Luka 9:29 - Bible Zulgo

²⁹ I təv ana tar riŋ ta heme a ya ka, Yesuw a mbəɗ ba ŋgiɗ pam. A mbəɗ i are ya. Petek ŋgar ibam, a mbəɗ dər herrè, wùzlwùzl a wìtiɗ a are.

Luka 9:29 ပူးပေါင်းရင်းမြစ်များ

Mata 17:2

I təv ana tar riŋ i fataya ka, Yesuw a mbəɗ ba ŋgiɗ pam i təv are tar i fata. Yam are ŋgar a wàwuzl are, kamala pat a. Petek ŋgar ibam, a mbəɗ dər herrè tizlzlè.

Markus 16:12

I dəba ŋa ya, gà ɓəzla mazazama ŋgat sula ti de a a dala. Yesuw a mbəɗ ba ŋgiɗ, dite a pàt aba. A dara a təv tar aka vatwa ya.

Luka 3:21

Akahər ana Yuhana a tsilwiɓ à mburma a yam tserdze ya ka, i dəba ŋa ya, Yesuw a dara a təv ŋgar a mbaŋa, a tsilwiɓ aɗəm à ŋgat. I təv ana Yesuw a riŋ a heme a ya ka, kuvəl mbulum a hə̀ndə̀k ba ikaba ya tùwaŋ.

Luka 5:16

Ama Yesuw ka, a hitse i fataya tsara, a daba a təv ana mburma a riŋ iɗəm tsiye. A daha, a hama a Mbulum i fata.

Luka 6:12

Akahər ata ka, Yesuw a tsəl aka gər dìyes duwa, aà mahàmà a Mbulum. A daha, a həna a bəra, aà mahàmà a Mbulum i fata.

Luka 9:18

A pat duwa Yesuw a riŋ a heme a a Mbulum à gər ŋgar ilik. I təv ana a riŋ a heme a ya ka, gà ɓəzla mazazama ŋgat ata tə daha a təv ŋgar. Ti ndzeha a təv ŋgar ka, Yesuw a gwaɗa a tar: «Gà mburma ta gwa dze ana, iye ana, weke?»

Luka 9:30

Zàmma tsəka, gà mburma sula tə daha a təv ŋgar, tə daha, tə dza ba aà mifefile nda gà ŋgat. Gà mburma ata ka, gà Musa nda Iliya ana akahər ata ya.

Yuhana 1:14

Ŋgat ana tə zalar «Bazlam Mbulum» a, na a ne mburma ya, dite ka, a ndza ɗa ika magər mər zaakwa ya. Maa ŋgat a ndzəɗa ŋgar ana a za gà dukw tserdze, Mbulum a vəl a Kəla ŋgar ata mifèndèz ŋa, a da dərra i təv ŋgar a. Ŋgat ka, mala ndzer ŋa. A gewa ka, dukw ana ŋgwal ŋa ya ɗekɗek.

Gà Ɓəzla Meslire 6:15

Gà mburma ana mandza ŋa i bəɗ i təv mayahaba gər tar ata ti yahawa ba aɗəm gər tserdze ya ka, ta màha à are aka Etiyen ba bà ba ba. Ta fə̀r ahər ka, yemere ŋgar twiy twiy twiy à div a kamala gawla Mbulum a.

Sunwa Yuhana 20:11

I dəba ŋa ya ka, i ŋgataha a təv mendze Əbay duwa, a ndza herrè. Wele duwa a riŋ mandza ŋa ikəka. Gà gər ahəɗ nda gəza mbulum ta ge magəɗa kwàrkwàr hinne, silit tə tə̀z ihər a, dite ka, wura a ta ŋget a ter a ziwiɗ asa tsidze.