Luka 9:12 - Bible Zulgo

¹² Aka pat ana à dìɗ a ya ka, gà ɓəzla mazazama Yesuw aaha kurwa gəra sula ya, ti sìrìkaha a təv ŋgar. Ta gwaɗar: «Gwaɗa a gà mburma aaha, tə da, tə ti yahaba gà duwa aà bazlam a huɗ kwite, nda gà a kə̀sà ana a mbera bise ya, ti yaha aaba gà təv mehinne tsəna, meme? Araha, kwa tekeɗe ka, i kusak məfara ŋa asa ya.»

Luka 9:12 ပူးပေါင်းရင်းမြစ်များ

Mata 14:13

I dəba ŋa ya, Yesuw a tsaraka məməta Yuhana ata ti tsiker a ka, a hitsera i fataya, a da, a tsəl a slə̀làh yam. A waya mede aà gìgìze ŋgiɗ ana a mbe ndàra a dala, mburma a riŋ iɗəm tsiye. Ama gà mburma tə tsaraka a riŋ a de a ndàra a dala ka, gə̀də̀bəllà tə dayara i gà kwite ŋgiɗ a pampam hinne, tə zazam ŋgat a fata nda sik.

Mata 15:23

I fataya ka, Yesuw aka fàfəlar aakaha ilik tsidze. Zàmma tsəka, gà ɓəzla mazazama Yesuw ti sìrìkaha a təv Yesuw ndiɓ bise. Tə daha, ta hamar, ta gwaɗar: «Dalawa aba ya, aɗaba a riŋ a zezem a kwa nda gà Mewideye duwa hinne ana, meme?»

Mata 15:32

I dəba ŋa ya, Yesuw a zal a gà ɓəzla mazazama ŋgat. Aləka tə daha ka, a gwaɗa a tar: «Gà mburma aaha ti ndziŋ are tsehe ka, hinne, aɗaba mehinne makər ka, tar ɗa i təv gà i faha, dukw mezime a riŋ aà tar tsa. Dite kwa i sle aà megweɗe a tar ka, dum a gà ma kurum tsa. Aɗaba may a bets a tar aà vatwa na ti de a a ma ya asa.»

Luka 9:11

Aləka gà asiŋ gà mburma aaha tə sər aaba, tàa da ka, tə zazamaha tar a fata mbaŋa. Ti ndzeha a fata tsara ka, Yesuw a gwaɗa a tar: «Dumara a təv ga ya.» Tə daha ka, a tsik a tar bazlam mekwere Əbay Mbulum. A mbala à gà mburma i dukw məməta tar a tserdze.

Luka 9:13

Ama Yesuw a gwaɗa a tar: «Kurum ŋa, vəlum a tar dukw mezime.» Ta gwaɗar aaka: «Araha, na aà kwa ka, tapa ɗaf ə̀zləm, nda kilif sula pəra ana, meme? Wànà a sàsak ana, mi da sə̀kəmara dukw mezime aɗaba gà mburma aaha fit a ya?»

Yuhana 6:1

Aləka i dəba ŋa ya, Yesuw a mah ba i fataya, a daba aka lìdè duluv Galile. Tə zal a zləm duluv ata ka, Tiberiyas asa mbaŋa.

FILIPIYA 1:19

Aɗaba i sər, mendze gà ana i faha ya ka, duwa tserdze a ge a ba lele na i təv ga ya. Mbulum a mbil a à iye i mesewere are ya, aɗaba ana kurum riŋ ihər ki hemwimer a aɗaba iye ya, dite ka, Mezite Mesife Yesuw Kiristi à zlèk a iye mbaŋa.*fa*