Mata 1:1 - Bible Zulgo

¹ 23 Yesuw Kiristi ka, a dara i gwala Dawda a. Batsah tsir tar ibam, Abəraham. Araha na bazlam mawùba tar a:

Mata 1:1 ပူးပေါင်းရင်းမြစ်များ

Mata 1:18

Taŋa, meme na ta wa Yesuw Kiristi ya. Məmər ŋgar ka, zləm ŋa Mariya, makasl Yasufa. Ama aka na tàa zlaba zukw tsiye ka, tə samata ka, hitwis aka ɗera aka Mariya ya, ndzəɗa Mezite Mesife Mbulum aka vəlar aɗəm kəla.

Mata 1:2

Abəraham a lah mewe Izak. Izak ibam, a wa Zakup. Zakup tekeɗe, a wa gà Yuda nda gà asiŋ gà damər ŋgar ŋgiɗ tserdze.

Mata 15:22

I fata ka, məkəs gà Kananiya duwa a riŋ a ndzawa ika ahəɗ ata. Ŋgat ka, dəm gà Yahuda tsa. I təv ana Yesuw a ndzeha a fataya ka, a dza ba aà madaha a təv ŋgar. A zezem a ŋgat. A hemer a dərraha aà vatwa ya hinne. A gwaɗaraha: «Əbay Yesuw, gwala Dawda, kamkam, i ndzek are tsehe ti tsiye. I hamak ka, aɗaba dəm gà duwa a riŋ i ma, sitene a gasawa ŋgat, a sèwèrewer are hinne.»

Mata 3:16

I təv ana Yesuw a riŋ a tsiler a i yam a ka, kuvəl mbulum a hə̀ndə̀k ba tùwaŋ. A ŋgataha a Mezite Mesife Mbulum a riŋ a terre a iɗəm i fataya, zərawwa kamala maadagwar ana a ndze a a bəɗ a, aka gər ŋgar.

Mata 9:27

Aləka i təv ana Yesuw a mah ba, a de a i fataya ka, gà ɓəzla guluf duwa sula tə zazam ŋgat nda gà Mewideye, nda magala hinne. Ta gwaɗar: «Yesuw gwala Dawda, mì ndzek are tsehe ti tsiye? Zlak mər te.»

Luka 1:33

Ŋgat na a ta ge a Əbay gà Isərayel aà biybiy a. Əbay ŋgar ata ka, à ndìv a tsa aà biybiy.»

Yuhana 7:42

Aɗaba wakita Mbulum a gwa ka, Kiristi a dere a ka, i gwala Dawda a i kwite Betelehem ana Dawda a ndzawa iɗəm akahər ata ya ana, meme?»*fc*

Gà Ɓəzla Meslire 2:30

Ama ŋgat akahər ata ka, mala məma à guma Mbulum, dite a sər ka, Mbulum aka tsikiŋ lele i sida ya ka, i ta vile a batsah Əbay gà a mìsle ŋgiɗ ilik ika magər gà ɓəza yak.

RUMA 1:3

Bazlam ŋgwal ŋa ata ka, aka gər Yesuw Kiristi, Kəla ŋgar ana ŋgat BATSAH kwa ŋa ya. Kà sərakwa, ta wa ŋgat ka, i gwala Dawda ana ŋgat Əbay akahər ata ya.

RUMA 4:13

Kamala taŋa ya, Mbulum a tsik i sida ya, akahər ata ka, a gwaɗa a gà Abəraham nda gà ɓəza ŋgar: «I ta vile a kurum a mekwere gər ahəɗ tserdze, a ne a biy kurum.»*fc* Mbulum a tsik taŋa ka, aɗaba ana Abəraham aka zazam məpala ahəm ŋgar ata ya tsa. Ama a tsiker kataya ka, agəra ana a gəs ŋgat nda gəzləŋ a, na dite a ne à ŋgat ŋgwal ŋa ika miɗ ŋgar a.

RUMA 9:5

Tar ka, i gwala gà bàba gà ɓəza Abəraham batsah tsir tar ana akahər ata ya. Yesuw Kiristi ibam, a ɗe aba kamala mburma ya ka, i gwala tar a mbaŋa. Ŋgat na Mbulum a. A ndze a ika gər gà dukw tserdze. Zàmbaɗakwa à ŋgat aà biybiy. *Amin.

GALATIYA 3:16

Yawwa, i təv Mbulum tekeɗe, kamala taŋa ya mbaŋa. Akahər ata piŋŋe ka, Mbulum a tsik dukw ata i sida ya, a gà Abəraham, a gwa, i ta vile a teriŋa. Ama kəla ka, wakita Mbulum a gwa, a ta vile a a gà Abəraham ka, kamala tar ata hinne ya ka, aka tsik ɓav tsa. Ti tsik bazlam ata nda ndzer ka, aka gər mburma ilik ika magər gà ɓəza ŋgar a pəra. Kamala megweɗe ya: Aka gər *Kiristi.

1 TIMUTE 2:5

Guma ata ka, biy mburma dze. Aɗaba Mbulum ka, ilik, dite wele ana a sər ba à gà mburma nda ŋgat a ka, ilik mbaŋa. Taŋa Yesuw Kiristi ana a ne mburma ya.

2 TIMUTE 2:8

Madzala gà gər yak ma da ka, a təv Yesuw Kiristi kəla pat. Aɗaba ŋgat a dara ka, i gwala Dawda a. Mbulum na a mbəlara à ŋgat i məməta ya, kamala ŋgwal bazlam ata i tsik, i ɗifewa dər a mburma ya mbaŋa.

Sunwa Yuhana 22:16

«Iye Yesuw na i slər a kurumara gawla Mbulum gà ya, na dite a ɗif a kurum à dukw ata, a kurum gà mburma Mbulum ana mayahaba gər ŋa i təv ilik ŋa, ku mege i ŋga tserdze ya. Iye ka, wele ana kà vavawum ɗa ŋgat daga piŋŋe ya. I dara ka, i gwala Dawda a. Dite iye asa ka, *mawusawus madə̀và mbulum ana a də̀v parakkà lele ya.»