Luka 9:11 - Bible Zulgo

¹¹ Aləka gà asiŋ gà mburma aaha tə sər aaba, tàa da ka, tə zazamaha tar a fata mbaŋa. Ti ndzeha a fata tsara ka, Yesuw a gwaɗa a tar: «Dumara a təv ga ya.» Tə daha ka, a tsik a tar bazlam mekwere Əbay Mbulum. A mbala à gà mburma i dukw məməta tar a tserdze.

Luka 9:11 ပူးပေါင်းရင်းမြစ်များ

Mata 12:15

Ama Yesuw a sər ka, tàa mà akaba à bazlam aka gər ŋgar ka, a hitsera i fataya, a da. I təv ana a riŋ a de a ya ka, gà mburma hinne tə zazam ŋgat. A daha, a mbala à gà ɓəzla dukw məməta ana i liwiŋ gà mburma ata ya tserdze.

Mata 14:14

Aləka i təv ana tsìm a ndzeha a fata, a tarra i slə̀làh yam a, a fə̀r ikaba ya ka, gà mburma viyèw tàa làhar a bəɗ a fata hinne, ta veve a ŋgat. A fə̀r aà tar ka, ti ndzer are tsehe hinne. A daha, a mbala à gà ɓəzla dukw məməta tar ana tə ndzakaha ya.

Mata 21:31

A gwaɗa a tar: «Weke na i liwiŋ gà ɓəza ata sula ya, na a ge dukw ana tsir tar a waya ya?» Ta gwaɗar aaka: «Kəla aaha ndeɗiŋa malahalah ŋa ya.» Yesuw a gwaɗa a tar aaka mbaŋa: «Kinehe ka, iye ihər i tsik a kurum a nda ndzer: Gà ɓəzla duwan nda gà məkəs ana ti dzewe a à ba tar a ka, tì lèh a kurum a a mekwere Əbay Mbulum ana a ta kwere a mba ya.

Mata 21:43

Aɗaba taŋa iye ihər i tsik a kurum ŋa: Kurum ka, ti zle a à kurum *mekwere Mbulum a, ta vile a a gà gwala ŋgiɗ ana ta gis ahər a ahəm a, dite na a ger a ŋgulum a.»

Luka 1:53

Aka vəl duwa hinne a gà mburma ana may a gewa a tar a. Dite a miyak à gà Əbay sìkwèɗ kataya, aka vəl tar duwa tsidze.

Luka 5:31

Ama Yesuw a gwaɗa a tar aaka: «Wura a de a a dàkwtar tsa, na ba ŋgar a riŋ lele ya. Say na a riŋ nda gà dukw məməta ya dzekwiŋ.

Luka 8:1

Aləka i dəba mendze zaakwa ya ka, Yesuw a daya aà kwite aà kwite, mege a batsah kwite, mege a kəla ŋana tekeɗe. A ləm aaka à bazlam ŋgwal ŋa ana biy *mekwere Mbulum a fit. A tsikewa a gà mburma. Gà ɓəzla mazazama ŋgat ana kurwa gəra sula ya, tə dəɗ aaka mbaŋa.

Luka 8:10

Yesuw a gwaɗa a tar aaka: «Kurum ka, Mbulum aka ɗif a kurum à dukw ana makàhà ŋa i mekwere ŋgar a. Ama gà mìsle ŋgiɗ ti dze a zləm ka, a dukw ana ti tsik a ter a ndaka bazlam minew a pəra. Dite ku mege ta fir ahər a tekeɗe ka, ta ŋgeter a tsa, ku mege tàa dzar zləm lele tekeɗe ka, ti tsereke a ɓav tsa asa.»*fa*

Luka 9:10

Aləka i dəba ŋa ya, gà ɓəzla meslire Yesuw aaha ndeɗiŋa a slər tar a, tàa mbəɗaha gər a təv ŋgar. Tə daha ka, tə ɗamar dukw ana ta ge riŋ i fataya fit dze. A sàs a Yesuw na ti de a a kwite ŋa a riŋ tə zalar Betsayida ya, kətsah aà kwite ya zaakwa, à gər tar. A ndzək dər gà ɓəzla mazazama ŋgat ata, tə da akaba tserdze.

