Luka 8:43 - Bible Zulgo

⁴³ Ama i liwiŋ gà mburma ata ka, məkəs duwa a riŋ ilik, a sèwèrewa are hinne, məmbəz a zlalawara ihər a. Dukw ata aka ge ihər ka, mive kurwa gəra sula. Aka nəs à limana ŋgar a təv gà dàkwtar pampam hinne. Ama wura ilik aka sle aà məmbə̀là à ŋgat tsidze.

Luka 8:43 ပူးပေါင်းရင်းမြစ်များ

Markus 12:44

Aɗaba gà mìsle ŋgiɗ tə dzaya aɗəm ka, asiŋ ŋa a riŋ aà tar hinne asa, à ndìv a tsa. Ama madakwa məkəs aaha a dza aɗəm i ŋgar ka, dukw ana a ŋgat nda matawak ŋgar a. A dza aɗəm ka, dukw ana a riŋ ihər a ndze a dər dze ya.»

Markus 9:18

I təv ana aka dza ahər ba ya ka, a dzawuwa à ŋgat a bəɗ, mazlə̀mbats pàrpàrpàr a dawarra i bazlam a, à pèpìɗ a dər zlir, dite ba ŋgar fit a kwiliŋa. I gwaɗa a gà ɓəzla mazazama kər aaha, delewimiŋ ihər a te ka, ti sle tsa.»

Luka 13:11

Məkəs duwa a riŋ ŋgwala tsa, sitene i ba ŋgar, i liwiŋ gà na ti dze a zləm a bazlam ŋgar ata i fataya. Ama sitene ata aka ndza ihər ka, daga mive kurwa gəra tsamakər. Aka geha à ŋgat a bəɗ fit kweleŋ. Aka ŋguv akaba ŋgat. A sle a aà mehitse ndiɗ asa tsa.

Luka 13:16

Wànà məkəs aaha, ŋgat i gwala Abəraham, Əbay sitene a dàn ŋgat mive kurwa gəra tsamakər ana, lele tsiye, na məpəla à ŋgat i mesewere are ŋgar a, a pat mesìfìkà ba ya?»

Luka 8:27

Aha ŋana Yesuw a tarra i slə̀làh yam a ka, wele duwa a riŋ i fata, a dza ba aà madaha a təv ŋgar. Wele ata ka, sitene a gasawa. A tikewa akaba petek tsa, dite a hənawa i ga ɓav tsa asa. A gər ana a dza ahər ba ya, a hənawa ka, ika magər gà dive.

Luka 8:42

Aɗaba dəm ŋgar duwa a riŋ ilik bataŋa, mive kurwa gəra sula, à mìtiŋa. Yesuw a tsaraka kataya ka, ta mah ba, tə da. Aka təv ana ti de a ya ka, gà mburma hinne tə zazam tar. Ta ŋgiɗits a dər Yesuw hinne.

Luka 8:44

A sìrìkeha a təv Yesuw ndaà dəba. A daha, a ləm aà gùva petek ŋgar. A ləm ahər tsara ka, tsəndzalaŋ məmbəz ŋgar ata a zlalwara ihər a, a ndala tsara.

Yuhana 9:1

A pat duwa, Yesuw a de a ika vatwa. A ŋgat a wele duwa, guluf ŋa. A gər ana ta wa ŋgat a, aka ŋgat a vatwa tsa.

Yuhana 9:21

Ama kinehe ka, mì sər meme na are ŋgar a hə̀ndə̀k ba ya tsa, dite mì sər wur ana a hə̀ndə̀kar ikəka ya tsa asa mbaŋa. Tsàmum aà ŋgat ŋa dukw ŋgar. Ŋgat ka, kəla ndirkiz mba tsa, a sle a aà metsike a kurum a dukw ana a geba nda ŋgat a.»

Gà Ɓəzla Meslire 3:2

Wele duwa a riŋ magàha a bəɗ ŋa, mandza ŋa a riŋ à gùva biye hərmaga ana tə zalar Matsahəna ŋa ya. Wele ata ka, magàha a bəɗ ŋa, daga ana ta wa ŋgat a. Tə zlawaha a fata kəla pat, dite ma wiz dukw meŋgèle aà gà mburma ana ti de a a ga Mbulum batsah ŋa ata ya.

Gà Ɓəzla Meslire 4:22

Wele ata ta mbəl à ŋgat nda dukw mene à mburma ata ya ka, a za mive dzik faɗ.