Luka 8:35 - Bible Zulgo

³⁵ Gà mburma ata tə tsaraka ka, tə dayaha aà mesèmete dukw ana a ge ba ya. Ti ndzeha a təv Yesuw ka, tàa le aà wele ana a dalawarra i ba gà sitene ya, ŋgat a riŋ mandza ŋa aà sik Yesuw nda gà petek ikaba lele kuɗa. Madzala gà gər ŋgar ibam, lele mbaŋa. A ge magəɗa a gà mburma ata tə daha ya hinne tsara.

Luka 8:35 ပူးပေါင်းရင်းမြစ်များ

Mata 4:24

I dəba ŋa ya, mege dukw ŋgar ata a ɗe zləm tsikw aka ahəɗ Siriya ana a mbeha a Galile ata ya. Tə tsaraka kataya ka, tə daha, tə ndzakaha gà ɓəzla dukw məməta ŋgiɗ pampam a təv ŋgar, gà na ndelèɓ ndelèɓ ti sèwèrewa are hinne i dukw məməta tar a, nda gà na sitene i ba tar a, dite nda gà na a beye à tar a dala ya, nda gà ɓəzla videl tserdze, a mbala à tar.

Markus 5:15

Ti ndzeha a təv ŋgar ka, ta ŋgat a wele ana ndeɗiŋa gà sitene i ba ŋgar a. A riŋ mandza ŋa, petek ikəka nda gà ba ŋgar tiywìm tiywìm lele. Madzala gà gər ŋgar ibam, lele kuɗa. Gà mburma ata ta ŋgatar ka, ta ge magəɗa hinne.

Luka 10:39

I təv ata tə daha ya ka, ti leha aà damər Marta a riŋ, tə zalar Mariya. Dəm ata a daha, a ndza a bəɗ aà sik Yesuw. A dza zləm a dukw ana a tsik a ya.

Luka 15:17

I fataya ka, a dza ba aà madzala gà gər aka mendze ŋgar ana a ndzawa i təv tsir ŋgar a. A gwa:

Luka 2:46

Ama i huɗ mehinne makər a ka, tàa le ahər a riŋ mandza ŋa i ga Mbulum batsah ŋa ata i fata. A riŋ i liwiŋ gà ɓəzla medzeŋge məpala ahəm Mbulum gà Yahuda. Ŋgat a riŋ à dze a zləm a medzeŋge tar ana ti dzeŋgewa ya. Dite ŋgat tekeɗe, a tsèm aà ter a bazlam ana a tsaraka ya.

Luka 8:27

Aha ŋana Yesuw a tarra i slə̀làh yam a ka, wele duwa a riŋ i fata, a dza ba aà madaha a təv ŋgar. Wele ata ka, sitene a gasawa. A tikewa akaba petek tsa, dite a hənawa i ga ɓav tsa asa. A gər ana a dza ahər ba ya, a hənawa ka, ika magər gà dive.

Luka 8:34

Gà ɓəzla makəva gà wèdèlìŋ ata, ta ŋgat a dukw ana a ge ba nda gà wèdèlìŋ aaha ya ka, swiyèh tə tə̀z. Tə daha, ti tsikeye labara ana a ge ba, ta ŋgatar a, i huɗ kwite, nda gà i kə̀sà ana i dala ŋana ya mbaŋa.

Gà Ɓəzla Meslire 22:3

«Iye ka, gà Yahuda. Ta wa iye ka, i kwite Tarsus ika ahəɗ Kilikiya. Ama i gəl ba ka, i faha i Yeruzalem. Ama mala medzeŋge məpala ahəm Mbulum Gamaliyel na a ɗifiŋ à məpala ahəm Mbulum gà tsir kwa nda ndzer ŋa lele ya. Akahər ata ka, Yàa zazam fəla gà tsir kwa tikwitstse kamala kurum ana ki zezemwim a kinehe ya mbaŋa.

1 Yuhana 3:8

Ama wur ana aka miyak à mege bakal tsiye ka, ŋgat ka, i ahər Əbay sitene, aɗaba Əbay sitene ata a gewa ka, bakal daga aà gər ana ta ge gər ahəɗ a. Aɗaba taŋa na Yesuw Kiristi a dara aka gər ahəɗ a ka, aà medzeye à megemir Əbay sitene ata seyiŋ.