Luka 9:46 - Bible Zulgo

⁴⁶ Aləka i dəba ŋa ya, gà ɓəzla mazazama Yesuw ata tə dza ba aà mimbètsè ba ahəm ika magər tar hinne. Ta gwa: «Weke na a ne batsah ŋa ika magər kwa ya?»

Luka 9:46 ပူးပေါင်းရင်းမြစ်များ

RUMA 12:10

Wayum ba ika magər kurum, aɗaba ana kurum ka, nda gà damər ika vatwa Mbulum a. Ku weke mə̀ fə̀r aà damər ŋgar ka, hə̀zkə̀kə̀mma batsah ŋa kamala ana a za ŋgat ŋa ya.

RUMA 12:3

Mbulum aka giŋ ŋgwal ŋa, aka tike iye aà megemir ŋgar. Aɗaba taŋa, iye ihər i gweɗe a kurum a ilik ilik tserdze ka: Kà ɗwim à gər kurum, waytsà mər ŋa mà za biy na a tsahən aà mburma tsa. Ki dzelwim a ivaɗ ka, ku weke à fir aà ba ŋgar ka, meme na i ge a ya, dite i de a ndaka vatwa ana ŋgwal ŋa ya. Ki zezemwim a ka, dukw ana Mbulum a vəl a kurum i təv megìse ana kə̀ gəsum ŋgat a, na dite ki livwime a à gər kurum ka, dàyday a.

FILIPIYA 2:14

I huɗ megemir kurum ana ki gwim a tserdze ya ka, ka sayum ahəm aà Mbulum tsa, kà mbetswim aba ahəm nda təv ŋgar ŋgùrà ŋgùrà nda maàga tsa asa mbaŋa,

FILIPIYA 2:3

Ka tə dzalum ka, ba kurum ɗekɗek tsa. Dite ka tə sə̀ŋgə̀rum à ba kurum ɓav tsa asa. Hənum à gər kurum a bəɗ tiɓìzl ivaɗ. Fə̀rum aà gà asiŋ gà mìsle ŋgiɗ kamala ana tar ka, gà ŋgwal ŋa hinne, tə za dər kurum a.

3 Yuhana 1:9

Wakita kə̀la ŋa ana i wetseha ya ka, a mayahaba gər gà mburma Mbulum ana i təv kurum i fataya. Ama Diyutirefes, wele ana gəlnday gəlnday a waya mene batsah tar ŋa ya ka, a gəs bazlam gà ana i tsiker a tsidze.