Luka 9:60 - Bible Zulgo

⁶⁰ Yesuw a gwaɗar aaka: «Sifek məsak à gà məməta, ti leye ba tar dukw tar. Ama kər ka, ti tsik bazlam *mekwere Mbulum a gà mburma.»

Luka 9:60 ပူးပေါင်းရင်းမြစ်များ

Mata 4:23

Aləka i dəba ŋa ya, Yesuw a suwaya ika ahəɗ Galile tserdze. A tsikewa guma ŋgar a mburma i gà ga mahàmà a Mbulum. A tsikewa a tar bazlam ŋgwal ŋa ana biy mekwere Əbay Mbulum a asa mbaŋa. A mbala à gà ɓəzla dukw məməta, nda gà mburma ana gà magàha a bəɗ ŋa ya fit dze.

Mata 8:22

Yesuw a gwaɗar aaka: «Kər ka, dara, zazam iye, sifek məsak à gà məməta, ti leye ba tar dukw tar.»

Luka 15:24

Aɗaba kəla gà aaha ka, kamala ana aka mət a, ama kinehe ka, aka mbəlara a riŋ nda mesife. Aka dzeye kweleŋ, ama kinehe ka, Yàa ŋgat asa.> I dəba ŋa ya, tə dza ba aà megirive nda maŋgayaba hinne kuɗa.

Luka 15:32

A da dər na ki gìrìvekwe a nda maŋgayaba ya tsəna, aɗaba damər yak aaha ka, kamala ana aka mət a, ama kinehe ka, aka mbəlara i məməta ya. Aka dzeye kweleŋ, ama kinehe ka, aka ŋgat ba asa.> «

1 Kurintiya 9:16

Metsìkè bazlam Mbulum ana i tsik a kurum a ya ka, aka viliŋ vatwa aà mege dər zlapa tsa, aɗaba megemir ata ka, i Mbulum na taŋa ya. Ŋgat na a gweɗiŋ, tsik a tar a. Aɗaba bəla na Yàa tsik a tar tsəka, ndelèɓ ndelèɓ mesewere are ika gər gà.

EFESIYA 2:1

Piŋŋe kurum ka, kamala ana gà məməta ŋa ya, na ika miɗ Mbulum a, aɗaba ana kì gewim gà dukw ana ŋgwal ŋa tsa pampam a.

EFESIYA 2:5

ku mege kwa kamala gà məməta ana ta mìt a i bakal a tekeɗe ya. Aɗaba taŋa na a mbəlara iɗəm a kwa, a vəl a kwa akaba mesife awiya ŋa nda gà Yesuw Kiristi ya. Ama ka, ma ta məts a kurum gər tsa: A mbəl à kwa ka, agəra ŋgwal ŋgar ana a vəl biy taf a.

1 TIMUTE 5:6

Ama kəla ka, madakwa məkəs ana aka waya ka, say dukw gər ahəɗ ɗekɗek a ka, a ne kamala məməta ŋa ya, ku mege ŋgat a riŋ nda are ŋgar tekeɗe ya.

2 TIMUTE 4:2

Ama kər ka, i gik a kamkam: Tsikewa bazlam Mbulum a mburma hiywe, ku mege bəla a tsahən aà tar tsa tekeɗe ya. Na bəla ta ge a dukw ana ŋgwal ŋa tsiye ka, ɗif a tar à metsehe lele, dza aà tar magəɗa, aɗaba gà bakal tar, dite kà ma a taraha à arəv aɗaba mazazama vatwa Mbulum. Dzeŋge a tar dukw ana a de a ndaka vatwa Mbulum a kəla pat, ka ti ya ba tsa.

2 TIMUTE 4:5

Ama kər ka, ge metsehe à dukw ana ndzer a tèrihhwè lele, ka zazam aka miɗ aka miɗ. Bàs gəzləŋ i təv gà mesewere are ana tì sèwèrek a ya. Tsik bazlam ŋgwal ŋana a mburma, ma ɗe zləm ŋgarra lele, mà səkah aka miɗ aka miɗ. Ge megemir ana zləma Mbulum aka vəlak a ahər a.

Sunwa Yuhana 3:1

Wele ata a gweɗiŋ asa: «Wetseha bazlam aaha a gawla Mbulum ana i kwite Sardis, a kesle a gà mburma Mbulum a. Ki wetse a ka, bazlam aaha: Na a tsik bazlam ŋa ka, wele ana gà Mezite Mesife Mbulum təsəla*fa* mandza ŋa i təv ŋgar, dite gà màwùsàwùs təsəla i ahər ŋgar asa mbaŋa ya. I sər megemir kurum ana kurum ihər ki gwim a ya. Ta gweɗe a kurum a ka, waytsà kurum riŋ nda gà mesife kaɗəŋ, ama tsaatsa pàrsa. Kurum ka, gà məməta ŋa ivaɗ.