasufa. Yasufa ibam, kəla Heli,

Luka 4:22

Ama gà mburma ata tserdze ya, ta màraha aba, tə dzala i gər tar, ta gwa: «Bazlam ata a tsik a ya ka, a da a kwa a gər.» Ta fə̀r ahər ka, ta gwa: «A ŋgatara metsehe aaha dze ana, i ŋga ya kataya ya? Aɗaba ŋgat ka, kəla Yasufa ya?»

Yuhana 4:25

Məkəs ata a gwaɗar: «I sər ka, *Masihu a deriŋa, wele ana tə zalar *Kiristi, mala məmbàlà à mburma ana Mbulum a gwa, i ti slir a kurumehe a ya. Aka dara ka, a ti ɗif a mər a à duwa tserdze.»