Luka 9:43 - Bible Zulgo

⁴³ Ama batsah ndzəɗa Mbulum ata Yesuw a pàt dər a ka, a ge aà gà mburma ata i fata tserdze ya, kamala dukw mene aà mburma ya. I təv ana gà mburma ata tserdze ya, tar riŋ ti dzele a gà gər aka dukw ana Yesuw a geye mba ya ka, Yesuw a gwaɗa a gà ɓəzla mazazama ŋgat ata:

Luka 9:43 ပူးပေါင်းရင်းမြစ်များ

Mata 17:22

A pat duwa ka, gà Yesuw nda gà ɓəzla mazazama ŋgat ti yahaba gər aka ahəɗ Galile. I təv mayahaba gər tar ata ka, Yesuw a gwaɗa a tar: «Iye, *wur ana a dara i təv Mbulum a ka, ta gis a iye mba. Ta vile a iye a ahər a gà mburma,

Markus 6:51

Zàmma tsəka, a daha a təv tar, a tsəlaha a slə̀làh yam ata tar iɗəm a. Dite himbiɗ aaha a mət aaka tsara. Gà ɓəzla mazazama ŋgat aaha ndeɗiŋa ya, ta ŋgat a Yesuw ana a ge kataya ya ka, arəv a da aà tar a, ta ge magəɗa.

Luka 18:43

I dəba bazlam Yesuw ata a tsiker kataya ya tsara ka, wurat are ŋgar a hə̀ndə̀k ba. Dite a zazam Yesuw nda gà mazàmbàɗà aà Mbulum, tə dəɗ akaba tserdze. Gà mburma ana i fataya tekeɗe, ta ŋgat a dukw ata ka, tə zàmbaɗa à Mbulum mbaŋa.

Luka 4:36

A ge aà gà mburma ata i ga ata ya tserdze kamala sunwa ya. Ta gwaɗaba ika magər tar: «Yweh, yweh, medzibe mifefile là na naha, wele aaha a kwara akaba gà sitene aaha nda ndzəɗa ka, dite ta gəs ahər ahəm, tə dara i ba mburma ya?»

Luka 5:26

A mà dər a gà mburma ata tserdze ya dà/?asasa, a ge aà tar kamala dukw mene aà mburma ya. Tə dza ba aà mazàmbàɗà a Mbulum nda magəɗa hinne i gəzləŋ tar. Ta gwa: «Yweh, yweh, maa ŋgat a gà dukw mene aà mburma mbakum.»

Luka 5:9

Aɗaba kilif ata ta gasara i yam a hinne ya ka, a ge magəɗa a gà Simun nda gà ɓəzla meslire ŋgar ata tserdze ya.

Luka 8:25

Dite Yesuw a gwaɗa a gà ɓəzla mazazama ŋgat ata: «Wànà kàa gəsum iye a gəzləŋ kurum tsiye, na ki gwim a magəɗa kataya ya?» Ama ka, ta ŋgat a dukw Yesuw ata a ge kataya ya ka, a ge aà tar kamala dukw mene aà mburma ya. Ta ge magəɗa hinne asa nda medzedzere. Ta gwaɗaba ika magər tar: «Wele aaha i ŋgar dze ana, weke, na a kwere akaba a gà himbiɗ nda yam ka, ta gis ahər a ahəm a?»

Luka 9:42

I təv ana tə daha à kəla ata ya ka, sitene ata i ba ŋgar a, a kal à ŋgat a bəɗ. Iŋgwits ìŋgwits ìŋgwits a dzadzar akaba à kəla ata hinne. Ama Yesuw a kwara akaba sitene ata nda magala hinne, a dalawa ihər a, a mbəl à kəla ata, dite a mà dər a tsir ŋa kuɗa.

2 Piyer 1:16

Akahər ata ka, maa ɗif a kurum à ndzəɗa Yesuw Kiristi BATSAH kwa ŋana a ta mère a ya tserdze. Gà dukw ata mì tsik a kurum a ka, kamala ahəm hiyeŋ ana gà mburma ti ɗemere a ika arah a birek birek nda metsehe tar taf masakəŋa ya tsa. Ama mər ŋa nda ahər mər na mì ŋgatar parakkà nda ndzəɗa ŋgar ana ika gər gà duwa tserdze ya dukw ŋgar.