Luka 9:18 - Bible Zulgo

¹⁸ A pat duwa Yesuw a riŋ a heme a a Mbulum à gər ŋgar ilik. I təv ana a riŋ a heme a ya ka, gà ɓəzla mazazama ŋgat ata tə daha a təv ŋgar. Ti ndzeha a təv ŋgar ka, Yesuw a gwaɗa a tar: «Gà mburma ta gwa dze ana, iye ana, weke?»

Luka 9:18 ပူးပေါင်းရင်းမြစ်များ

Mata 14:23

Aləka tə da i təv ŋgar a ka, ŋgat ŋa a tsəl a gər kwite à gər ŋgar, a daha, a hama a Mbulum i fata. Aləka həvəɗ a ge ka, ŋgat a riŋ i fata hiywe mba.

Mata 26:36

Aləka i dəba ŋa ya, gà Yesuw nda gà ɓəzla mazazama ŋgat ti ndze a tə̀vəməŋa a riŋ i dala, tə zalar Getsemene ka, a gwaɗa a tar: «Ndzum a bəɗ a faha, iye ka, i de a aka miɗ, i ta heme a a Mbulum a fata dzekwiŋ.»

Luka 11:1

A pat duwa, Yesuw a hama a Mbulum i təv ŋgiɗ pam. I təv ana a ndəv à meheme ŋgar ata ya ka, wura ilik i liwiŋ gà ɓəzla mazazama ŋgat a, a gwaɗar: «Batsah mər ŋa, ɗif a mər dər, meme na mìi heme a a Mbulum, kamala ana Yuhana a ɗif dər a gà ɓəzla mazazama ŋgat a mbaŋa te.»

Luka 3:21

Akahər ana Yuhana a tsilwiɓ à mburma a yam tserdze ya ka, i dəba ŋa ya, Yesuw a dara a təv ŋgar a mbaŋa, a tsilwiɓ aɗəm à ŋgat. I təv ana Yesuw a riŋ a heme a ya ka, kuvəl mbulum a hə̀ndə̀k ba ikaba ya tùwaŋ.

Luka 6:12

Akahər ata ka, Yesuw a tsəl aka gər dìyes duwa, aà mahàmà a Mbulum. A daha, a həna a bəra, aà mahàmà a Mbulum i fata.

Luka 9:19

Ta gwaɗar aaka: «Gà mìsle ŋgiɗ ta gwa: Kər ka, Yuhana metsìlwìɓè à mburma a yam. Gà mìsle ŋgiɗ pam asa ta gwa: Kər ka, Iliya ana akahər ata ya. Dite gà mìsle ŋgiɗ ibam, ta gwa, i tar ka: Kər ka, mìsle ŋgiɗ ilik i liwiŋ gà ɓəzla məma à guma Mbulum ana akahər ata ya, aka mbəlara i biye ya.»

Luka 9:28

A ge kwaskwa ilik i dəba mifefile ŋgar ata ya ka, Yesuw a ndzək gà Piyer nda Yuhana, nda gà Zakup. Tə tsəl a kwite aà meheme riŋ i fata.

Luka 9:29

I təv ana tar riŋ ta heme a ya ka, Yesuw a mbəɗ ba ŋgiɗ pam. A mbəɗ i are ya. Petek ŋgar ibam, a mbəɗ dər herrè, wùzlwùzl a wìtiɗ a are.