Luka 9:51 - Bible Zulgo

⁵¹ I təv ana Mbulum aka à mezle Yesuw a gər ŋa ya ka, Yesuw a gwa: «A sèsiŋ ka, i de a a Yeruzalem dzekwiŋ.»

Luka 9:51 ပူးပေါင်းရင်းမြစ်များ

Markus 16:19

Əbay Yesuw a fàfəl a tar aba ya kamala taŋa ya tsara ka, Mbulum a zla ŋgat. A da à ŋgat a ma. Yesuw a daha, a ndzaba aka tsèke ahər mezime Mbulum.

Luka 12:50

Ama ti dzik a à iye a liwiŋ gà mesewere are ana a ŋgiɗits a iye, haa a təv ana Yàa ndəv dər a dzekwiŋ.

Luka 13:22

I dəba ŋa ya, Yesuw a mah ba i fataya, a de a a Yeruzalem. I təv ana a riŋ a de a mba ya ka, a daya nda gà kwite ana aà vatwa ya, ku mege kəla ŋa, ku mege batsah ŋa tekeɗe. A tsikewa iɗəm bazlam Mbulum a mburma.

Luka 17:11

Aləka i təv ana Yesuw a riŋ a de a ndàra a Yeruzalem a ka, a da ndaka liwiŋ gà ahəɗ Samariya nda Galile.

Luka 18:31

Yesuw a daha, a ndzək gà ɓəzla mazazama ŋgat aaha kurwa gəra sula ya, kətsah a zlawak aà mburma ya. A daha, a gwaɗa a tar: «Tsarakum, araha, kwa ihər ki tèkwe a a Yeruzalem. Aləka, aka təv ana kàa ndzekwaha a fataya ka, dukw ana gà ɓəzla məma à guma Mbulum ta wetse akahər ata piŋŋe, ti tsik aà iye, *wur ana a dara i təv Mbulum a ka, a ta geye a ba.

Luka 19:11

I dəba ŋa ya, Yesuw a fàfəl ndaka bazlam minew agəra gà mburma ana tə tsaraka bazlam ata ya. A tsik bazlam ata ka, aɗaba ana aka à mendze a Yeruzalem ka, gà mburma ata i fataya tserdze tə dzala, ta gwa: A ge a ka, *Mekwere Mbulum aka à mendzera a faha ya kuɗa.

Luka 19:28

I dəba ŋa ya, Yesuw a ndəv à mifefile ŋgar i fataya tsara ka, a mah ba, a da aka miɗ, a de a a Yeruzalem.

Luka 24:51

I təv ana a pise a tar aba ahəm a ka, a da i təv tar a, Mbulum a zla ŋgat a təv ŋgar a gər ŋa.

Luka 9:57

I təv ana gà Yesuw nda gà ɓəzla mazazama ŋgat riŋ ika vatwa ti de a mba ya ka, wele duwa a gwaɗa a Yesuw: «I waya ka, i zezem a kər a təv ana ki de aɗəm a ya, ku mege a ŋga.»

Yuhana 13:1

Akahər ata ka, a zeha mehinne ilik na *megirive Paska gà Yahuda a ndze aɗəm a ya. Yesuw a sər dər tits mede a təv Tsir ŋgar ika gər ahəɗ a ide ka, aka sle kuɗa. Daga piŋŋe na a waya gà mburma ana ɗa ika gər ahəɗ, ti ne gà biy ŋgar a, dite na kinehe tekeɗe, a pat a tar dər parakkà à meweye ŋgar ana a waya tar hinne ya.

Yuhana 16:28

I dara i təv Tsir gà i mbulum a aka gər ahəɗ a. Kinehe ka, i de a ika gər ahəɗ a, i mbìɗ a gər a təv ŋgar asa.»

Yuhana 16:5

Ama kinehe ka, i tsik a kurum a aba ya, aɗaba ana i de a aà kurum a, i de a a təv wele ana a slərra iye ya. Ama wura ilik i təv kurum a, a ta gweɗiŋ a ka, ki de a a ŋga tsa.

Yuhana 17:11

Iye kinehe ka, kamala ana iye ɗa ika gər ahəɗ asa tsiye, iye ihər i dehe a a təv yak. Ama tar ka, mandza ŋa ɗa ika gər ahəɗ hiywe. Tsir gà, kər na tsəɗaŋŋa ya, kàa viliŋ ndzəɗa yak. Ama kinehe ka, kasla tar nda ndzəɗa ata kà viliŋ a mbaŋa asa, dite tə ndza ndèɓekke i təv ilik ŋa, kamala ana kà ndzawuma nda kər i təv i ilik ŋa ya mbaŋa.