Luka 9:12

Aka pat ana à dìɗ a ya ka, gà ɓəzla mazazama Yesuw aaha kurwa gəra sula ya, ti sìrìkaha a təv ŋgar. Ta gwaɗar: «Gwaɗa a gà mburma aaha, tə da, tə ti yahaba gà duwa aà bazlam a huɗ kwite, nda gà a kə̀sà ana a mbera bise ya, ti yaha aaba gà təv mehinne tsəna, meme? Araha, kwa tekeɗe ka, i kusak məfara ŋa asa ya.»

Luka 9:2

I dəba ŋa ya ka, a slər tar aà metsìkè bazlam *mekwere Mbulum a mburma, dite asa, aà məmbàlà à tar mbaŋa.

Yuhana 4:34

Yesuw a gwaɗa a tar: «Dukw mezime gà ka, say mege dukw ana a sàs a wele ana a slərra iye ya, nda mandəva à mege megemir ana a viliŋ a ahər aà mege ya.

Yuhana 6:37

Gà mburma ana Tsir gà a dziŋ tar tserdze ya ka, ti dere a a təv gà ya, dite iye tekeɗe ka, wur ana aka dara a təv ga ya ka, i niw a ŋgat tsa.

Gà Ɓəzla Meslire 28:31

A tsikewa bazlam mekwere Mbulum ana a ta kwere a aka miɗ mba ya. A dzeŋgewa a tar, a gwaɗawa a tar ka, weke na Yesuw Kiristi ya, nda dukw ana Yesuw a gewa ya tserdze, parakkà lele. Wura a peler a ahəm tsa, a ziwe a gər ŋgar.

RUMA 10:14

Kaɗəŋ. Ama na tàa gəs BATSAH kwa ŋa nda gəzləŋ tar tsəna, dite meme na ta hemer a ya? Na tàa tsaraka maɗə̀và zləm ŋgar tsəna, meme na ta gis a ŋgat nda gəzləŋ tar a? Na wura aka tsik a tar bazlam ŋgar tsəna, meme na ti tsereke a ya?

RUMA 10:17

Kamala taŋa ya, wur ana à gis a bazlam ata ka, say na aka tsaraka ya. Aka tsaraka tekeɗe ka, say na ti tsiker aka gər Yesuw Kiristi ya dzekwiŋ.

RUMA 15:3

Aɗaba Yesuw Kiristi tekeɗe ka, a sasar mawàyà ba ŋgar tsa. Seyiŋ tsa ivaɗ, a ndza ka, kamala ana ta wetse i wakita Mbulum ka, ta gwa ahər: «Tàa tsik dukw ana ŋgwala tsiye aà kər Mbulum. Ama bazlam tar ata ka, ta wala dər aà iye ya.»*fa*

2 TIMUTE 4:2

Ama kər ka, i gik a kamkam: Tsikewa bazlam Mbulum a mburma hiywe, ku mege bəla a tsahən aà tar tsa tekeɗe ya. Na bəla ta ge a dukw ana ŋgwal ŋa tsiye ka, ɗif a tar à metsehe lele, dza aà tar magəɗa, aɗaba gà bakal tar, dite kà ma a taraha à arəv aɗaba mazazama vatwa Mbulum. Dzeŋge a tar dukw ana a de a ndaka vatwa Mbulum a kəla pat, ka ti ya ba tsa.

IBƏRANIKWA 4:16

Aɗaba taŋa, sìrìkikwa a təv mendze mekwere Əbay Mbulum ana a kwere a ya, dite ka, a ge a ŋgwal ŋa a mburma mbaŋa ya. Hìriɓ hìriɓ ki gekwa magəɗa tsa. Aɗaba ka sərakwa, kà ndzekwar are tsehe, dite na a gekwe a ŋgwal ŋa i təv dukw ana a sle a aà kwa ya.