Luka 9:44 - Bible Zulgo

⁴⁴ «Tikwim dukw ana i tsik a kurum a kinehe ya, a gər kurum lele. Iye, *wur ana a dara i təv Mbulum a ka, ta gis a iye mba. Ta vile a iye a ahər a gà mburma.»

Luka 9:44 ပူးပေါင်းရင်းမြစ်များ

Mata 16:21

I dəba ŋa ya, Yesuw a dza ba aà metsìkè dukw ana a ti le a aà ŋgat aka miɗ mba ya, a gà ɓəzla mazazama ŋgat, i təv are tar tserdze. A gwaɗa a tar: «Iye ka, bàlaarì i ti de a a Yeruzalem mba, dite gà bàba gà mburma ana ta kwere a gà Yahuda ya, nda gà Əbay gà ɓəzla mandəva kuɗa a Mbulum, nda gà ɓəzla medzeŋge məpala ahəm Mbulum tserdze, ti ti sèwèriŋ a are hinne i fata. Dite ta kiɗ a iye. Ama i huɗ mehinne makər a ka, i mbilere a i məməta ya asa.»

Mata 26:2

«Kinehe ka, kà sərum nda gər kurum, *megirive Paska a zeha ka, mehinne sula pəra na a ndze aɗəm a ya. Dite pat ata ka, ta gis a iye, iye, *wur ana a dara i təv Mbulum a, ta vile a iye a ahər a mburma, dite ti ndwendwey a iye aà dizl magə̀làwà ŋa.»

Markus 8:31

I dəba ŋa ya, Yesuw a dza ba aà metsìkè dukw ana a ge a ba ika miɗ mba ya, a gà ɓəzla mazazama ŋgat. A gwaɗa a tar: «Iye, *wur ana a dara i təv Mbulum a, say i ti sèwèr a are aka miɗ mba hinne. Gà bàba gà mburma ana ta kwere a gà Yahuda ya, nda gà Əbay gà ɓəzla mandəva kuɗa a Mbulum, nda gà ɓəzla medzeŋge məpala ahəm Mbulum tserdze, ti ti lìmiŋ a aba ya, dite ta kiɗ a iye. Ama i huɗ mehinne makər a ka, i hitsere a i məməta ya a mesife asa.»

Markus 9:31

Aɗaba a tsikewa bazlam a gà ɓəzla mazazama ŋgat ata ka, dukw ana a ta ger a ba gər aka miɗ mba ya. A gwaɗawa a tar ka: «Iye, *wur ana a dara i təv Mbulum a ka, ta gis iye mba. Ta vile a iye a ahər a gà mburma, dite ta kiɗ a iye. Ama i huɗ mehinne makər a ka, i ta hitsere a i məməta ya a mesife asa.»

Luka 1:66

Gà mburma ana tə tsaraka bazlam ata ya ka, tə dzawa ba aà madzala gà gər tsara. Ta gwaɗawa: «Wànà kəla ata a ti ne a dze ana, dukùla?» Ti tsik kataya ka, aɗaba ndzəɗa Mbulum a riŋ nda gà ŋgat dukw ŋgar.

Luka 18:31

Yesuw a daha, a ndzək gà ɓəzla mazazama ŋgat aaha kurwa gəra sula ya, kətsah a zlawak aà mburma ya. A daha, a gwaɗa a tar: «Tsarakum, araha, kwa ihər ki tèkwe a a Yeruzalem. Aləka, aka təv ana kàa ndzekwaha a fataya ka, dukw ana gà ɓəzla məma à guma Mbulum ta wetse akahər ata piŋŋe, ti tsik aà iye, *wur ana a dara i təv Mbulum a ka, a ta geye a ba.

Luka 2:19

Ama Mariya a tike bazlam tar ata kìtsèk a zləm. A dzalawa aaka gà gər.

Luka 2:51

Dite i dəba ŋa ya, gà Yesuw nda gà tsir ŋgar ata ta mbəɗ gər a kwite Nazaret. Tə daha a fata ka, Yesuw a gəsawa dukw ana ti tsikewar a lele. Mama ŋgar ibam, a tikewa gà dukw ana a gewa ya, a gər ŋgar lele asa.

Luka 24:44

I dəba ŋa ya, a gwaɗa a tar asa: «Samatum kwaŋ. Aka ana iye riŋ i təv kurum mba ya ana, i tsikewa a kurum tsiye, na dukw ana ta wetse agəra iye ya? I tsikewa a kurum ka, bazlam ana i wakita məpala ahəm Musa ya, nda biy ana i wakita gà ɓəzla məma à guma Mbulum a, dite ndəna i wakita gà dimis tserdze ya, say a ta ge a ba mba ya ka, kaɗəŋ.»

Luka 9:22

I dəba ŋa ya, Yesuw a gwaɗa a tar asa: «Iye, *wur ana a dara i təv Mbulum a, say i ti sèwèr a are aka miɗ mba hinne. Gà bàba gà mburma ana ta kwere a gà Yahuda ya, nda gà Əbay gà ɓəzla mandəva kuɗa a Mbulum, nda gà ɓəzla medzeŋge məpala ahəm Mbulum tserdze, ti ti lìmiŋ a aba ya, dite ta kiɗ a iye. Ama i huɗ mehinne makər a ka, i ta mbilere a i məməta ya asa.»

Yuhana 16:31

Yesuw a gwaɗa a tar aaka: «Kinehe ana, kàa gəsum iye nda gəzləŋ kuɗa dər a?

Yuhana 16:4

Ama i tsik a kurum kataya ka, dite i təv ana gà pat ŋa tàa ndzera, tì sèwèr a kurum are kamala taŋa ya ka, ki sirwim a dər, a tsik a mər ka, ndzer kaɗəŋ.» Yesuw a gwaɗa a tar asa: «I gəs metsike a kurum daga piŋŋe tsəka, aɗaba ana iye riŋ i təv kurum mba ya.

Yuhana 19:11

Yesuw a gwaɗar aaka: «Ki sle aà mege aà iye duwa ilik tsidze, na Mbulum aka vəlak iye a ahər tsiye. Aɗaba taŋa na wele ana aka gə̀sak iye ya ka, bakal ŋgar a za biy yak fit a.»

Gà Ɓəzla Meslire 2:23

Ama ta vəl a kurum vatwa aà makə̀ɗà ŋgat ka, kamala na Mbulum a tsik daga piŋŋe, a ta ge a ba ya dukw ŋgar. Ka vəlum ŋgat a ahər gà na tə sər Mbulum tsiye, tə ndwandway ŋgat aà dizl magə̀làwà ŋa.

IBƏRANIKWA 2:1

Aɗaba taŋa, say gekwa metsehe a bazlam ata kà tsarakukwa ya lele, na dite ka, ka dzeyekwa ika vatwa ŋgwal ŋana ya tsiye.