Yuhana 6:62

Dite meme seyiŋ a, na ki ŋgetwimiŋ a a pat ŋgiɗ, a iye, wur ana i dara i təv Mbulum a, i ti tsil a a təv ana i dara iɗəm piŋŋe ya.

Gà Ɓəzla Meslire 1:2

haa a pat ana a ndisl dər, a da a gər ŋa ya. Aka ana aka tsəl a gər ŋa zukw tsiye ka, aka ɗe a tar aba à metsehe ya, nda ndzəɗa Mezite Mesife Mbulum, a gà mburma ana a ndzək tar kamala gà ɓəzla meslire Mbulum a.

Gà Ɓəzla Meslire 1:9

Yesuw a tsik aba gà bazlam ata ya lele ka, tə zla ŋgat ndàra a gər ŋa. I təv ana tar riŋ ta fir ahər a ya ka, hulɓukw a kaha ŋgat aà are tar a.

EFESIYA 1:20

Aɗaba ndzəɗa ata ka, ilik nda biy ana a zlak dər Yesuw Kiristi i təv ana a mbəlara à ŋgat i məməta ya, dite na a gwaɗar ka, ndza a təv mendze ŋgwal ŋana ika tsèke ahər mezime gà i gər ŋa ya.

FILIPIYA 3:14

Iye ihər i vel a ɗegìrgìr aà mendze a təv ana i ndze a iɗəm a ya, dite i ta ŋget a dukw mayaba ana Mbulum a gwa, a ta vile a kwe a ya. Na a ne dukw mayaba ata ka, mesife awiya ŋa ana i ŋget a i təv ŋgar i gər ŋa aɗaba Yesuw Kiristi ya.

1 TIMUTE 3:16

Bazlam ndzer ŋa ata Mbulum a ɗif a kwa dər, dite meme na kinehe ki ndzekwe a ika miɗ ŋgar a ka, batsah bazlam kaɗəŋ ndzer. Wura a sle a aà mimbetse tsa: Bazlam ata ti tsik ka, aà Yesuw Kiristi ana a dara aka gər ahəɗ a, dite a ne mburma ya. Mezite Mesife Mbulum a ɗif dər ka, ŋgat na ŋgwal ŋa lele ya. Gà gawla Mbulum tserdze tàa ŋgatar. Gà mburma ti tsikewa bazlam ŋgar a gà mburma ana ika gər ahəɗ a tserdze. Ama gà asiŋ ŋa, ku mege i ŋga tserdze, tàa gəs ŋgat nda gəzləŋ. I dəba ŋa ya, tsəɗak Mbulum a zla ŋgat a təv mezlibe ŋgar ana tì zlibe a à ŋgat a.

IBƏRANIKWA 12:2

Ki dzèkwehe a are ka, a təv Yesuw ndàslsla kəla pat. Aɗaba megìse kwa ana kə̀ gə̀sakwa ya ka, ŋgat na à lèh a kwe a aka miɗ, haa a təv mendìsle kwa ya. Akahər ata ka, aka gəs gəzləŋ i təv ana a mət aà dizl magə̀làwà ŋa ya lele. Ku mege tàa ndaɗa aka ŋgat hwarwa tekeɗe ka, aka dzala hwarwa ata tsa, na dite a ŋget a maŋgayaba ana Mbulum a waya a viler a aka miɗ mba ya. Aɗaba taŋa na ŋgat mandza ŋa ika təv mendze *mekwere Mbulum ika tsèke ahər mezime ŋgar kinehe ya.

IBƏRANIKWA 6:20

Yesuw aka làhakwa aɗəm a fata. A lah ka, aà mendze ika miɗ Mbulum, agəra kwa. Aɗaba ŋgat ka, aka ne *batsah mala mandəva kuɗa a Mbulum, kamala Melikisedek a, aà biybiy.

1 PIYER 3:22

Yesuw Kiristi ka, ŋgat aka tsəl a təv Mbulum. A riŋ mandza ŋa ika tsèke ahər mezime ŋgar. Ŋgat ka, a kwere a gà gawla Mbulum, nda gà Əbay tar ŋa dze, dite nda gà asiŋ gà dukw ana tserdze ndzəɗa tar a riŋ hinne i mbulum i gər ŋa ya.