Markus 10:1 - Bible Zulgo

¹ I dəba ŋa ya, Yesuw a hitse i Kafarnahum a, a da aka ahəɗ Yuda. Aləka a hitse ika ahəɗ ata ya asa, a da aka lìdè dulwa Yurdan. A ndzeha a fata ka, gà mburma ana i fataya, ti yaha ba gər a təv ŋgar hinne asa. Dite a tsik a tar guma ŋgar, kamala ana a tsikewa kəla pat a.

Markus 10:1 ပူးပေါင်းရင်းမြစ်များ

Mata 26:55

I dəba ŋa ya, Yesuw a gwaɗa a gà mburma ata ta gəs ŋgat a: «Kà dumara naha kataya nda gà màsalamà, nda gà matakwazum ana, aà megìse iye ya? Wànà kamala ana, iye ka, mala akəl a ya? Kəla pat iye riŋ i təv kurum, i tsikewa a kurum guma i ga Mbulum batsah ŋana ka, wàlaa kàa gəsum iye tsa.

Mata 4:23

Aləka i dəba ŋa ya, Yesuw a suwaya ika ahəɗ Galile tserdze. A tsikewa guma ŋgar a mburma i gà ga mahàmà a Mbulum. A tsikewa a tar bazlam ŋgwal ŋa ana biy mekwere Əbay Mbulum a asa mbaŋa. A mbala à gà ɓəzla dukw məməta, nda gà mburma ana gà magàha a bəɗ ŋa ya fit dze.

Markus 1:21

I dəba ŋa ya, gà Yesuw nda gà ɓəzla mazazama ŋgat tə da a kwite Kafarnahum. A pat mesìfìkà ba ana a ndzera ya ka, a da a ga mahàmà a Mbulum. A daha, a tsik guma ŋgar a mburma.

Markus 10:2

Gà *Farisa duwa, tə daha a təv ŋgar, a sàs a tar maslàlà à ŋgat i yam a. Ta gwaɗar: «Məpala ahəm kwa dze ana, aka vəl vatwa a mburma aà madalawa məkəs ŋgar a, tsəna, aka vəl tsiye?»

Markus 12:35

I təv ana Yesuw a riŋ a tsik a guma ŋgar a mburma i ga Mbulum batsah ŋana ya ka, a tsam aà tar bazlam. A gwaɗa a gà mburma ata: «Meme na gà ɓəzla medzeŋge məpala ahəm Mbulum ta gwa, Kiristi ka, mala məmbàlà à mburma ana Mbulum a gwa, i slir a kurumehe a ya ka, gwala Dawda asa ya?

Markus 14:49

Kəla pat iye riŋ i təv kurum, i tsikewa a kurum guma i ga Mbulum batsah ŋana ka, wàlaa kàa gəsum iye tsa. Ama taŋa ka, aɗaba dukw ana mewetse ŋa i wakita Mbulum a ka, məpàslà ahər ŋa aka ndze aɗəm kaɗəŋ a, tsəka, ki slwim a aà magəsa iye tsa.»

Markus 2:13

I dəba ŋa ya, Yesuw a dara i ga ya, a mbəɗ gər aà gùva duluv Galile asa. Gà mburma hinne tə daha a təv ŋgar. A tsik a tar guma ŋgar.

Markus 4:2

Dite a ɗe a tarra iɗəm à guma ŋgar a hinne ndaka bazlam minew a. I huɗ guma ŋgar ata ya ka, a gwaɗa a tar:

Markus 6:2

A pat mesìfìkà ba ka, a da a ga mahàmà a Mbulum. A daha ka, a dza ba aà medzeŋge bazlam Mbulum a mburma. Bazlam ŋgar ata gà mburma tə tsaraka ka, a ge aà tar kamala dukw mene aà mburma ya. Ta gwaɗaba ika magər tar: «Yweh yweh, a ŋgatara madzala gà gər ata dze ana, i ŋga ya? Na naha, a geye a gà dukw mene aà mburma, nda metsehe ŋgiɗ pampam hinne asa ya? Weke na a vəlar metsehe ata dze ya?

Markus 6:34

I dəba ŋa ya, Yesuw a tarra i slə̀làh yam a, a fə̀r aà gà mburma ata mbə̀rzə̀zza mayahaba gər ŋa ya ka, ti ndzer are tsehe hinne, aɗaba ti ne ka, kamala gà təmaŋ ana mala makəva tar a riŋ tsiye. Agəra taŋa, Yesuw a dza ba aà metsìkè a tar bazlam ŋgar ŋgiɗ pampam hinne.

Markus 6:6

Aɗaba bazlam tar ata ka, a ge ahər kamala dukw mene aà mburma ya hinne, agəra ana ta gəs ŋgat nda gəzləŋ tsiye. A hitse dər i fataya tsara, a da a kwite ana a riŋ bise nda kwite ata ya. A daha, a tsik bazlam ŋgar a mburma i fata.

Yuhana 10:40

I dəba ŋa ya, Yesuw a mbəɗ gər aka lìdè dulwa Yurdan asa, a təv ana Yuhana a tsilwiɓewa iɗəm à mburma a yam akahər ata ya. A daha, a ndza riŋ i fata zaakwa.

Yuhana 11:7

I dəba ŋa ya, a gwaɗa a gà ɓəzla mazazama ŋgat: «Mbə̀ɗakwa gər aka ahəɗ Yuda a təv Lazar a fata.»

Yuhana 18:20

Yesuw a gwaɗar aaka: «I fàfəlawa ka, ndərzayya, ika miɗ mburma tserdze. I tsikewa guma gà i ga Mbulum batsah ŋana nda gà i gà ga mahàmà a Mbulum tserdze, kamala megweɗe ya ka, i təv ana gà Yahuda ti yahawaba aɗəm gər a. Yàa tsik duwa nda akəl ilik tsidze.