Luka 9:31 - Bible Zulgo

³¹ Mede tar ata tə daha a təv Yesuw a ka, nda gà ndzəɗa Əbay Mbulum ana a vəl a tar a. Gà mburma ata sula ya, ta fàfəl ka, aka gər megemir Yesuw ana a ti ndìv a dər a Yeruzalem, dite meme na à mìt a ya ya.

Luka 9:31 ပူးပေါင်းရင်းမြစ်များ

Luka 9:22

I dəba ŋa ya, Yesuw a gwaɗa a tar asa: «Iye, *wur ana a dara i təv Mbulum a, say i ti sèwèr a are aka miɗ mba hinne. Gà bàba gà mburma ana ta kwere a gà Yahuda ya, nda gà Əbay gà ɓəzla mandəva kuɗa a Mbulum, nda gà ɓəzla medzeŋge məpala ahəm Mbulum tserdze, ti ti lìmiŋ a aba ya, dite ta kiɗ a iye. Ama i huɗ mehinne makər a ka, i ta mbilere a i məməta ya asa.»

Luka 9:30

Zàmma tsəka, gà mburma sula tə daha a təv ŋgar, tə daha, tə dza ba aà mifefile nda gà ŋgat. Gà mburma ata ka, gà Musa nda Iliya ana akahər ata ya.

Yuhana 1:29

Ndidwe ŋana ka, Yuhana a ŋgat a Yesuw a riŋ a dehe a a təv ŋgar. A gwaɗa a gà mburma ana i fataya: «Kəla təmaŋ ana Mbulum a vəl, ta kiɗ a aɗaba məpəla à bakal a mburma ya ka, araha, a deriŋa.*fd*

2 Kurintiya 3:18

Taŋa, kwa ana tserdze kàa gə̀sakwa ŋgat a ka, kwa i luvuŋ ika miɗ Mbulum kamala ana petek ata a riŋ à kèhe a are kwa ya asa tsa. Kwa ihər ki ŋgetekewe a ndzəɗa BATSAH kwa ŋana ti zlibe a dər, a za duwa tserdze ya. Dite kwa asa tekeɗe, ki ti ndzìkìɗekwe a ba kamala ŋgat a. Kamala taŋa ya, ki ŋgetekewe a ndzəɗa nda mezlibe ŋgar mbaŋa, à sìkèh a aka miɗ aka miɗ. BATSAH kwa ŋa na a ge a taŋa ya. Tar nda Mezite Mesife Mbulum ka, i təv ilik ŋa.

FILIPIYA 3:21

I təv ana a dere a ya ka, a ta mbìɗ a à ba kwa ana tsèfek tsèfek ndzəɗa iɗəm tsiye, na dite ba kwa a nis a asa tsa, a ndze a aà bəra aà biybiy kamala biy ŋgar ana ti zlibe a dər a. A ta ge a kamala taŋa ya ka, nda ndzəɗa ŋgar ana a kwere a gà duwa tserdze ya.

KULUSIYA 3:4

Ndzer kaɗəŋ, Yesuw Kiristi na a ne mesife kurum a. Aləka i təv ana à mère a ya ka, kurum tekeɗe, ta ŋget a kurum a nda gà ŋgat, i təv ndzəɗa ŋgar ana tì zlibe a dər a mbaŋa.

IBƏRANIKWA 11:22

Yasufa tekeɗe, agəra megìse ŋgar ana a gəs Mbulum nda gəzləŋ a ka, i təv ana aka à mimìte ya ka, aka tsik bazlam mede gà Isərayel ana ti de a ika ahəɗ Ezipt ya, ta mbìɗ a gər aka ahəɗ tar, aka miɗ mba ya. A tsik a tar asa ka, meme na ti ta ge a nda məməta ŋgar ana à mìt a ya.*fl*

1 PIYER 5:10

Ama i dəba mesewere are kurum ana ki sèwèrwim a kinehe ya ka, Mbulum ana ŋgat mala mege ŋgwal a mburma tserdze ya, à lèmbeɗe a kurum à gər ŋgar, a vile a kurum a ndzəɗa ana dite, ki hitswim a dər lele, ki ta mirwim a aba a nda təv gà dukw ana tserdze ya ya. Aɗaba a zal a kurum ka, dite ka dumara, ka ndzum nda gà Yesuw Kiristi i təv mezlibe ŋgar ana tì zlibe a à ŋgat aà biybiy, à ndìv a tsiye.

2 Piyer 1:15

Aɗaba taŋa na i yehe a vatwa nda ndzəɗa gà fit dze, aà mege gà dukw ana Yàa sle ahər a tserdze, na dite ka, ki slwim a aà matəkəra aà gà dukw ata ya. Ta məts a kurum gər tsa, ku mege i dəba məməta gà tekeɗe ya.

Sunwa Yuhana 7:14

I gwaɗar: «Awaŋ, batsah ga ŋa, kər ivaɗ na a sər tar a. Iye ka, i sər tar tsa.» I dəba ŋa ya, a gweɗiŋ asa: «Gà mburma aaha ka, gà na tì sèwèr a are hinne aka mandəvandəv gər ahəɗ aaha ya. Ama ka, tàa bàs gəzləŋ, tàa miyak à vatwa Mbulum tsidze. Ta baraya gà petek tar a nda məmbəz Kəla Təmaŋ ata, na dite ka, a ndza herrè ya.