Luka 8:48 - Bible Zulgo

⁴⁸ Yesuw a gwaɗar i dəba bazlam ŋgar ata ya: «Dəm ga, megìse yak ana kì gis iye nda gəzləŋ a ka, aka mbəl à kər. Daba nda zay.»

Luka 8:48 ပူးပေါင်းရင်းမြစ်များ

Mata 12:20

Kwizir ana dzùŋgurra madzàdzàkà ŋa ya ka, à hìɓ a dər ikaba ya tsa. Dite a mbete a à akwa ana a zeha ndwizzwè i lalampa, aka à mimbete ya ɓav tsa asa. A ye a ba tsidze, haa tsikw a təv ana aka burwa à dukw ana ŋgwala tsa, a ta ge a nda ndzer a ya.

Mata 8:13

I dəba ŋa ya, Yesuw a gwaɗa a Əbay gà sliwdze ata: «Daba a ma, aɗaba megìse yak ana kə̀ gəs iye nda gəzləŋ a ka, a ge a ba kamala ana kà wiz aà iye ya.» I dəba mifefile ŋgar ata ya tsara ka, tsèkwìr mala meslire Əbay sliwdze ata aka mbəl kaɗəŋ.

Mata 9:2

A ndzeha a fata ka, tə zlaraha mala magàha a bəɗ duwa madzàwà ŋa aà slə̀làh. Yesuw a samata gà mburma ana tə zlaha mala magàha a bəɗ ata ya ka, ta gəs ŋgat nda gəzləŋ lele. A gwaɗa a mala magàha a bəɗ ata: «Kəla gà, arəv ma da aà kər a tsa, Yàa pə̀lak à bakal yak.»

Mata 9:22

I dəba ŋa ya, ə̀ba Yesuw a fə̀r aakaha ka, aka ŋgat a məkəs ata. A gwaɗar: «Dəm gà, arəv ma da aà kər a tsa, megìse yak ana kì gis iye nda gəzləŋ a ka, aka mbəl à kər.» I fataya tsara ka, tsèwrèw məkəs ata a mbəl.

Markus 5:34

I dəba ŋa ya, Yesuw a gwaɗar: «Dəm ga, megìse yak ana kì gis iye nda gəzləŋ a ka, aka mbəl à kər. Daba nda zay. Kàa mbəl i dukw məməta yak a.»

Luka 17:19

I dəba ŋa ya, Yesuw a gwaɗa a wele ata: «Hitse, ka daba. Megìse yak ana kì gis iye i gəzləŋ yak a, aka mbəl à kər.»

Luka 18:42

I dəba ŋa ya, Yesuw a gwaɗar: «Daba, are yak aka lə̀mbaɗaba. Megìse yak ana kì gis iye ya ka, aka mbəl à kər.»

Luka 7:50

Ama Yesuw a gwaɗa a məkəs ata: «Kàa mbəl, agəra ana kàa gəs iye nda gəzləŋ ilik a. Daba nda zay.»

Luka 8:47

Aləka məkəs ata a samata ka, Yesuw aka mbər mesire aà dukw ana a ge ya, a daha aka miɗ ŋgar nda gà medzedzere slàɓslàɓslàɓ. A kal aba aka miɗ ŋgar a fata. A tsik a Yesuw melime ana a ləm ahər a ika miɗ mburma tserdze, dite meme na a mbəl tsara ya.

Gà Ɓəzla Meslire 14:9

Wele ata ka, a dzawa zləm a dukw ana Pul a tsikewa ya. Pul a samata ka, wele ata a riŋ nda gà megìse i gəzləŋ ŋgar lele, a sər dər ka, Mbulum na a mbil a à iye ya. A fə̀r ahər ɗegìrgìr,

2 Kurintiya 6:18

I ti ne a Tsir kurum, dite kurum tekeɗe, ki ti nwim a gà ɓəza gà mbaŋa, ku mege gà asləka ŋa, ku mege gà dəm ŋa tekeɗe ya. Na a tsik taŋa ka, Mbulum ana a kwere a duwa tserdze ya.»*fd*

IBƏRANIKWA 4:2

Aɗaba kwa tekeɗe ka, kàa tsarakukwa bazlam ŋgwal ŋana kamala ana akahər ata gà tsir kwa ata i kusak tə tsaraka ya mbaŋa. Ama bazlam ata ka, aka ge a tar ŋgulum ɓav tsa, agəra ana ku mege tàa tsaraka tekeɗe ka, tàa gəs a gəzləŋ tar tsiye.