Luka 9:28 - Bible Zulgo

²⁸ A ge kwaskwa ilik i dəba mifefile ŋgar ata ya ka, Yesuw a ndzək gà Piyer nda Yuhana, nda gà Zakup. Tə tsəl a kwite aà meheme riŋ i fata.

Luka 9:28 ပူးပေါင်းရင်းမြစ်များ

Mata 14:23

Aləka tə da i təv ŋgar a ka, ŋgat ŋa a tsəl a gər kwite à gər ŋgar, a daha, a hama a Mbulum i fata. Aləka həvəɗ a ge ka, ŋgat a riŋ i fata hiywe mba.

Mata 5:1

Aləka i təv ana Yesuw a fə̀r aà gà asiŋ gà mburma ana hinne ti dehe a a təv ŋgar a ka, tə tsala a gər kwite nda gà ɓəzla mazazama ŋgat. Tə daha ka, a ndza a bəɗ a fata. I təv ana a ndza a bəɗ tsara ya ka, gà mburma ŋgar ata ti sìrìkaha a təv ŋgar ndiɓ bise.

Markus 1:35

Ndidwe ŋana aka tuwa mendzikwir ka, Yesuw a dara i ga ya, a hitse i fataya, a da a təv ana mburma a riŋ iɗəm tsiye. A ndzeha a fata ka, a dza ba aà mahàmà a Mbulum Tsir ŋgar.

Markus 6:46

Aləka tə da i təv ŋgar a ka, ŋgat ŋa a tsəl a gər kwite. A daha, a hama a Mbulum i fata.

Luka 3:21

Akahər ana Yuhana a tsilwiɓ à mburma a yam tserdze ya ka, i dəba ŋa ya, Yesuw a dara a təv ŋgar a mbaŋa, a tsilwiɓ aɗəm à ŋgat. I təv ana Yesuw a riŋ a heme a ya ka, kuvəl mbulum a hə̀ndə̀k ba ikaba ya tùwaŋ.

Luka 5:16

Ama Yesuw ka, a hitse i fataya tsara, a daba a təv ana mburma a riŋ iɗəm tsiye. A daha, a hama a Mbulum i fata.

Luka 6:12

Akahər ata ka, Yesuw a tsəl aka gər dìyes duwa, aà mahàmà a Mbulum. A daha, a həna a bəra, aà mahàmà a Mbulum i fata.

Luka 8:51

Aləka i dəba ŋa ya, ta mah ba, tə da. Ti ndzeha a bəra Yayirus, ti de a a təv məməta ata a ga ya ka, Yesuw a gəs mivile vatwa a wura aà mazazama ŋgat tsidze. A vəl vatwa ka, say a gà Piyer nda Yuhana, nda gà Zakup, dite a gà tsir dəm aaha nda mama ŋgar ɗekɗek.

Luka 9:18

A pat duwa Yesuw a riŋ a heme a a Mbulum à gər ŋgar ilik. I təv ana a riŋ a heme a ya ka, gà ɓəzla mazazama ŋgat ata tə daha a təv ŋgar. Ti ndzeha a təv ŋgar ka, Yesuw a gwaɗa a tar: «Gà mburma ta gwa dze ana, iye ana, weke?»

Yuhana 6:3

Aləka ti ndzeha a fata ka, gà Yesuw nda gà ɓəzla mazazama ŋgat tə daha, tə tsala aka dìyes duwa, tə ndza riŋ a bəɗ a fata.

2 Kurintiya 13:1

Kinehe ka, iye riŋ i dehe a a təv kurum məmakər ŋa mba asa. Yàa daha ka, i ta ge a seriye gà na ta gewa dukw ana ŋgwala tsiye. I ta ge a ka, kalkal kamala ana wakita Mbulum a tsik a, a gwa ka: «Na wura a de a à mìsle ŋgiɗ aka miɗ seriye ka, say na bəla gà mburma sula, kige tsa makər tàa ŋgatar aka mege bakal ŋa ɗegìrgìr ndzer a, tsəka, ti sle a aà mada à ŋgat aka miɗ seriye tsa.»*fa*

IBƏRANIKWA 5:7

Aka na Yesuw ɗa ika gər ahəɗ mba ya ka, a sər, Mbulum a sle aà mimbilere a à ŋgat i məməta ya. Aɗaba taŋa na a hama a Mbulum nda magala ŋgəlakəkka hinne, haa a tuwa a dar dərra i are ya. Mbulum tekeɗe, aka tsaraka meheme ŋgar ata, dite i dəba ŋa ya, a mbəlara à ŋgat i məməta ya, agəra ana a hənar à gər a bəɗ a.

2 Piyer 1:16

Akahər ata ka, maa ɗif a kurum à ndzəɗa Yesuw Kiristi BATSAH kwa ŋana a ta mère a ya tserdze. Gà dukw ata mì tsik a kurum a ka, kamala ahəm hiyeŋ ana gà mburma ti ɗemere a ika arah a birek birek nda metsehe tar taf masakəŋa ya tsa. Ama mər ŋa nda ahər mər na mì ŋgatar parakkà nda ndzəɗa ŋgar ana ika gər gà duwa tserdze ya dukw ŋgar.