Luka 9:1 - Bible Zulgo

¹ Aləka i dəba ŋa ya, Yesuw a yaha gər a gà ɓəzla mazazama ŋgat aaha ndeɗiŋa kurwa gəra sula ya. A vəl a tar ndzəɗa aà madalawa gà sitene aà mburma ya, dite aà məmbàlà à gà ɓəzla dukw məməta asa.

Luka 9:1 ပူးပေါင်းရင်းမြစ်များ

Mata 16:19

I vilek a lèkilè mahə̀ndə̀kà a vatwa mada a mekwere Əbay Mbulum ka, a ahər yak. Dukw ana kàa pala ahər ɗa ahəm ika gər ahəɗ a, Mbulum tekeɗe, a pele ahər a ahəm i mbulum i gər ŋa mbaŋa. Dite dukw ana kàa vəl ahər vatwa ika gər ahəɗ a ka, ŋgat tekeɗe, a vile ahər a vatwa i mbulum kataya mbaŋa asa.»

Mata 4:24

I dəba ŋa ya, mege dukw ŋgar ata a ɗe zləm tsikw aka ahəɗ Siriya ana a mbeha a Galile ata ya. Tə tsaraka kataya ka, tə daha, tə ndzakaha gà ɓəzla dukw məməta ŋgiɗ pampam a təv ŋgar, gà na ndelèɓ ndelèɓ ti sèwèrewa are hinne i dukw məməta tar a, nda gà na sitene i ba tar a, dite nda gà na a beye à tar a dala ya, nda gà ɓəzla videl tserdze, a mbala à tar.

Mata 8:9

Aɗaba iye tekeɗe, gà bàba gà ŋa a riŋ mbaŋa, dite i kwere a gà sliwdze mbaŋa asa. I sle aà megweɗe a a biy ŋgiɗ ilik ka, a diŋa. Dite i gweɗe a a biy ŋgiɗ asa ka, a deriŋa. Dite bəla i gweɗe a a mala meslire gà ka, a giŋ a mbaŋa asa.»

Luka 10:1

I dəba ŋa ya, BATSAH kwa ŋa a ndzək gà asiŋ gà mburma ŋgiɗ dzik təsəla gəra sula, a slər tar sula sula aka miɗ, a gà təv ana a sasar a de aɗəm a ya, ku mege a batsah kwite, ku mege a kəla ŋana tekeɗe.

Luka 10:19

Kinehe ka, Yàa vəl a kurum ndzəɗa aà məɓàlà aka gà mesiwiɗ, nda gà hìrde, dite Yàa vəl a kurum ndzəɗa aà makwàrà mala mene are kurum tserdze mbaŋa, duwa a riŋ a ge a kurum a duwa tsidze.

Yuhana 14:12

Iye ihər i gweɗe a kurum a nda ndzer, pàrsa iɗəm tsa: Wele ana aka gəs iye nda gəzləŋ a ka, a ge a gà mege megemir ana iye ihər i ge a ya mbaŋa. A ta ge a ka, gà bàba gà megemir ana à ze a taŋa ya, aɗaba iye ihər i de a a təv Tsir gà.

Gà Ɓəzla Meslire 1:8

Ama ki ta ŋgetwim a ndzəɗa ka, i təv ana Mezite Mesife Mbulum a dere a a təv kurum a. Ki ti nwim a gà ɓəzla məma à bazlam gà i Yeruzalem, ika ahəɗ Yuda nda Samariya, dite ku mege i ŋga ika gər ahəɗ tserdze ya.»

Gà Ɓəzla Meslire 3:16

Megìse ana a gəs Yesuw nda gəzləŋ a na a mbəl à wele aaha ki ŋgetwimer a, kà sərum ŋgat kinehe ya. Zləm Yesuw a vəlar ndzəɗa, a làmbaɗar à megìse ana a gəs ŋgat a, dite ka, a vəlar mandza zayzay asa, kamala ana kurum riŋ ki ŋgetwimer a kinehe ya.

Gà Ɓəzla Meslire 4:30

Zlak mər, dite mi mbəl à gà mburma, nda mege gà dukw mene à mburma ata pampam a, nda zləm mala megemir yak Yesuw.»

Gà Ɓəzla Meslire 9:34

Piyer a gwaɗar: «Iniyas, hitse, Yesuw Kiristi a mbil a à kər, ka məsak à təv mehinne yak.» Iniyas a tsaraka kataya tsara ka, a hitse aà mbulum, a məsak à təv mehinne ŋgar.