Luka 8:44 - Bible Zulgo

⁴⁴ A sìrìkeha a təv Yesuw ndaà dəba. A daha, a ləm aà gùva petek ŋgar. A ləm ahər tsara ka, tsəndzalaŋ məmbəz ŋgar ata a zlalwara ihər a, a ndala tsara.

Luka 8:44 ပူးပေါင်းရင်းမြစ်များ

Mata 20:34

Yesuw a tsaraka taŋa ka, ti ndzer aɗəm are tsehe hinne. A daha, a ləm aà are tar, dite are tar a handaka ba tsara. I dəba ŋa ya ka, gà wele ata tə dəɗ aka Yesuw.

Mata 8:3

Yesuw a tsaraka kataya ka, a daha a təv ŋgar, a ləm ahər, a gwaɗar: «Haya, a sèsiŋ na ki mbil a ya. Kinehe ka, mbəl i dukw məməta yak a.» I fataya tsara ka, mbəlak ba wele ata a ndala ihər a suwuɗ tsara. Ba ŋgar a làmbaɗa ba nawat nawat lele kuɗa.

Mata 9:20

I təv ana ti de a ya ka, məkəs duwa a riŋ a sèwèrewa are hinne. Məmbəz a zlalawara ihər a. Aka ge ihər ka, mive kurwa gəra sula dze. A sìrìkeha a təv Yesuw ndaà dəba, a daha, a ləm aà gùva petek ŋgar.

Markus 6:56

Ku mege i batsah kə̀sà, nda gà i kəla kə̀sà ya tekeɗe, gà mburma tə ndzakawaraha gà ɓəzla dukw məməta aka dàlàbə̀rà mayahaba gər mburma ana iɗəm a. Tə zazamawa dər ŋgat a təv ana a de aɗəm a ya. I fataya ka, ta hama a Yesuw hinne, aà mə vəl vatwa a gà ɓəzla dukw məməta ata, tə lama aà gùva petek ŋgar àsla pəra ka, ta mbeliŋa. Gà taŋa tə lama aà petek ŋgar ata tserdze ya ka, ta mbala i dukw məməta tar a tsara.

Luka 13:13

A dza ahər aka məkəs ata. I fataya tsara ka, a hitse ndiɗ lele kuɗa. Dite a dza ba aà mazàmbàɗà a Mbulum.

Luka 7:38

A daha, a dza dər aà dəba a Yesuw aà gùva sik ŋgar. Ŋgat ŋa a dza ba aà tuwa. Tuwa ŋgar ata a bara dəba sik Yesuw. Məkəs ata a tàpàɗ ihər a nda ambəz ŋgar a. A gəs aaba sik Yesuw, a ndzìwìɗer ahəm, dite a dza ahər à wirdè ata kuɗa.

Luka 8:43

Ama i liwiŋ gà mburma ata ka, məkəs duwa a riŋ ilik, a sèwèrewa are hinne, məmbəz a zlalawara ihər a. Dukw ata aka ge ihər ka, mive kurwa gəra sula. Aka nəs à limana ŋgar a təv gà dàkwtar pampam hinne. Ama wura ilik aka sle aà məmbə̀là à ŋgat tsidze.

Luka 8:45

Yesuw a gwaɗa a tar: «Weke na a ləm aà iye ya?» Ku mege weke a gwa: «Na iye tsa.» Dite Piyer a gwaɗar: «Əbay, kə̀ ŋgat a gà mburma aaha ti lek tits, ta ŋgiɗits a kər a ka, dite ki gweɗe a ka, weke na a ləm aà iye ya ana, meme?»

Yuhana 5:13

Ama wele ata a sər, weke na a mbəl à iye ya ka, a sər tsa. Aɗaba Yesuw aka daba i fataya tsara, a miyak à gà mburma hinne i fata.

Gà Ɓəzla Meslire 19:12

Kərga taŋa ya, gà mburma ta wizewa petek ana ika ba Pul a, ti de a dər a təv gà ɓəzla dukw məməta, nda gà mburma ana sitene i ba tar a. Aɗaba ana tàa ləm aà petek ata ka, ta mbalawa i dukw məməta tar a.

Gà Ɓəzla Meslire 5:15

Aləka i dəba ŋa ya, gà asiŋ ŋa tə ndzə̀kawaha gà ɓəzla dukw məməta a fata. Tə dzayawa tar aà gùva vatwa. Ta hənawa à tar aka slə̀làh, kige tsa aka bwitse. Aɗaba a təv ana Piyer a de a nda ta ya ka, sìsiye ŋgar aka dza aka tar ka, ta mbalawa.