Luka 9:20 - Bible Zulgo

²⁰ Yesuw a gwaɗa a tar i dəba ŋa ya asa: «Dite kurum a ge, kù gwaɗum dze ana, iye ana, weke?» Piyer a gwaɗar aaka: «Kər ka, *Kiristi, mala məmbàlà à mburma ana Mbulum a gwa, i slir a kurumehe a ya.»

Luka 9:20 ပူးပေါင်းရင်းမြစ်များ

Mata 22:42

A gwaɗa a tar: «Kurum kà dzalum ana, là, na aɗaba Kiristi, mala məmbə̀là à mburma ana Mbulum a gwa, i slir a kurumaha a ya ya? Ŋgat dze ana, i gwala weke?» Ta gwaɗar: «Ŋgat ka, i gwala Dawda.»

Mata 26:63

Ama Yesuw aka fàfəlar aaka tsidze, a ndza ba ɗikɗik. I dəba ŋa ya, batsah mala mandəva kuɗa a Mbulum ata gwaɗar asa: «Iye ihər i wiz aà kər a duwa nda zləm Mbulum ana a riŋ nda gà mesife aà biybiy a, tsikiŋ wur bazlam ilik kwaŋ: Wànà kər ana, *Kiristi Kəla Mbulum kaɗəŋ a?»

Mata 5:47

Dite bəla ki giswim a ka, gà damər kurum ɗekɗek ana, aàmala na ki dzelwim a ka, waytsà maa ge dukw ana ŋgwal ŋa ya. Aɗaba ku gà na tə sər Mbulum tsiye tekeɗe ka, ta ge a kataya mbaŋa.

Markus 14:61

Ama Yesuw a gəs mifèfiler aaka ɓav tsa, a ndzaba ɗikɗik. Wele ata a tsam ahər asa. A gwaɗar: «Kər ana, mala məmbə̀là à mburma ana, Mbulum a gwa ka, i slir a kurumehe a ya kəla ya? Nda gà kər ana, Kəla Mbulum ana mburma à zèmbeɗe a dər a ya?»

Markus 8:29

Yesuw a gwaɗa a tar i dəba ŋa ya asa: «Dite kurum a ge, kù gwaɗum dze ana, iye ana, weke?» Piyer a gwaɗar aaka: «Kər ka, Kiristi, mala məmbàlà à mburma ana Mbulum a gwa, i slir a kurumehe a ya.»

Luka 22:67

Tə daha, ta gwaɗar: «Wànà kər ana, *Kiristi, mala məmbə̀là à mburma ana Mbulum a gwa, i slir a kurumaha a ya ya? Tsik a mər kwaŋ?» A gwaɗa a tar aaka: «Na i tsik a kurum tekeɗe ka, kwets ki giswim a tsa.

Luka 9:19

Ta gwaɗar aaka: «Gà mìsle ŋgiɗ ta gwa: Kər ka, Yuhana metsìlwìɓè à mburma a yam. Gà mìsle ŋgiɗ pam asa ta gwa: Kər ka, Iliya ana akahər ata ya. Dite gà mìsle ŋgiɗ ibam, ta gwa, i tar ka: Kər ka, mìsle ŋgiɗ ilik i liwiŋ gà ɓəzla məma à guma Mbulum ana akahər ata ya, aka mbəlara i biye ya.»

Yuhana 1:41

A le aà damər ŋgar Simun tsara ka, a gwaɗar: «Maa ŋgat a *Masihu, kamala megweɗe ya ka, *Kiristi, mala məmbàlà à mburma ana Mbulum a gwa, i slir a kurumehe a ya.»

Yuhana 1:49

Nataniyel a gwaɗar: «Batsah mala mesìnèkè à duwa a mburma, kər ka, Kəla Mbulum. Kər ka, batsah Əbay gà Isərayel.»

Yuhana 11:27

Marta a gwaɗar aaka: «Haya, Yàa gəs, Batsah ga ŋa. I sər, kər ka, mala məmbàlà à mburma ana Mbulum a gwa ka, i ti slir a kurumehe a ya. Kər ka, Kəla Mbulum ana a gwa, a dere a aka gər ahəɗ a ya.»

Yuhana 20:31

Ama gà dukw ana mewetse ŋa i faha ya ka, gà dukw ana, dite ki sirwim a dər, Yesuw ka, Kəla Mbulum ndzer. Ŋgat ka, mala məmbàlà à mburma ana Mbulum a gwa, i ti slir a kurumehe a ya. Ta wetse ka, dite ki ŋgetwim a mesife i təv ŋgar a, agəra ana kàa gəsum ŋgat nda gəzləŋ a.

Yuhana 4:29

«Dumara, fə̀rum aà wele duwa a ɗemiŋara gà dukw ana i gewa akahər ata tserdze ya, aà are ya kwaŋ. Wànà a ge a ana, Kiristi, mala məmbàlà à mburma ana Mbulum a gwa, i ti slir a kurumehe a ya kəla ya?»

Yuhana 4:42

Ta gwaɗa a məkəs ata: «Mì gəs ŋgat nda gəzləŋ ka, aɗaba dukw ana kà ɗama a mər a ɗekɗek tsa, aɗaba mər tekeɗe, maa tsaraka bazlam ŋgar, dite mì sər ndzer, ŋgat ka, mala məmbàlà à mburma kaɗəŋ.»

Yuhana 7:41

Gà asiŋ ŋa ta gwa asa: «Wele aaka ka, *Kiristi, mala məmbàlà à mburma ana Mbulum a gwa, i ti slir a kurumehe a ya.» Ama gà mìsle ŋgiɗ pam ta gwa: «Kataya tsa. Kiristi a dere a ana, ika ahəɗ Galile ya ɓav a?

Gà Ɓəzla Meslire 17:3

A ɗif a tar dər, a gwaɗa a tar: «Mala məmbə̀là à mburma ana Mbulum a gwa, i slir a kurumehe a ya ka, say à sèwèr a are dzekwiŋ, dite i dəba ŋa ya, a ta mbilere a i məməta ya asa, kamala ana wakita Mbulum a tsik a.» A gwaɗa a tar asa: «Yesuw ata iye ihər i ɗif a kurum a dər a ka, ŋgat ŋa na a ne mala məmbə̀là à mburma ana Mbulum a gwa, i slir a kurumehe a ya.»

Gà Ɓəzla Meslire 8:36

I təv ana tar riŋ ti de a ika vatwa ya, ti ndze a təv ana maŋgə̀rà yam iɗəm a ka, mala megemir ata a gwa: «Yam naha, dukùla na a pala aà iye ahəm dze ka, ti tsilwiɓ à iye a yam tsiye?»

Gà Ɓəzla Meslire 9:22

Tsaatsa Sawul ivaɗ ka, a tsikewa bazlam Mbulum nda ndzəɗa kəla pat. Gà Yahuda ana tar mandza ŋa i Damas a, tə̀ sər dukw ana ti tsiker a aaka ya asa tsa, aɗaba tə tsaraka dukw ana a ɗif a dər a mburma, a gwa: «Yesuw ka, mala məmbə̀là à mburma ana Mbulum a gwa, i slir a kurumehe a ya.»

1 Yuhana 5:1

Ku weke na aka gəs Yesuw Kiristi, a sər, ŋgat mala məmbə̀là à mburma ana Mbulum a gwa, i slir a kurumehe a ya ka, ŋgat aka ne ka, kəla Mbulum. Wur ana a waya tsir gà ɓəza ya ka, a weye a gà ɓəza ŋgar ŋa mbaŋa.