Luka 8:41 - Bible Zulgo

⁴¹ Mìsle ŋgiɗ a riŋ ilik i fata mbaŋa, zləm ŋgar Yayirus. Ŋgat ka, batsah gà mburma ana i ga mahàmà a Mbulum i kwite ata ya. A daha a təv Yesuw. A ndzeha a təv ŋgar tsara ka, a kal aba aka miɗ ŋgar. A hamar hinne. Dite Yesuw ma da a ma ŋgar te.

Luka 8:41 ပူးပေါင်းရင်းမြစ်များ

Luka 13:14

Ama a tsəɓ a batsah mala mahàmà a Mbulum ata hinne, aɗaba ana Yesuw a mbəl à məkəs ata a pat mesìfìkà ba ya. Batsah mala mahàmà a Mbulum ata a dza ba aà mifefile a gà mburma ata i fataya. A gwaɗa a tar: «Na kà wayum mege megemir ka, mehinne ndilik. I huɗ mehinne ndilik ŋa ata ya ka, dumara, ta mbala à kurum, tsəka, a pat mesìfìkà ba tsa.»

Luka 17:16

A daha ka, a kal aba aka miɗ Yesuw, luz a tike yemere a bəɗ, dite a ger kəkaaha. Ama wele ata ka, gà Samariya.

Luka 5:8

Simun Piyer a ŋgat a kilif ata kataya tsara ka, a daha, a kal aba aka sik a Yesuw nda gà mandza gurmits a biye. A gwaɗa a Yesuw: «Sìrìk i təv ga ya, Batsah ga ŋa. Iye ka, mala bakal kweleŋ.»

Luka 8:42

Aɗaba dəm ŋgar duwa a riŋ ilik bataŋa, mive kurwa gəra sula, à mìtiŋa. Yesuw a tsaraka kataya ka, ta mah ba, tə da. Aka təv ana ti de a ya ka, gà mburma hinne tə zazam tar. Ta ŋgiɗits a dər Yesuw hinne.

Luka 8:49

I təv ana Yesuw a riŋ à fèfil a a məkəs ata mba ya ka, tàa ɗera à labara i bəra Yayirus aaha ndeɗiŋa ya. Wur ana a ɗera à labara ya ka, a gwaɗaha a Yayirus: «Dəm yak aaha ka, aka mət ana, aàmala na ki yère a ba à mala medzeŋge a mburma aka asa ya?»

Yuhana 11:21

Aləka Marta a ndzeha a təv Yesuw tsara ka, a gwaɗar: «Batsah ga ŋa, ki ge ɗa i faha piŋŋe ka, ana ka, damər gà aaha à mìt a tsa ti ibam.

Gà Ɓəzla Meslire 13:15

Tə daha ka, mìsle ŋgiɗ a riŋ ilik i magər gà mburma ata i ga Mbulum a, a riŋ a dzeŋge a ter a wakita məpala ahəm Musa nda biy gà ɓəzla məmà à guma Mbulum. Aləka a ndəv aba à bazlam ŋgar ata ya tsara ka, gà bàba ŋa ana a riŋ mandza ŋa ika miɗ mburma i ga Mbulum i fataya, ta wiz bazlam à gà Barnabas nda Pul a, ta gwaɗa a tar: «Gà damər gà, na mifefile kurum a riŋ zaakwa ka, tsikwim a gà mburma aaha mayahaba gər ŋa ya, dite mə mà a taraha arəv.»

Gà Ɓəzla Meslire 18:17

Gà na i liwiŋ gà mburma ata tə sər Mbulum tsiye tserdze, tə daha, ta gəs Sastanas, batsah Əbay ga mahàmà a Mbulum gà Yahuda ata. Ta gə̀zl ŋgat lehhè ika miɗ Galiyaw i fata, ama Galiyaw ìndwe aka fàfəl tsidze.

Gà Ɓəzla Meslire 18:8

Ama i fata ka, wele duwa a riŋ, zləm ŋgar Kirispus. Ŋgat batsah ŋana i liwiŋ gà mburma ana ta hamawa a Mbulum i ga ata ya. Nda gà mburma ana i ga i ma ŋgar a, ta gəs Yesuw nda gəzləŋ tar fit. Gà asiŋ gà Kurintiya hinne, tə tsaraka bazlam Pul ata a tsik a tar a ka, ta gəs bazlam Mbulum a gəzləŋ tar mbaŋa. Ti tsilwiɓ à tar a yam.

Gà Ɓəzla Meslire 9:38

Ama gà kwite Yafa nda Lida ka, tar diriŋ aba ya tsa. Gà ɓəzla mazazama Yesuw ana i Yafa ya, tə tsaraka Piyer a riŋ i Lida ka, tə slər gà mburma sula a təv ŋgar, aà ma dara. Ta gwaɗaraha: «Mì gik kamkam, valara tsəma kwaŋ.»

Sunwa Yuhana 5:8

I təv ana a zla ya ka, gà bàba gà dukw ata faɗ nda gà mesife ya, dite nda gà bàba gà mburma dzik səla gər faɗ ŋa ata, tə daha, tə dzar gurmits a bəɗ aka miɗ ŋgar. Gà bàba gà mburma ata tserdze ya ka, tar nda gà gandzavəl i ahər. Dite gà ŋgwal gà tasà ana məvəɗa ŋa nda gura ya, aà tar mbaŋa. Dukw duwa iɗəm, na tàa wànà ka, a ze kamala wirdè ya, a zewa aà Mbulum hwaŋŋà lele. Dukw ata a ɗif ka, à meheme gà mburma Mbulum ana ta hemer a ya.